ಯೋಹಾನ 20:13 - ಕೊಡವ ಬೈಬಲ್

¹³ ಅಯಿಂಗ ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾಂದ್ ಕ್‍ೕಟತ್. ಅಯಿಂಗಕ್ ಅವ: ನಾಡ ಒಡೆಯನ ದಾರೋ ಎಡ್‍ತಂಡ್ ಪೋಯಿರ್‌ತ್, ಅಯಿಂಗ ಎಲ್ಲಿ ಇಟ್ಟತೋ ನಾಕ್ ಗೊತ್ತಿಲ್ಲೇಂದ್ ಅವ ಎಣ್ಣ್‌ಚಿ.

ಯೋಹಾನ 20:13 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:17

ಯೇಸು ಅಯಿಂಗಕ್, ನಿಂಗ ನಡ್‍ಪಕ ಎಂತೋ ಆಳವಾಯಿತ್ ಚರ್ಚೆ ಮಾಡಿಯಂಡಿಂಜಿರಲ್ಲ, ಅದ್ ಎಂತ್‍ೕಂದ್ ಕ್‍ೕಟತ್. ಅಯಿಂಗಡ ಮೂಡ್ ಬಾಡಿಚಿಟ್ಟಿತ್ ಅನ್ನನೆ ನಿಂದತ್.

ಯೋಹಾನ 19:26

ಅಕ್ಕ, ಯೇಸು ತಾಂಡ ಅವ್ವ ಪಿಂಞ ಅಂವೊಂಡ ಪ್ರೀತಿರ ಶಿಷ್ಯನ ಕಂಡತ್. ಯೇಸು ಅಂವೊಂಡ ಅವ್ವನ ನೋಟಿತ್: ಅವ್ವ, ನೋಟಿ, ಅಂವೊನೇ ನೀಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 2:4

ಯೇಸು ಅವಕ್: ಅವ್ವ, ನಾನ್ ಎಂತ ಮಾಡಂಡೂಂದ್ ನೀನ್ ಎನ್ನಂಗ್ ನಾಕ್ ಎಣ್ಣ್‌ವಿಯಾ? ನಾಡ ಸಮಯ ಇಂಞು ಬಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 20:15

ಯೇಸು ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾ? ನೀನ್ ದಾರ್‌ನ ತ್‍ೕಡಿಯಂಡ್ ಉಳ್ಳಿಯಾಂದ್ ಕ್‍ೕಟತ್. ಅಕ್ಕ ಅವ, ಯೇಸುನ ಆ ತೋಟಕಾರಾಂದ್ ಗೇನ ಮಾಡಿತ್: ಸ್ವಾಮೀ, ನೀನ್ ಅಂವೊನ ಎಡ್‍ತಿತ್ ಉಂಡೇಂಗಿ, ಅಂವೊನ ಎಲ್ಲಿ ಬೆಚ್ಚಿತುಳ್ಳಿಯಾಂದ್ ನಾಕ್ ಎಣ್ಣ್, ನಾನ್ ಪೋಯಿತ್ ಅಂವೊನ ಎಡ್‌ತ ಬಪ್ಪೀಂದ್ ಎಣ್ಣ್‌ಚಿ.

ಯೋಹಾನ 20:2

ಅಕ್ಕ ಅವ ಸೀಮೋನ ಪೇತ್ರ ಪಿಂಞ ಯೇಸು ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯಂಗಡ ಪಕ್ಕ ಓಡಿ ಪೋಯಿತ್ ನಂಗಡ ಒಡೆಯನ ಗೋರಿಯಿಂಜ ದಾರೋ ಎಡ್‍ತಂಡ್ ಪೋಯಿರ್‌ತ್. ಅಂವೊನ ಎಲ್ಲಿ ಬೆಚ್ಚತ್‍ೕಂದ್ ನಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.