ಯೋಹಾನ 20:12 - ಕೊಡವ ಬೈಬಲ್

¹² ಅಕ್ಕ, ಯೇಸುರ ತಡೀನ ಬೆಚ್ಚಿತ್ಂಜ ಜಾಗತ್‍ಲ್, ಬೊಳ್‍ತ ಬಟ್ಟೆ ಇಟ್ಟಿತ್ಂಜ ದಂಡ್ ದೇವದೂತಂಗ ಅಳ್‌ತಿತ್‌ಪ್ಪದ್‍ನ ಕಂಡತ್. ಒಬ್ಬ ಯೇಸುರ ಮಂಡೆ ಬೆಚ್ಚಿತ್ಂಜ ಜಾಗತ್‍ಲ್, ಇಂಞೊಬ್ಬ ಯೇಸುರ ಕಾಲ್ ಇಂಜ ಜಾಗತ್‍ಲ್ ಅಳ್‍ತಂಡಿಂಜತ್.

ಯೋಹಾನ 20:12 ပူးပေါင်းရင်းမြစ်များ

ಮತ್ತಾಯ 17:2

ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಅಪೊಸ್ತಲ 1:10

ಅಂವೊ ಅನ್ನನೆ ಕೊಡಿಕ್ ಪೋನದ್‍ನ ಅಯಿಂಗೆಲ್ಲ ಕಣ್ಣ್ ಎಡ್‍ಕತೆ ನೋಟಿಯಂಡ್ ಇಪ್ಪಕಲೆ, ಮಿನ್ನುವ ಬಟ್ಟೆ ಇಟ್ಟ ದಂಡ್ ಮನುಷ್ಯಂಗ ಪ್ರತ್ಯಕ್ಷ ಆಯಿತ್ ಅಯಿಂಗಡ ಪಕ್ಕ ನಿಂದಂಡಿಂಜತ್.

ಪ್ರಕಟನೆ 3:4

ಆಚೇಂಗಿಯು, ತಂಗಡ ಬಟ್ಟೇನ ಅಶುದ್ದ ಮಾಡತ ಇಂಞು ಚೆನ್ನ ಜನ ಸಾರ್ದಿಸಿಲ್ ನೀಕ್ ಉಂಡ್; ಅಯಿಂಗ ಯೋಗ್ಯವಾನಗುಂಡ್, ಬೊಳ್‍ತ ಬಟ್ಟೆ ಇಟ್ಟಿತ್ ನಾಡ ಕೂಡೆ ನಡ್‍ಪ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.