ಯೋಹಾನ 21:12 - ಕೊಡವ ಬೈಬಲ್

¹² ಪಿಂಞ ಯೇಸು ಅಯಿಂಗಳ ಕಾಕಿತ್: ಬಾರಿ, ನಿಂಗೆಲ್ಲಾರು ಊಟ ಮಾಡೀಂದ್ ಎಣ್ಣ್‌ಚಿ. ಅಂವೊ ಒಡೆಯಾಂದ್ ಅಯಿಂಗಕ್ ಗೊತ್ತಾನಗುಂಡ್, ನೀನ್ ದಾರ್‍ೕಂದ್ ಕ್‍ೕಪಕ್ ಒಬ್ಬಂಗು ದೈರ್ಯ ಇಂಜಿತ್‌ಲ್ಲೆ.

ಯೋಹಾನ 21:12 ပူးပေါင်းရင်းမြစ်များ

ಮತ್ತಾಯ 22:46

ದಾರ್‌ಕು ಜವಾಬ್ ಕೊಡ್‍ಪಕ್ ಕಯಿಂಜಿತ್ತ್‌ಲ್ಲೆ. ಅಂದಿಂಜ ದಾರ್‌ಕು ಅಂವೊಂಡ ಪಕ್ಕ ಪ್ರಶ್ನೆ ಕ್‍ೕಪಕ್ ದೈರ್ಯ ಇಂಜಿತ್‌ಲ್ಲೆ.

ಮಾರ್ಕ 9:32

ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಅರ್ಥ ಆಯಿತಿಲ್ಲೆ. ಆಚೇಂಗಿಯು ಯೇಸುನ ಕ್‍ೕಪಕ್ ಶಿಷ್ಯಂಗಕ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:45

ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತಾಯಿತ್‌ಲ್ಲೆ; ಅದ್ ಅಯಿಂಗಕ್ ಒರು ಗುಟ್ಟಾಯುತ್ಂಜತ್, ಎಂತ ವಿಷಯ ಎಣ್ಣಿಯಾಂದ್ ಯೇಸುನ ಕ್‍ೕಪಕು ಅಯಿಂಗಕ್ ಪೋಡಿ ಆಚಿ.

ಯೋಹಾನ 16:19

ಇದ್ಂಡ ವಿಷಯತ್ ಅಂವೊಂಡ ಪಕ್ಕ ಅಯಿಂಗ ಪ್ರಶ್ನೆ ಕ್‍ೕಕಂಡೂಂದ್ ಉಳ್ಳದ್ ಯೇಸುಕ್ ಗೊತ್ತಾಪಕ, ಅಂವೊ ಅಯಿಂಗಕ್: ನನ್ನ ಚೆನ್ನ ಸಮಯಕ್ ನಿಂಗ ಕಾಂಬುಲೆ, ಚೆನ್ನ ಸಮಯ ಆನ ಪಿಂಞ ನಿಂಗ ಕಾಂಬಿರಾಂದ್ ನಾನ್ ಎಣ್ಣ್‌ನ ವಿಷಯತ್ ನಿಂಗ ತಕ್ಕ್ ಪರ್‌ದಂಡ್ ಉಳ್ಳಿರಾ?

ಯೋಹಾನ 21:11

ಅಕ್ಕ, ಸೀಮೋನ ಪೇತ್ರ ನೂಯಿಟೈಂಬತ್ ಮೂಂದ್ ಬಲ್ಯ ಮೀನ್ ಇಂಜ ಬಲೆನ ಕರೆಕ್ ಬಲ್‍ಚಂಡ್ ಬಾತ್. ಇಚ್ಚಕ್ ಮೀನ್ ಇಂಜತೇಂಗಿಯು ಸಹ ಆ ಬಲೆ ಕೀತಿ ಪೋಯಿತ್‌ಲ್ಲೆ.

ಯೋಹಾನ 21:15

ಅಯಿಂಗೆಲ್ಲಾ ಉಂಡಿತಾನ ಪಿಂಞ ಯೇಸು ಸೀಮೋನ ಪೇತ್ರನ ನೋಟಿತ್: ಯೋಹಾನಂಡ ಮೋಂವೊನಾನ ಸೀಮೋನನೇ, ಈಂಗ ಎಲ್ಲಾಕಿಂಜ ನೀನ್ ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತುಳ್ಳಿಯಾಂದ್ ಕ್‍ೕಟತ್. ಅಂವೊಂಗ್ ಪೇತ್ರ: ಅಕ್ಕು ಒಡೆಯನೇ, ನಾನ್ ಪ್ರೀತಿಚಿಡ್‌ವೀಂದ್ ನೀಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ. ಯೇಸು ಅಂವೊಂಗ್: ನೀನ್ ನಾಡ ಕೊರಿಕುಟ್ಟಿಯಳ ಮೇಯಿಸೂಂದ್ ಎಣ್ಣ್‌ಚಿ.

ಯೋಹಾನ 4:27

ಆ ಸಮಯತ್‍ಲ್ ಯೇಸುರ ಶಿಷ್ಯಂಗ ಬಾತ್. ಯೇಸು ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳದ್‍ನ ಕಂಡಿತ್ ಆಶ್ಚರ್ಯ ಪಟ್ಟತ್. ಆಚೇಂಗಿಯು, ದಾರೂ ಅಂವೊಂಡ ಪಕ್ಕ, ನೀಕ್ ಎಂತ ಬೋಂಡೂಂದ್, ಎನ್ನಂಗ್ ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳಿಯಾಂದು ಕ್‍ೕಟಿತ್‌ಲ್ಲೆ.

ಅಪೊಸ್ತಲ 10:41

ಆಚೇಂಗಿ, ಎಲ್ಲಾರು ಅಂವೊನ ಕಾಂಬನೆಕೆ ಮಾಡತೆ, ಯೇಸು ಚತ್ತಯಿಂಗ ಮದ್ಯತ್ಂಜ ಜೀವವಾಯಿತ್ ಬಂದ ಪಿಂಞ, ಅಂವೊಂಡ ಕೂಡೆ ಉಂಡಯಿಂಗಳು, ಕುಡಿಚಯಿಂಗಳು ಪಿಂಞ ಮಿಂಞಲೇ ಆಯ್ಕೆ ಮಾಡಿತ್ಂಜ ಸಾಕ್ಷಿಯಂಗಳಾನ ನಂಗಕ್ ಪ್ರತ್ಯಕ್ಷ ಆಯಿತ್ ನಂಗ ಕಾಂಬನೆಕೆ ಮಾಡ್‍ಚಿ.