ಯೋಹಾನ 3:26 - ಕೊಡವ ಬೈಬಲ್

²⁶ ಅಯಿಂಗ ಯೋಹಾನಂಡ ಪಕ್ಕ ಪೋಪಂಜಿ: ಉಪಾದ್ಯನೇ, ಯೊರ್ದನ್ ಕೆರೆರ ಆಬರಿಲ್ ನೀಡ ಕೂಡೆ ಒಬ್ಬ ಇಂಜತಲ್ಲ, ನೀನ್ ಸಹ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತಿಯಲ್ಲ? ಇಕ್ಕ ನೋಟಿ, ಅಂವೊ ದೀಕ್ಷಾಸ್ನಾನ ಕೊಡ್‍ತಂಡುಂಡ್, ಜನ ಎಲ್ಲಾರು ಅಂವೊಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:26 ပူးပေါင်းရင်းမြစ်များ

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಯೋಹಾನ 1:15

ಯೋಹಾನ ಅಂವೊಂಡ ವಿಷಯತ್‍ಲ್: ನಾಕ್ ಬಯ್ಯ ಬಪ್ಪಂವೊ ನಾಕಿಂಜ ಮಿಂಞಲೇ ಇಂಜಂವೊ, ಆನಗುಂಡ್ ಅಂವೊ ನಾಕಿಂಜ ಬಲ್ಯಂವೋಂದ್ ನಾನ್ ನಿಂಗಕ್ ಮಿಂಞಲೇ ಎಣ್ಣಿತ್ಂಜಂವೊ ಇಂವೊನೇಂದ್ ಜೋರಾಯಿತ್ ಸಾಕ್ಷಿ ಕೊಡ್‍ತತ್.

ಯೋಹಾನ 1:7

ಅಂವೊ ತಾಂಡ ಸಾಕ್ಷಿರ ಮೂಲಕ ಎಲ್ಲಾರು ನಂಬಂಡೂಂದ್, ಈ ಬೊಳಿರ ವಿಷಯತ್ ಸಾಕ್ಷಿ ಕೊಡ್‍ಪಕ್ ಬಾತ್.

ಯೋಹಾನ 1:9

ಈ ಲೋಕತ್‍ಲ್ ಬಪ್ಪ ಪ್ರತಿಯೊರ್ ಮನುಷ್ಯಂಗಕು ಬೊಳಿ ಕೊಡ್‍ಪ ಬೊಳಿಯೇ ಆ ನೇರಾನ ಬೊಳಿ.

ಯೋಹಾನ 11:48

ಇಂವೊನ ನಂಗ ಇನ್ನನೆ ಬುಟ್ಟತೇಂಗಿ, ಎಲ್ಲಾರು ಅಂವೊನ ನಂಬುವ; ಅಕ್ಕ ರೋಮ್ ರಾಜ್ಯತ್‍ರ ಜನ ನಂಗಡ ದೇವಾಲಯತ್‍ನ, ನಂಗಡ ಜಾಗತ್‍ನ ಒತ್ತಾಯ ಮಾಡಿತ್ ಎಡ್‌ತ್‌ರ್‍ವಾಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 4:1

ಯೇಸು ಯೋಹಾನಕಿಂಜ ದುಂಬ ಶಿಷ್ಯಂಗಳ ಮಾಡಿಯಂಡ್, ದೀಕ್ಷಾಸ್ನಾನ ಕೊಡ್‍ತಂಡುಂಡ್‍ೕಂದ್ ಫರಿಸಾಯಂಗಕ್ ಗೊತ್ತಾಚೀಂದ್ ಯೇಸುಕ್ ಗೊತ್ತಾಚಿ.

ಯೋಹಾನ 4:2

(ಯೇಸು ತಾನೆ ದೀಕ್ಷಾಸ್ನಾನ ಕೊಡ್‍ತಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಶಿಷ್ಯಂಗ ಕೊಡ್‍ತಂಡಿಂಜತ್).

ಯೋಹಾನ 4:31

ಇದ್ಂಡ ಮದ್ಯತ್‍ಲ್, ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ನೀನ್ ಉಣ್ಣ್‌ಂದ್ ಅಂವೊನ ಬೋಡಿಯಂಡತ್.

ಯೋಹಾನ 5:33

ನಿಂಗ ಯೋಹಾನಂಡ ಪಕ್ಕ ಆಳ್‍ವಳ ಅಯಿಚಿರ; ಅಂವೊ ನಾಡ ವಿಷಯತ್ ಸತ್ಯ ತಕ್ಕ್ ಪರ್ಂದತ್.