ಯೋಹಾನ 3:13 - ಕೊಡವ ಬೈಬಲ್

¹³ ಮನುಷ್ಯಕುಮಾರನಲ್ಲತೆ ಬೋರೆ ದಾರೂ ಪರಲೋಕಕ್ ಪೋಯಿತ್‌ಲ್ಲೆ, ಅಂವೊನಲ್ಲತೆ ದಾರೂ ಪರಲೋಕತ್ಂಜ ಈ ಲೋಕಕ್ ಬಂದಿತೂ ಇಲ್ಲೆ.

ಯೋಹಾನ 3:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 30:4

ಪರಲೋಕಕ್‌ ಪೋಯಿತ್‌ ಅಡಿಕ್‌ ಇಳ್‌ಂಜಿತ್‌ ಬಂದಂವೊ ದಾರ್? ಗಾಳಿನ ತಾಂಡ ಕೈಯಿ ಮುಷ್ಟಿಲ್‌ ಅಡಕ್‌ನಂವೊ ದಾರ್? ತಾಂಡ ಉಡ್‌ಪ್‌ಲ್‌ ನೀರ್‌ನ ಮೂಟೆ ಕಟ್ಟ್‌ನಂವೊ ದಾರ್? ಬೂಮಿರ ಗಡಿನಯೆಲ್ಲಾ ಸ್ತಾಪನೆ ಮಾಡ್‌ನಂವೊ ದಾರ್? ಅಂವೊಂಡ ಪೆದ ಎಂತ? ಅಂವೊಂಡ ಮೋಂವೊಂಡ ಪೆದ ಎಂತ? ನೀಕ್‌ ಅದ್‌ ಗೊತ್ತುಂಡೇಮಗಿ ನಾಕ್‍ ಅದನ ಎಣ್ಣ್?

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 13:3

ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್:

ಯೋಹಾನ 17:5

ಇಕ್ಕ, ಅಪ್ಪಾ! ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಾಕ್ ನೀಡ ಪಕ್ಕ ಇಂಜ ಮಹಿಮೇರಗುಂಡ್ ಇಕ್ಕ ನೀನ್ ನೀಡಲ್ಲಿ ನಾಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್.

ಯೋಹಾನ 3:12

ಈ ಲೋಕತ್‍ರ ವಿಷಯತ್‍ನ ಎಣ್ಣುವಕ ನಿಂಗ ನನ್ನ ನಂಬತೆ ಪೋಚೇಂಗಿ, ಪರಲೋಕತ್‍ರ ವಿಷಯತ್‍ನ ಎಣ್ಣ್‌ಚೇಂಗಿ ಎನ್ನನೆ ನಂಬುವಿರ?

ಯೋಹಾನ 3:31

ಕ್ರಿಸ್ತ ಪರಲೋಕತ್ಂಜ ಬಂದಂವೊ, ಅಂವೊ ಎಲ್ಲಾರ್ಕಿಂಜ ಬಲ್ಯಂವೊ. ಬೂಲೋಕತ್ಂಜ ಬಂದಯಿಂಗ, ಈ ಲೋಕತ್‍ರ ತಕ್ಕ್ ಪರಿಯುವ. ಆಚೇಂಗಿ, ಅಂವೊ ಪರಲೋಕತ್ಂಜ ಬಂದಂವೊ, ಆನಗುಂಡ್ ಅಂವೊ ಎಲ್ಲಾರ್ಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 6:33

ಪರಲೋಕತ್ಂಜ ಇಳ್ಂಜಿ ಬಂದಿತ್ ಈ ಲೋಕತ್‍ರ ಮನುಷ್ಯಂಗಕಾಯಿತ್ ಜೀವ ತಪ್ಪ ಒಟ್ಟಿಯೇ ದೇವ ತಪ್ಪ ಒಟ್ಟೀಂದ್ ಎಣ್ಣ್‌ಚಿ.

ಯೋಹಾನ 6:38

ಎನ್ನಂಗೆಣ್ಣ್‌ಚೇಂಗಿ, ನಾನ್ ಪರಲೋಕತ್ಂಜ ಬಂದದ್ ನಾಡ ಇಷ್ಟ ಪ್ರಕಾರ ಕ್ರಿಯೆ ಮಾಡ್‌ವಕ್ ಅಲ್ಲ, ದಾರ್ ನನ್ನ ಅಯಿಚತೋ ಅಂವೊಂಡ ಚಿತ್ತತ್‍ರ ಪ್ರಕಾರ ಕ್ರಿಯೆ ಮಾಡ್‌ವಕ್ ಬಂದಿಯೆ.

ಯೋಹಾನ 6:42

ಇಂವೊ ಯೋಸೇಫಂಡ ಮೋಂವೊನಾನ ಯೇಸು ಅಲ್ಲಾ? ಅಂವೊಂಡ ಅಪ್ಪವ್ವನ ನಂಗಕ್ ಗೊತ್ತುಂಡಲ್ಲ? ಅನ್ನನೆ ಇಪ್ಪಕ, ನಾನ್ ಪರಲೋಕತ್ಂಜ ಬಂದಂವೋಂದ್ ಇಂವೊ ಎಣ್ಣ್‌ವದ್ ಎನ್ನನೇಂದ್ ಎಣ್ಣ್‌ಚಿ.

ಯೋಹಾನ 6:46

ದೇವಡಯಿಂಜ ಬಂದಂವೊನಲ್ಲತೆ ಬೋರೆ ದಾರೂ ಅಪ್ಪನಾನ ದೇವನ ಕಂಡಿತ್‌ಲ್ಲೆ, ಇಂವೊನೇ ದೇವನ ಕಂಡಂವೊ.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

ಯೋಹಾನ 6:62

ಅನ್ನನೆ ಆಚೇಂಗಿ, ಮನುಷ್ಯಕುಮಾರ ಎಲ್ಲಿಂಜ ಬಾತೋ ಅಲ್ಲಿಕ್ ಪತ್ತಿತ್ ಪೋಪಾನ ನಿಂಗ ಕಂಡಕ ಎಂತ ಮಾಡ್‌ವಿರ?

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

ಅಪೊಸ್ತಲ 2:34

ದಾವೀದ ಪರಲೋಕಕ್ ಪೋಯಿತ್‌ಲ್ಲೆ, ಆಚೇಂಗಿಯು, ನಾನ್ ನೀಡ ವಿರೋದಿಯಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ,

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ರೋಮ್ 10:6

ಆಚೇಂಗಿ, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿ ಇನ್ನನೆ ಎಣ್ಣಿಯಂಡುಂಡ್: ಕ್ರಿಸ್ತನ, ಅಡಿಕ್ ಕೊಂಡ್ ಬಪ್ಪಕಾಯಿತ್ ಪರಲೋಕಕ್ ಪತ್ತಿತ್ ಪೋಪಂವೊ ದಾರ್?

1 ಕೊರಿಂಥ 15:47

ಆದ್ಯ ಮನುಷ್ಯನಾನ ಆದಾಮ ಮಣ್ಣಿಂಜ ಬಂದಂವೊ, ದಂಡನೆಯಂವೊನಾನ ಕ್ರಿಸ್ತ ಪರಲೋಕತ್ಂಜ ಬಂದಂವೊ.

ಎಫೆಸ 1:23

ಎಲ್ಲಾನ ಎಲ್ಲಾನಗುಂಡ್ ದುಂಬ್‌ಚಿಡುವ ಪರಿಪೂರ್ಣವಾನ ಅಂವೊಂಡ ತಡೀಯಾಯಿತುಳ್ಳ ಸಬೇಕ್, ಎಲ್ಲಾಕಿಂಜ ಮೇಲೆ ಅಂವೊನ ಮಂಡೆಯಾಯಿತ್ ಮಾಡ್‍ಚಿ.