ಯೋಹಾನ 3:32 - ಕೊಡವ ಬೈಬಲ್

³² ಅಂವೊ ಎಂತದ್‍ನ ಕಂಡತೋ, ಎಂತದ್‍ನ ಕ್‍ೕಟತೋ ಅದ್ಂಡ ವಿಷಯತ್ ಸಾಕ್ಷಿ ಕೊಡ್‍ಪ. ಆಚೇಂಗಿಯು, ಅಂವೊಂಡ ಸಾಕ್ಷಿನ ದಾರೂ ಸ್ವೀಕಾರ ಮಾಡುಲೆ.

ಯೋಹಾನ 3:32 ပူးပေါင်းရင်းမြစ်များ

ಮತ್ತಾಯ 7:8

ಎನ್ನಂಗೆಣ್ಣ್‌ಚೇಂಗಿ ದಾರೆಲ್ಲಾ ಕ್‍ೕಪ ಅಯಿಂಗಕ್ ಕ್‍ಟ್ಟುವ; ದಾರೆಲ್ಲ ತ್‍ೕಡ್‌ವ, ಅಯಿಂಗಕ್ ಕಾಂಬ; ದಾರೆಲ್ಲ ತಟ್ಟ್‌ವ, ಅಯಿಂಗಕ್ ಪಡಿ ತೊರ್‌ಪ.

ಯೋಹಾನ 1:11

ಅಂವೊ ತಾಂಡ ಸ್ವಂತ ಜನತ್‍ರ ಪಕ್ಕ ಬಾತ್, ಆಚೇಂಗಿ ಅಂವೊಂಡ ಸ್ವಂತ ಜನ ಅಂವೊನ ಸ್ವೀಕಾರ ಮಾಡಿತ್‌ಲ್ಲೆ.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 3:11

ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣ್‌ವಿ, ನಂಗಕ್ ಎಂತ ಗೊತ್ತುಂಡೋ ಅದ್‍ನ ಎಣ್ಣುವ, ನಂಗ ಕಂಡದ್‍ನ ಎಣ್ಣಿ ಕೊಡ್‍ಪ; ಆಚೇಂಗಿ ನಂಗಡ ಸಾಕ್ಷಿನ ನಿಂಗ ಅಂಗಿಕಾರ ಮಾಡಿತ್‌ಲ್ಲೆ.

ಯೋಹಾನ 3:26

ಅಯಿಂಗ ಯೋಹಾನಂಡ ಪಕ್ಕ ಪೋಪಂಜಿ: ಉಪಾದ್ಯನೇ, ಯೊರ್ದನ್ ಕೆರೆರ ಆಬರಿಲ್ ನೀಡ ಕೂಡೆ ಒಬ್ಬ ಇಂಜತಲ್ಲ, ನೀನ್ ಸಹ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತಿಯಲ್ಲ? ಇಕ್ಕ ನೋಟಿ, ಅಂವೊ ದೀಕ್ಷಾಸ್ನಾನ ಕೊಡ್‍ತಂಡುಂಡ್, ಜನ ಎಲ್ಲಾರು ಅಂವೊಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:33

ಅಂವೊಂಡ ಸಾಕ್ಷಿನ ತಕ್ಕಾರ ಮಾಡ್‌ವಂವೊ, ದೇವ ಎಣ್ಣ್‌ನದ್ ಸತ್ಯಾಂದ್ ಉಳ್ಳ ವಿಷಯತ್‍ನ ಮುದ್ರೆ ಇಟ್ಟಿತ್ ದೃಡಪಡ್‌ತಿಯಂಡುಂಡ್.

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಯೋಹಾನ 8:26

ನಿಂಗಡ ವಿಷಯತ್ ಎಣ್ಣುವಕು, ನಿಂಗಡ ಮೇಲೆ ಕಂಡನೆ ಮಾಡ್‌ವಕು ನಾಕ್ ದುಂಬ ವಿಷಯ ಉಂಡ್. ನನ್ನ ಅಯಿಚಂವೊ ಸತ್ಯವಂತಂವೊ, ನಾನ್ ಅಂವೊಂಡಿಂಜ ಕ್‍ೕಟದ್‍ನೆಲ್ಲ ಈ ಲೋಕಕ್ ಎಣ್ಣಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.