ಯೋಹಾನ 20:20 - ಕೊಡವ ಬೈಬಲ್

²⁰ ಅಂವೊ ಇನ್ನನೆ ಎಣ್ಣ್‌ನ ಪಿಂಞ ಅಂವೊಂಡ ಕೈಯಿನ ಪಿಂಞ ಬಗ್ಗ್‌ರೀನ ಅಯಿಂಗಕ್ ಕಾಟ್‍ಚಿ. ಅಂವೊನ ಕಂಡಾಂಗ್ ಶಿಷ್ಯಂಗಕೆಲ್ಲ ಬಾರಿ ಕುಶಿ ಆಯಿಪೋಚಿ.

ಯೋಹಾನ 20:20 ပူးပေါင်းရင်းမြစ်များ

ಮತ್ತಾಯ 28:8

ಪೊಣ್ಣಾಳುವ ಪೋಡಿಲು ಅದೇ ಸಮಯತ್‍ಲ್ ದುಂಬ ಕುಶೀಲು ಆ ಜಾಗತ್‍ನ ಬುಟ್ಟಿತ್, ಈ ಸುದ್ದಿನ ಶಿಷ್ಯಂಗಕ್ ಎಣ್ಣ್‌ವಕ್ ಓಡಿ ಪೋಚಿ.

ಯೋಹಾನ 16:20

ನಿಂಗ ದುಂಬ ಮೊರಡ್‌ವಿರ, ಆಚೇಂಗಿ ಈ ಲೋಕತ್‍ರ ಜನ ದುಂಬ ಕುಶಿ ಪಡುವ; ನಿಂಗ ದುಂಬ ದುಃಖ ಪಡ್‌ವಿರ ಆಚೇಂಗಿಯು ನಿಂಗಡ ದುಃಖ ಕುಶಿಯಾಯಿತ್ ಬದ್‍ಲಾಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 16:22

ಅನ್ನನೆ, ನಿಂಗ ಇಕ್ಕ ಬೇಜಾರತ್‍ಲ್ ಉಳ್ಳಿರ, ಚೆನ್ನ ಕಾಲ ಆನ ಪಿಂಞ ನಾನ್ ಪುನಃ ನಿಂಗಳ ಕಾಂಬಿ. ಅಕ್ಕ ನಿಂಗಡ ಹೃದಯ ಸಂತೋಷತ್‌ಲ್ ದುಂಬುವ, ಆ ಸಂತೋಷತ್‌ನ ನಿಂಗಡಯಿಂಜ ದಾರ್‌ಕು ಎಡ್‍ಪಕ್ ಕಯ್ಯುಲೆ.

ಯೋಹಾನ 19:34

ಆಚೇಂಗಿಯು, ಒರ್ ಸಿಪಾಯಿ ಅಂವೊಂಡ ಈಟಿನ ಎಡ್‍ತಿತ್ ಅಂವೊಂಡ ಬಗ್ಗ್‌ರೀಕ್ ಕುತ್ತ್‌ಚಿ; ಅಕ್ಕ ಚೋರೆ ಪಿಂಞ ನೀರ್ ಪೊರಮೆ ಬಾತ್.

ಯೋಹಾನ 20:25

ಬೋರೆ ಶಿಷ್ಯಂಗ: ತೋಮ ಬಂದ ಪಿಂಞ, ನಂಗ ಒಡೆಯನ ಕಂಡತ್‍ೕಂದ್ ಎಣ್ಣ್‌ಚಿ. ಅಕ್ಕ ಅಂವೊ: ನಾನ್ ಅಂವೊಂಡ ಆಣಿ ಅಡಿಚಿತ್ ತೂತ ಆನ ಕೈಯಿನ ನೋಟಿತ್, ಆ ಗಾಯತ್‍ನ ನಾನ್ ಮುಟ್ಟಿತ್, ನಾಡ ಕೈಯಿನ ಅಂವೊಂಡ ಬಗ್ಗ್‌ರೀಲ್ ಇಟ್ಟಿತ್ ನೋಟ್‍ಚೇಂಗಿ ಮಾತ್ರ ನಾನ್ ನಿಂಗ ಎಣ್ಣ್‌ನಾನ ನಂಬುವಿ ಇಲ್ಲತಪೋನಕ ನಾನ್ ನಂಬುಲೇಂದ್ ಎಣ್ಣ್‌ಚಿ.

ಯೋಹಾನ 20:27

ಪಿಂಞ ಯೇಸು ತೋಮನ ಕಾಕಿತ್: ನೀಡ ಕೈ ಬೆರತ್‌ನ ಇಲ್ಲಿ ನ್‍ೕಟಿತ್ ನಾಡ ಕೈಯಿನ ನೋಟ್, ನೀಡ ಕೈಯಿನ ನೀಟುವಂಜಿ ನಾಡ ಬಗ್ಗ್‌ರೀಲ್ ಇಡ್. ನೀಡ ಅಪನಂಬಿಕೇನ ಬುಡ್, ನನ್ನ ನಂಬ್‍ೕಂದ್ ಯೇಸು ಎಣ್ಣ್‌ಚಿ.

1 ಯೋಹಾನ 1:1

ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್.