ಯೋಹಾನ 2:25 - ಕೊಡವ ಬೈಬಲ್

²⁵ ಮನುಷ್ಯಂಗಡ ಹೃದಯತ್‍ಲ್ ಉಳ್ಳದ್ ಅಂವೊಂಗ್ ಗೊತ್ತುಳ್ಳಗುಂಡ್, ಮನುಷ್ಯಂಗಡ ವಿಷಯತ್ ದಾರೂ ಅಂವೊಂಗ್ ಸಾಕ್ಷಿ ಕೊಡ್‍ಪಕ್ ಅವಸ್ಯ ಇಂಜಿತ್‌ಲ್ಲೆ.

ಯೋಹಾನ 2:25 ပူးပေါင်းရင်းမြစ်များ

ಮತ್ತಾಯ 9:4

ಅಯಿಂಗೆಲ್ಲಾ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ಯೇಸು: ಎನ್ನಂಗ್ ನಿಂಗ ಇನ್ನನೆ ಕೆಟ್ಟದ್ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಯೋಹಾನ 1:42

ಅಲ್ಲಿಂಜ ಅಂವೊ, ಪೇತ್ರನ ಯೇಸುರ ಪಕ್ಕ ಕಾಕಿಯಂಡ್ ಬಾತ್. ಯೇಸು ಅಂವೊನ ಕಾಂಬಕ: ನೀನ್ ಯೋಹಾನಂಡ ಮೋಂವೊ ಸೀಮೋನ, ಇಂದಿಂಜ ನೀಡ ಪೆದ ಕೇಫ ಎಣ್ಣಿಯಂಡ್ ಕಾಕುವಾಂದ್ ಎಣ್ಣ್‌ಚಿ. ಕೇಫ ಎಣ್ಣ್‌ಚೇಂಗಿ ಪೇತ್ರಾಂದ್ ಅರ್ಥ.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಯೋಹಾನ 13:11

(ಯೇಸುಕ್ ಅಂವೊನ ದಾರ್ ಪುಡ್‌ಚಿತ್ ಕೊಡ್‍ಪಾಂದ್ ಗೊತ್ತ್ಂಜಗುಂಡ್, ಒಬ್ಬನ ಬುಟ್ಟಿತ್ ಎಲ್ಲಾರು ಶುದ್ದ ಆಯಿತುಳ್ಳಿರಾಂದ್ ಎಣ್ಣ್‌ಚಿ).

ಯೋಹಾನ 6:61

ತಾಂಡ ಶಿಷ್ಯಂಗ ಈ ವಿಷಯತ್‍ಲ್ ಗೊಣಗಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ಇದ್ ನಿಂಗಳ ನೊಂಬಲ ಮಾಡಿಯಂಡುಂಡಾಂದ್ ಕ್‍ೕಟತ್.

ಯೋಹಾನ 6:64

ಆಚೇಂಗಿಯು, ನಿಂಗಡಲ್ಲಿ, ನನ್ನ ನಂಬತಯಿಂಗ ಚೆನ್ನ ಉಂಡ್. ಯೇಸು ಇನ್ನನೆ ಎಣ್ಣ್‌ವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊನ ನಂಬತಂವೊ ದಾರ್‍ೕಂದು, ಅಂವೊನ ಕೊಲ್ಲುವಕ್ ಪುಡ್‌ಚಿತ್ ಕೊಡ್‍ಪಂವೊ ದಾರ್‍ೕಂದು ಅಂವೊಂಗ್ ಆದ್ಯತ್ಂಜಲೇ ಗೊತ್ತ್ಂಜತ್.