ಯೋಹಾನ 20:31 - ಕೊಡವ ಬೈಬಲ್

³¹ ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 20:31 ပူးပေါင်းရင်းမြစ်များ

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:4

ನಿಂಗಕ್ ಉಪದೇಶ ಮಾಡ್‍ನ ವಿಷಯವೆಲ್ಲ ಸತ್ಯಾಂದ್ ನಿಂಗಕ್ ದೃಡವಾಯಿತ್ ಗೊತ್ತಾಪಕಾಯಿತ್ ನಾನ್ ಇದ್‍ನ ಮಾಡಿಯಂಡುಳ್ಳ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ಯೋಹಾನ 19:35

ಇದ್‍ನೆಲ್ಲಾ ಕಂಡ ಒಬ್ಬ ಇದ್ಂಡ ವಿಷಯತ್ ಸಾಕ್ಷಿ ಎಣ್ಣಿಯಂಡುಂಡ್; ಅಂವೊಂಡ ಸಾಕ್ಷಿ ಸತ್ಯ. ನಿಂಗಳು ನಂಬುವಕಾಯಿತ್ ಅಂವೊ ಎಣ್ಣ್‌ವದ್ ಸತ್ಯಾಂದ್ ಅಂವೊಂಗ್ ಗೊತ್ತುಂಡ್.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 3:18

ದೇವಡ ಮೋಂವೊನ ನಂಬುವಯಿಂಗಕ್ ದೇವಡ ಶಿಕ್ಷೇರ ತೀರ್ಪ್ ಇಲ್ಲೆ; ಆಚೇಂಗಿ ಅಂವೊನ ನಂಬತಯಿಂಗಕ್ ದೇವಡ ತೀರ್ಪ್ ಅಕ್ಕಲೆ ಕ್‌ಟ್ಟಿಪೋಚಿ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಒರೇ ಮೋಂವೊಂಡ ಪೆದತ್‍ನ ನಂಬಿತ್‌ಲ್ಲೆ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 3:16

ನಿಂಗ ಕಂಡಿತ್, ಗೊತ್ತ್ಂಜ ಈ ಮನುಷ್ಯಂಡ ಕಾಲ್ ಬಲಪಡ್‌ವನೆಕೆ ವಾಸಿಯಾನ ಕಾರಣ, ಅಂವೊ ಯೇಸುರ ಪೆದತ್‍ರ ಮೇಲೆ ಇಟ್ಟ ನಂಬಿಕೆಯೇ. ಅಕ್ಕು, ನಿಂಗೆಲ್ಲಾ ನೋಟ್‍ವನೆಕೆ, ಈ ಮನುಷ್ಯ ಪೂರ್ತಿ ವಾಸಿಯಾನದ್, ಯೇಸುರ ಮೇಲೆ ಇಟ್ಟ ನಂಬಿಕೇರಗುಂಡ್ ಮಾತ್ರಾಂದ್ ಗೊತ್ತಿರಡ್.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 8:37

ಅದ್ಂಗ್ ಫಿಲಿಪ್ಪ: ನೀನ್ ತ್‍ೕರ ಹೃದಯತ್‍ಲ್ ನಂಬ್‍ಚೇಂಗಿ ತಡೆ ಒಂದು ಇಲ್ಲೆ, ಅಕ್ಕ ಅಂವೊ, ಯೇಸು ಕ್ರಿಸ್ತ ದೇವಡ ಮೋಂವೋಂದ್ ನಾನ್ ನಂಬುವೀಂದ್ ಎಣ್ಣ್‌ಚಿ.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

1 ಪೇತ್ರ 1:9

ನಿಂಗ ಅಂವೊನ ನಂಬ್‍ನಾಂಗ್ ನಿಂಗಕ್ ಕ್‍ಟ್ಟುವ ಫಲ ನಿಂಗಡ ಆತ್ಮಕ್ ಕ್‍ಟ್ಟುವ ರಕ್ಷಣೆಯಾಯಿತ್‌ಪ್ಪ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

2 ಯೋಹಾನ 1:9

ಕ್ರಿಸ್ತಂಡ ಬೋದನೆರನೆಕೆ ನಡ್‍ಕತೆ ಅದ್‍ನ ಮೀರಿತ್ ನಡ್‍ಪಯಿಂಗಡ ಕೂಡೆ ದೇವ ಇಲ್ಲೆ. ಯೇಸು ಕ್ರಿಸ್ತಂಡ ಉಪದೇಶಕ್ ಬಗ್ಗಿತ್ ನಡ್‍ಪಯಿಂಗಡ ಕೂಡೆ ಅಪ್ಪನಾನ ದೇವ ಪಿಂಞ ಮೋಂವೊ ಉಂಡ್.

ಪ್ರಕಟನೆ 2:18

ಥುವತೈರ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ತಿತ್ತ್‌ರ ಜ್ವಾಲತ್‌ರನೆಕೆ ಕಣ್ಣ್ ಪಿಂಞ ಮಿನ್ನುವ ಬೊಳಿಯುಳ್ಳ ಪಿಚ್ಚೋಳೆರನೆಕೆ ಉಳ್ಳ ಕಾಲ್‍ರ ಅಡಿಯುಳ್ಳ ದೇವಡ ಮೋಂವೊ ಎಣ್ಣಿಯಂಡುಳ್ಳ.