ಯೋಹಾನ 2:6 - ಕೊಡವ ಬೈಬಲ್

⁶ ಆ ಜಾಗತ್‍ಲ್, ಯೆಹೂದ್ಯಂಗ ತಂಗಡ ಪದ್ದತಿರ ಪ್ರಕಾರ ಅಯಿಂಗಳ ಶುದ್ದ ಮಾಡ್‌ವಕಾಯಿತ್ ನೀರ್ ಬೆಪ್ಪಕುಳ್ಳ ಆರ್ ಕಲ್ಲ್‌ರ ಬರಣಿ ಇಂಜತ್. ಓರೋರ್ ಬರಣಿಯು ದಂಡ್ ಅಲ್ಲ ಮೂಂದ್ ಬಿಂದಿಗೆ ನೀರ್ ದುಂಬ್‌ವಚ್ಚಕ್ ಬಲ್ಯದಾಯಿತ್ಂಜತ್.

ಯೋಹಾನ 2:6 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:6

ಅಂವೊ: ನೂರ್ ಅಂಡೆ ಆಲಿವ್ ಎಣ್ಣೆ ಕೊಡ್‍ಕಂಡೂಂದ್ ಎಣ್ಣ್‌ಚಿ. ಅಕ್ಕ ಆ ಅದಿಕಾರಿ: ಇದಾ ನೀಡ ಲೆಕ್ಕ ಇಲ್ಲಿ ಉಂಡ್, ನೀನ್ ಇಲ್ಲಿ ಅಳ್‌ತಿತ್ ಅದ್‍ನ ಐಂಬದ್‍ೕಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಯೋಹಾನ 2:7

ಯೇಸು ಆಳ್‍ವಳ ನೋಟಿತ್: ಆ ಬರಣಿಲೆಲ್ಲ ನೀರ್ ದುಂಬ್‌ಚಿಡೀಂದ್ ಎಣ್ಣ್‌ಚಿ. ಅಯಿಂಗ ಬರಣಿರ ಬಾಯಿಕತ್ತನೆ ದುಂಬ್‍ಚಿಟ್ಟತ್.

ಯೋಹಾನ 3:25

ಅಕ್ಕ ಯೋಹಾನಂಡ ಶಿಷ್ಯಂಗಕು ಯೆಹೂದ್ಯ ಒಬ್ಬಂಗು ಅಯಿಂಗಡ ಪದ್ದತಿರ ಪ್ರಕಾರ ಶುದ್ದವಾಯಿತ್ ಇಪ್ಪ ವಿಷಯತ್‍ಲ್ ವಾದ ಸುರು ಆಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 6:2

ದೀಕ್ಷಾಸ್ನಾನತ್‍ರ ಬೋದನೆ, ಬೋರೆಯಿಂಗಡ ಮಂಡೆಕ್ ಕೈ ಬೆಪ್ಪದ್, ಚತ್ತಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪದ್, ನಿತ್ಯ ನ್ಯಾಯತೀರ್ಪ್, ಇನ್ನತಾನ ಅಡಿಪಪಾಯತ್‍ರ ಬೋದನೆನ ಪುನಃ ನಿಂಗಕ್ ಬೋದನೆ ಮಾಡತೆ, ಪೂರ್ತಿಯಾಯಿತ್ ಬೊಳಿಯುವನೆಕೆ ನಡ್‌ಕನ.

ಇಬ್ರಿಯ 9:10

ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.

ಇಬ್ರಿಯ 9:19

ಎನ್ನನೆ ಎಣ್ಣ್‌ಚೇಂಗಿ, ಮೋಶೆ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನನೆಕೆ ಎಲ್ಲಾ ಜನಕು, ಎಲ್ಲಾ ಆಜ್ಞೆನ ಎಣ್ಣಿತಾನ ಪಿಂಞ, ಕಡ್‍ಚಿ ಪಿಂಞ ಕೋಬಾಡ್‍ರ ಚೋರೆನ ನೀರ್‌ಲ್ ಬೆರಕಿತ್, ಆಡ್‍ರ ತಲ್‍ಮಿರಗುಂಡ್ ಮಾಡ್‍ನ ಚೋಂದ ನಾರ್ ಬಟ್ಟೆ ಪಿಂಞ ಹಿಸ್ಸೋಪ್ ಗಿಡತ್‌ರ ಕೊಂಬ್‌ಲ್ ಎಡ್‍ತಿತ್, ನ್ಯಾಯಪ್ರಮಾಣ ಪುಸ್ತಕತ್‍ರ ಮೇಲೆ ಪಿಂಞ ಜನತ್‍ರ ಮೇಲೆ ತಳಿಚತ್.