ಯೋಹಾನ 21:2 - ಕೊಡವ ಬೈಬಲ್

² ಅದ್ ಎನ್ನನೆ ಎಣ್ಣ್‌ಚೇಂಗಿ: ಸೀಮೋನ ಪೇತ್ರ, ದಿದುಮಾಂದ್ ಜನ ಕಾಕುವ ತೋಮ, ಗಲಿಲಾಯತ್‍ರ ಕಾನಾ ಊರ್‌ರ ನತಾನಯೇಲ, ಜೆಬೆದಾಯಂಡ ದಂಡ್ ಮೋನಿಯಂಗ, ಪಿಂಞ ಯೇಸುರ ಇಂಞು ದಂಡ್ ಶಿಷ್ಯಂಗ ಕೂಡಿ ಬಂದಿತ್ಂಜತ್.

ಯೋಹಾನ 21:2 ပူးပေါင်းရင်းမြစ်များ

ಮತ್ತಾಯ 10:3

ಫಿಲಿಪ್ಪ, ಬಾರ್ತೊಲೊಮಾಯ, ತೋಮ, ಕಂದಾಯ ಎಡ್‌ಪಂವೊನಾನ ಮತ್ತಾಯ, ಅಲ್ಫಾಯಂಡ ಮೋಂವೊ ಯಾಕೋಬ, ತದ್ದಾಯ,

ಮಾರ್ಕ 1:19

ಯೇಸು ಇಂಞು ಚೆನ್ನ ಮಿಂಞಕ್ ಪೋಯಂಡಿಪ್ಪಕ, ಅಲ್ಲಿ ಜೆಬೆದಾಯಂಡ ಮಕ್ಕಳಾನ ಯಾಕೋಬ ಪಿಂಞ ಯೋಹಾನ ದೋಣಿಲ್ ಅಳ್‌ತಂಡ್ ಮೀನ್ ಪುಡಿಪಕ್ ಬಲೆನ ಸರಿ ಮಾಡಿಯಂಡ್ ಇಂಜಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:10

ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 11:16

ಅಕ್ಕ ದಿದುಮ ಎಣ್ಣುವ ತೋಮ, ಶಿಷ್ಯಂಗಕ್: ಬಾರಿ ಯೇಸುರ ಕೂಡೆ ಪೋಯಿತ್ ನಂಗಳು ಚಾವನಾಂದ್ ಎಣ್ಣ್‌ಚಿ.

ಯೋಹಾನ 2:1

ಮೂಂದನೆ ದಿವಸತ್‍ಲ್, ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಒರ್ ಮಂಗಲ ಇಂಜತ್. ಯೇಸುರ ಅವ್ವಳು ಅಲ್ಲಿ ಬಂದಿತ್ಂಜತ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 4:46

ಪಿಂಞ ಯೇಸು ನೀರ್‌ನ ದ್ರಾಕ್ಷಿ ರಸವಾಯಿತ್ ಬದ್‍ಲ್ ಮಾಡ್‍ನ ಗಲಿಲಾಯತ್‍ಲ್ ಉಳ್ಳ ಕಾನಾ ಊರ್‌ಕ್ ಪುನಃ ಬಾತ್. ಅಕ್ಕ ಕಪೆರ್ನೌಮ್ ಪಟ್ಟಣತ್‍ಲ್ ಉಳ್ಳ ರಾಜಂಡ ಒರ್ ಬಲ್ಯ ಅದಿಕಾರಿಯಡ ಮೋಂವೊ ಕಾಯಿಲೆಲ್ ಇಂಜತ್.