ಯೋಹಾನ 20:26 - ಕೊಡವ ಬೈಬಲ್

²⁶ ಪುನಃ ಎಟ್ಟ್ ದಿವಸ ಆನ ಪಿಂಞ, ಯೇಸುರ ಶಿಷ್ಯಂಗ ಪಡಿ ಇಟ್ಟಂಡ್ ಒಳ್‍ಲ್ ಇಂಜತ್. ಅಯಿಂಗಡ ಕೂಡೆ ಇಕ್ಕ ತೋಮ ಸಹ ಇಂಜತ್. ಎಲ್ಲಾ ಪಡಿಕ್ ಬೀಗ ಇಟ್ಟಿತ್ಂಜತ್. ಅಕ್ಕ ಯೇಸು ಅಯಿಂಗಡ ಮದ್ಯತ್‍ಲ್ ಬಪ್ಪಂಜಿ, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ.

ಯೋಹಾನ 20:26 ပူးပေါင်းရင်းမြစ်များ

ಮತ್ತಾಯ 17:1

ಆರ್ ದಿವಸ ಆನ ಪಿಂಞ, ಯೇಸು ತಾಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕಾಕಿಯಂಡ್ ಅಯಿಂಗ ಮಾತ್ರ ಇಪ್ಪಕಾಯಿತ್ ಒರ್ ಉದ್ದವಾನ ಕುಂದ್‌ರ ಕೊಡಿಕ್ ಪೋಚಿ.

ಮಾರ್ಕ 16:14

ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:36

ಈ ದಂಡಾಳು ಇದ್‍ನೆಲ್ಲ ಎಣ್ಣಿಯಂಡಿಪಕಲೆ, ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:28

ಈ ತಕ್ಕ್‌ನ ಎಣ್ಣಿ ಸುಮಾರ್ ಎಟ್ಟ್ ದಿನ ಕಯಿಂಜ ಪಿಂಞ ಪೇತ್ರ, ಯೋಹಾನ ಪಿಂಞ ಯಾಕೋಬನ ಯೇಸು ಕುಂದ್‌ರ ಕೊಡಿಕ್ ಪ್ರಾರ್ಥನೆ ಮಾಡ್‌ವಕ್ ಕಾಕಿಯಂಡ್ ಪೋಚಿ.

ಯೋಹಾನ 11:16

ಅಕ್ಕ ದಿದುಮ ಎಣ್ಣುವ ತೋಮ, ಶಿಷ್ಯಂಗಕ್: ಬಾರಿ ಯೇಸುರ ಕೂಡೆ ಪೋಯಿತ್ ನಂಗಳು ಚಾವನಾಂದ್ ಎಣ್ಣ್‌ಚಿ.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 20:19

ಆ ದಿವಸ ವಾರತ್‍ರ ಆದ್ಯ ನಾಳಾನ ನಾರಾಚೆ ಆಯಿತ್ಂಜತ್. ಅಂದ್ ಬೈಟಾಪಕ, ಯೇಸುರ ಶಿಷ್ಯಂಗ ಒಟ್ಟ್ ಕೂಡಿತ್ ಇಂಜ ಜಾಗತ್‍ಲ್, ಯೆಹೂದ್ಯಂಗಕ್ ಬೊತ್ತಿಯಂಡಿಂಜಗುಂಡ್, ಪಡಿ ಇಟ್ಟಿತ್ ಒಳ್‍ಲ್ ಇಂಜತ್. ಅಕ್ಕ ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 21:1

ಇಂಞು ಚೆನ್ನ ದಿವಸ ಆನ ಪಿಂಞ, ಯೇಸು ತಿಬೇರಿಯ ಕೆರೆರ ಪಕ್ಕ ಅಯಿಂಗಕ್ ಪುನಃ ಅಂವೊನ ಕಾಂಬ್‌ಚಿಟ್ಟಂಡತ್.

ಯೋಹಾನ 21:14

ಯೇಸು ಚತ್ತಿತ್ ಎದ್ದ ಪಿಂಞ ಶಿಷ್ಯಂಗಕ್ ಅಂವೊನ ಕಾಂಬ್‍ಚಿಡುವದ್ ಇದ್ ಮೂಂದನೆ ಕುರಿ.

ಅಪೊಸ್ತಲ 1:3

ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.