ಯೋಹಾನ 2:23 - ಕೊಡವ ಬೈಬಲ್

²³ ಪಸ್ಕ ನಮ್ಮೆರ ಸಮಯತ್‍ಲ್ ಯೇಸು ಯೆರೂಸಲೇಮ್‍ಲ್ ಇಪ್ಪಕಾಪಕ, ಅಂವೊ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ನೋಟಿತ್, ದುಂಬ ಜನ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚತ್.

ಯೋಹಾನ 2:23 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13

ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ಯೋಹಾನ 11:45

ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 2:13

ಪಿಂಞ ಯೆಹೂದ್ಯಂಗಡ ಪಸ್ಕ ನಮ್ಮೆಕ್ ಇಂಞು ಚೆನ್ನ ದಿವಸ ಮಾತ್ರ ಇಂಜಗುಂಡ್, ಯೇಸು ಯೆರೂಸಲೇಮ್‌ಕ್ ಪೋಚಿ.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 4:45

ಅಂವೊ ಗಲಿಲಾಯಕ್ ಬಪ್ಪಕ, ಯೆರೂಸಲೇಮ್ ನಮ್ಮೆಲ್ ಅಂವೊ ಮಾಡ್‍ನ ಎಲ್ಲಾ ಕಾರ್ಯತ್‍ನ ನೋಟಿತ್ಂಜ, ಗಲಿಲಾಯತ್‍ರ ಜನ ಅಂವೊನ ಚಾಯಿತೆ ಸ್ವೀಕಾರ ಮಾಡ್‍ಚಿ. ಅಯಿಂಗಳು ನಮ್ಮೆಕ್ ಪೋಯಿತ್ಂಜತ್.

ಯೋಹಾನ 5:36

ಆಚೇಂಗಿ, ಅಂವೊಂಡ ಸಾಕ್ಷಿಕಿಂಜ ನಾಡ ಸಾಕ್ಷಿ ಬಲ್ಯದಾಯಿತುಂಡ್. ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ನೆರೆವೇರಿಚಿಡಂಡೂಂದ್ ಅಪ್ಪನಾನ ದೇವ ನಾಕ್ ಎಣ್ಣಿ ಕೊಡ್‍ತ ವಿಷಯ ಪಿಂಞ ನಾನ್ ಮಾಡಿಯಂಡುಳ್ಳ ಕ್ರಿಯೆವೇ ಅಪ್ಪನಾನ ದೇವ ನನ್ನ ಅಯಿಚತ್‍ೕಂದ್ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 6:2

ಅಂವೊ ಕಾಯಿಲೆಸ್ತಂಗಡ ಮದ್ಯತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನ ದುಂಬ ಜನ ನೋಟ್‍ನಗುಂಡ್, ಅಂವೊಂಡ ಬಯ್ಯಕ್ ಅಯಿಂಗ ಎಲ್ಲಾರು ಪೋಚಿ.

ಯೋಹಾನ 7:31

ಅಲ್ಲಿ ಇಂಜ ದುಂಬ ಜನ ಅಂವೊನ ನಂಬಿತ್: ಕ್ರಿಸ್ತ ಬಪ್ಪಕ ಇಂವೊ ಮಾಡ್‌ವ ಅದ್ಬುತ ಕಾರ್ಯಕಿಂಜ ಜಾಸ್ತಿ ಮಾಡ್‌ವೋ ಎಂತೋಂದ್ ಎಣ್ಣಿಯಂಡ್ ಇಂಜತ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.