ಯೋಹಾನ 20:21 - ಕೊಡವ ಬೈಬಲ್

²¹ ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 20:21 ပူးပေါင်းရင်းမြစ်များ

ಮತ್ತಾಯ 10:16

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ಮತ್ತಾಯ 10:40

ನಿಂಗಳ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:36

ಈ ದಂಡಾಳು ಇದ್‍ನೆಲ್ಲ ಎಣ್ಣಿಯಂಡಿಪಕಲೆ, ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 20:19

ಆ ದಿವಸ ವಾರತ್‍ರ ಆದ್ಯ ನಾಳಾನ ನಾರಾಚೆ ಆಯಿತ್ಂಜತ್. ಅಂದ್ ಬೈಟಾಪಕ, ಯೇಸುರ ಶಿಷ್ಯಂಗ ಒಟ್ಟ್ ಕೂಡಿತ್ ಇಂಜ ಜಾಗತ್‍ಲ್, ಯೆಹೂದ್ಯಂಗಕ್ ಬೊತ್ತಿಯಂಡಿಂಜಗುಂಡ್, ಪಡಿ ಇಟ್ಟಿತ್ ಒಳ್‍ಲ್ ಇಂಜತ್. ಅಕ್ಕ ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 20:22

ಅಯಿಂಗಡ ಮೇಲೆ ಊದಿತ್: ಪವಿತ್ರಾತ್ಮ ನಿಂಗಕ್ ಕ್‍ಟ್ಟಡ್,

ಯೋಹಾನ 20:26

ಪುನಃ ಎಟ್ಟ್ ದಿವಸ ಆನ ಪಿಂಞ, ಯೇಸುರ ಶಿಷ್ಯಂಗ ಪಡಿ ಇಟ್ಟಂಡ್ ಒಳ್‍ಲ್ ಇಂಜತ್. ಅಯಿಂಗಡ ಕೂಡೆ ಇಕ್ಕ ತೋಮ ಸಹ ಇಂಜತ್. ಎಲ್ಲಾ ಪಡಿಕ್ ಬೀಗ ಇಟ್ಟಿತ್ಂಜತ್. ಅಕ್ಕ ಯೇಸು ಅಯಿಂಗಡ ಮದ್ಯತ್‍ಲ್ ಬಪ್ಪಂಜಿ, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಅಪೊಸ್ತಲ 1:2

ಅಂವೊ ಸೇವೆ ಸುರು ಮಾಡ್‍ನ ದಿವಸತ್ಂಜ ಅಂವೊ ಪರಲೋಕಕ್ ಪೋನ ಸಮಯಕತ್ತನೆ ಮಾಡ್‍ನ ಎಲ್ಲಾ ಸೇವೇನ ಪಿಂಞ ಬೋದನೆನ ನಾಡ ಆದ್ಯ ಪುಸ್ತಕತ್‍ಲ್ ಒಳ್‍ದಿ ಬೆಚ್ಚಿಯೆ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

3 ಯೋಹಾನ 1:14

ನಾನ್ ನಿನ್ನ ಬೆರಿಯ ನೋಟ್‌ವೀಂದ್ ನಂಬಿಕೇಲ್ ಉಳ್ಳ. ಅಕ್ಕ ನಂಗ ಮೂಡ್ ನೋಟಿತ್ ತಕ್ಕ್ ಪರಿಯುಲು.