ಯೋಹಾನ 20:23 - ಕೊಡವ ಬೈಬಲ್

²³ ನಿಂಗ ದಾಡ ಪಾಪತ್‍ನ ಮನ್ನಿಚಿಡ್‌ವಿರ, ಆ ಪಾಪತ್ಂಜ ಅಯಿಂಗಕ್ ಮನ್ನಿಪ್ ಕ್‍ಟ್ಟುವ, ದಾಡ ಪಾಪತ್‍ನ ಮನ್ನಿಚಿಡುಲೆ ಅಯಿಂಗಕ್ ಆ ಪಾಪತ್ಂಜ ಮನ್ನಿಪ್ ಕ್‍ಟ್ಟ್‌ಲೇಂದ್ ಎಣ್ಣ್‌ಚಿ.

ಯೋಹಾನ 20:23 ပူးပေါင်းရင်းမြစ်များ

ಮತ್ತಾಯ 16:19

ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ.

ಮತ್ತಾಯ 18:18

ನಿಂಗ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿರೋ ಅದ್ ಪರಲೋಕತ್‌ಲೂ ಕೆಟ್ಟಿತ್‌ಪ್ಪ. ನಿಂಗ ಈ ಲೋಕತ್‍ಲ್ ಎಂತಾನ ಉತ್ತ್‌ವಿರೋ ಅದ್ ಪರಲೋಕತ್‍ಲ್ ಸಹ ಉತ್ತಿತಿಪ್ಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 20:22

ಅಯಿಂಗಡ ಮೇಲೆ ಊದಿತ್: ಪವಿತ್ರಾತ್ಮ ನಿಂಗಕ್ ಕ್‍ಟ್ಟಡ್,

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

1 ಕೊರಿಂಥ 5:4

ನಿಂಗ ಒಡೆಯನಾನ ಯೇಸುರ ಪೆದತ್‍ಲ್ ಕೂಡಿ ಬಪ್ಪಕ, ನಾನು ಆತ್ಮತ್‍ಲ್ ನಂಗಡ ಒಡೆಯನಾನ ಯೇಸುರ ಶಕ್ತಿಲ್ ನಿಂಗಡ ಕೂಡೆ ಇಪ್ಪಿ.

ಎಫೆಸ 2:20

ಅಪೊಸ್ತಲಂಗ ಪಿಂಞ ಪ್ರವಾದಿಯಂಗ ಎಣ್ಣುವಯಿಂಗಡ ಅಡಿಪಾಯತ್‍ರ ಮೇಲೆ ಕೆಟ್ಟಿತುಳ್ಳಯಿಂಗಳಾಯಿತುಳ್ಳಿರ; ಅದ್ಂಗ್ ಯೇಸು ಕ್ರಿಸ್ತತನೇ ಮೂಲೆ ಕಲ್ಲಾಯಿತ್ ಉಂಡ್.

1 ತಿಮೊಥೆಯ 1:20

ಹುಮೆನಾಯ ಪಿಂಞ ಅಲೆಕ್ಸಾಂದ್ರ ಅನ್ನನೆ ಉಳ್ಳಯಿಂಗಳೇ. ಅಯಿಂಗ ದೇವ ದೂಷಣೆ ಮಾಡತೆ ಇರಂಡೂಂದ್ ಅಯಿಂಗಕ್ ಶಿಕ್ಷೆ ಕ್‍ಟ್ಟ್‌ವಕಾಯಿತ್ ನಾನ್ ಅಯಿಂಗಳ ಸೈತಾನಂಗ್ ಒಪ್ಪ್‌ಚಿಟ್ಟಿಯೆ.