ಯೋಹಾನ 3:34 - ಕೊಡವ ಬೈಬಲ್

³⁴ ಅಂವೊನ ದೇವ ಅಯಿಚತ್, ಆನಗುಂಡ್‌ ದೇಡಡ ತಕ್ಕ್ ಪರಂದಂಡುಂಡ್. ದೇವ ಅಂವೊಂಗ್ ತಾಂಡ ಆತ್ಮತ್‌ನ ಅಳ್‌ಪಕ್ ಕಯ್ಯತಚ್ಚಕ್ ಕೊಡ್‌ತಿತುಂಡ್.

ಯೋಹಾನ 3:34 ပူးပေါင်းရင်းမြစ်များ

ಮತ್ತಾಯ 12:18

ಇದಾ, ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಸೇವಕ, ನಾಡ ಆತ್ಮತ್‌ನ ಕುಶಿಪಡ್‌ತ್‌ವ ನಾಡ ಕೊದಿರಂವೊ; ನಾಡ ಆತ್ಮತ್‌ನ ಅಂವೊಂಡ ಮೇಲೆ ಅಳ್‌ಪಕ್ ಮಾಡ್‌ವಿ, ಅಂವೊ ನಾಡ ನ್ಯಾಯತ್‍ನ ಎಲ್ಲಾ ಜನಕ್ ಅರಿಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಯೋಹಾನ 1:16

ಅಂವೊಂಡ ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‌ಚಿ.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:26

ಎನ್ನಂಗೆಣ್ಣ್‌ಚೇಂಗಿ, ಅಪ್ಪಂಗ್ ಎನ್ನನೆ ಸ್ವಂತವಾಯಿತ್ ಜೀವ ಉಂಡೋ, ಅನ್ನನೆ ಮೋಂವೊಂಗ್ ಸಹ ಸ್ವಂತವಾಯಿತ್ ಜೀವ ಉಳ್ಳನೆಕೆ ಅಂವೊ ಮಾಡಿರ್‌ತ್.

ಯೋಹಾನ 7:16

ಯೇಸು ಅಯಿಂಗಕ್: ನಾನ್ ಮಾಡ್‌ವ ಬೋದನೆ ನಾಡ ಸ್ವಂತ ಬೋದನೆ ಅಲ್ಲ, ನನ್ನ ಅಯಿಚಂವೊಂಡ ಬೋದನೆ.

ಯೋಹಾನ 8:40

ದೇವಡಯಿಂಜ ಕ್‍ೕಟಿತ್ ನಿಂಗಕ್ ಎಣ್ಣುವ ನನ್ನ, ನಿಂಗ ಕೊಲ್ಲ್‌ವಕ್ ನೋಟಿಯಂಡುಳ್ಳಿರ, ಅಬ್ರಹಾಮ ಇನ್ನನೆ ಮಾಡಿತ್‌ಲ್ಲೆಲ್ಲಾ.

ಯೋಹಾನ 8:47

ದೇವಡಗುಂಡ್ ಪುಟ್ಟ್‌ನಯಿಂಗ ದೇವಡ ತಕ್ಕ್ ಕ್‍ೕಪ; ನಿಂಗ ದೇವಡಗುಂಡ್ ಪುಟ್ಟತಗುಂಡ್ ನಾಡ ತಕ್ಕ್‌ಕ್ ಕೆಮಿ ಕೊಡ್‍ಪ್‍ಲೇಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 1:2

ಅಂವೊ ಸೇವೆ ಸುರು ಮಾಡ್‍ನ ದಿವಸತ್ಂಜ ಅಂವೊ ಪರಲೋಕಕ್ ಪೋನ ಸಮಯಕತ್ತನೆ ಮಾಡ್‍ನ ಎಲ್ಲಾ ಸೇವೇನ ಪಿಂಞ ಬೋದನೆನ ನಾಡ ಆದ್ಯ ಪುಸ್ತಕತ್‍ಲ್ ಒಳ್‍ದಿ ಬೆಚ್ಚಿಯೆ.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:19

ದೇವಡ ಪರಿಪೂರ್ಣವಾನ ಎಲ್ಲಾ ಗುಣವು ಅಂವೊಂಡ ಒಳ್‍ಲ್ ಇಪ್ಪಕ್ ದೇವಕ್ ಕುಶಿಯಾಚಿ.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.