ಯೋಹಾನ 21:9 - ಕೊಡವ ಬೈಬಲ್

⁹ ಅಯಿಂಗ ಕರೆಲ್ ಇಳಿಯುವಕ, ಮಸಿಕಂಡೆರ ತಿತ್ತ್ ಇಟ್ಟಿತುಳ್ಳದ್‍ನ, ಆಂಡ ಮೇಲೆ ಮೀನ್ ಪಿಂಞ ಒಟ್ಟಿ ಇಂಜಾನ ಕಂಡತ್.

ಯೋಹಾನ 21:9 ပူးပေါင်းရင်းမြစ်များ

ಮತ್ತಾಯ 4:11

ಅಕ್ಕ ಸೈತಾನ ಯೇಸುನ ಬುಟ್ಟಿತ್ ಪೋಚಿ; ದೇವದೂತಂಗ ಬಂತ್ ಅಂವೊಂಗ್ ಸೇವೆ ಮಾಡ್‍ಚಿ.

ಮಾರ್ಕ 8:3

ಚೆನ್ನ ಜನಾಂಗ ದೂರತ್ಂಜ ಬಂದಿತುಂಡ್. ನಾನ್ ಅಯಿಂಗಕ್ ಒಂದು ತಿಂಬಕ್ ಕೊಡ್‍ಕತೆ ಬಯ್ಯಕ್ ಅಯಿಚತೇಂಗಿ ಅಯಿಂಗ ಸೊಯ ತಪ್ಪಿತ್ ಬುದ್ದ್‌ರ್‌ವ.

ಯೋಹಾನ 18:18

ಅಕ್ಕ ಕುಳ್‌ರ್ ಕಾಲವಾಯಿತ್ಂಜತ್. ಮಸಿಕಂಡೆಲ್ ತಿತ್ತ್‌ರ ಗುಡ್ಡೆ ಮಾಡಿತ್ ಅದಿಕಾರಿಯಂಗಡ ಆಳ್‍ವ ತಿತ್ತ್ ಗುಡ್ಡೆರ ಸುತ್ತ್‌ಲ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್. ಪೇತ್ರನು ಅಲ್ಲಿ ಪೋಯಿತ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್.

ಯೋಹಾನ 21:10

ಯೇಸು ಅಯಿಂಗಳ ನೋಟಿತ್: ನಿಂಗ ಇಕ್ಕ ಪುಡ್‌ಚ ಮೀನ್‌ನ ಕೊಂಡ್‌ಬಾರೀಂದ್ ಎಣ್ಣ್‌ಚಿ.

ಯೋಹಾನ 21:13

ಅಕ್ಕ ಯೇಸು: ಒಟ್ಟಿನ ಪಿಂಞ ಮೀನ್‌ನ ಎಡ್‍ತಿತ್ ಅಯಿಂಗಕ್ ಕೊಡ್‍ತತ್.

ಯೋಹಾನ 21:8

ಬೋರೆ ಶಿಷ್ಯಂಗ ಕೆರೆಕ್ ಇಂಞು ಮುನ್ನೂರ್ ಅಡಿ ದೂರತ್‍ಲ್ ಇಂಜತ್, ಆನಗುಂಡ್ ದೋಣಿಲ್ ಇಂಜಂಡೇ ಮೀನ್‌ರ ಬಲೆನ ಕರೆಕ್ ಬಲ್‍ಚಂಡ್ ಬಾತ್.

ಯೋಹಾನ 6:11

ಅಕ್ಕ, ಯೇಸು ಒಟ್ಟಿನ ಎಡ್‍ತಿತ್ ದೇವಕ್ ವಂದನೆ ಮಾಡಿತ್, ಎಲ್ಲಾರ್‌ಕು ಪಾಲ್ ಮಾಡಿತ್ ಕೊಡ್‍ಪಕ್ ಶಿಷ್ಯಂಗಡ ಪಕ್ಕ ಕೊಡ್‍ತತ್. ಶಿಷ್ಯಂಗಳು ಅಳ್‌ತಿತ್ಂಜ ಎಲ್ಲಾರ್‌ಕು ಕೊಡ್‍ತತ್. ಅನ್ನನೆ ಮೀನ್‌ನ ಬೋಂಡಿಯಾನಚ್ಚಕ್ ಎಲ್ಲಾರ್‌ಕು ಕೊಡ್‍ತತ್.

ಯೋಹಾನ 6:9

ಇಲ್ಲಿ ಒರ್ ಕ್‍ಣ್ಣ ಉಂಡ್, ಅಂವೊಂಡ ಪಕ್ಕ ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್ ಉಂಡ್, ಆಚೇಂಗಿ ಇಚ್ಚಕ್ ಜನಕ್ ಅದ್ ಮದಿ ಆಪುಲೇಂದ್ ಎಣ್ಣ್‌ಚಿ.