ಯೋಹಾನ 2:22 - ಕೊಡವ ಬೈಬಲ್

²² ಯೇಸು ಚತ್ತಿತ್ ಜೀವವಾಯಿತ್ ಎದ್ದಿತ್ ಬಂದ ಪಿಂಞ, ಅಂವೊಂಡ ಶಿಷ್ಯಂಗ ಅಂವೊ ಎಣ್ಣ್‌ನದ್‍ನ ಗೇನ ಮಾಡ್‍ಚಿ. ಅಕ್ಕ ಅಯಿಂಗ ದೇವಡ ವಾಕ್ಯತ್‍ನ ಪಿಂಞ ಯೇಸು ಪರ್ಂದ ತಕ್ಕ್‌ನ ನಂಬ್‍ಚಿ.

ಯೋಹಾನ 2:22 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:26

ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಮಹಿಮೆಪಡ್‍ವಕ್ ಮಿಂಞ ಇನ್ನನೆಲ್ಲ ಕಷ್ಟ ಅನುಬವಿಚಿಡಡೂಂದ್ ನಿಂಗಕ್ ಗೊತ್ತ್‌ಲ್ಲೆಯಾಂದ್ ಪ್ರಶ್ನೆ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 12:16

ಅಂವೊಂಡ ಶಿಷ್ಯಂಗಕ್ ಅಕ್ಕ ಇದ್ ಅರ್ಥ ಆಯಿತ್‌ಲ್ಲೆ; ಆಚೇಂಗಿ ಯೇಸು ಮಹಿಮೆಲ್ ಪ್ರವೇಶ ಮಾಡ್‍ನ ಪಿಂಞ, ದೇವಡ ವಾಕ್ಯತ್‍ಲ್ ಇಂವೊಂಗ್ ಇನ್ನನೆ ಆಪಾಂದು ಪಿಂಞ ಅದ್ಂಗಾಯಿತೇ ಅಯಿಂಗ ಅಂವೊಂಗ್ ಇನ್ನನೆಲ್ಲಾ ಮಾಡ್‌ಚೀಂದು ಗೇನ ಮಾಡ್‍ಚಿ.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 2:17

ಯೇಸು ಇನ್ನನೆ ಮಾಡ್‍ನದ್‍ನ ನೋಟಿತ್: ನೀಡ ಮನೆರ ಮೇಲೆ ಉಳ್ಳ ನಾಡ ವೈರಾಗ್ಯ, ನನ್ನ ಕತ್ತಿಚಿಡುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ಅಂವೊಂಡ ಶಿಷ್ಯಂಗ ಗೇನ ಮಾಡ್‍ಚಿ.

ಯೋಹಾನ 2:2

ಯೇಸು ಪಿಂಞ ಅಂವೊಂಡ ಶಿಷ್ಯಂಗಳ ಸಹ ಆ ಮಂಗಲಕ್ ಕಾ‌ಕಿತ್ಂಜತ್.

ಅಪೊಸ್ತಲ 11:16

ಅಕ್ಕ: ಯೋಹಾನ ನಿಂಗಳ ನೀರ್‌ಲ್ ದೀಕ್ಷಾಸ್ನಾನ ಮಾಡ್‍ಚಿ, ಆಚೇಂಗಿ ನಿಂಗ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಪಡೆಯುವಿರಾಂದ್ ಒಡೆಯ ಎಣ್ಣ್‌ನ ತಕ್ಕ್ ನಾಕ್ ಗೇನ ಬಾತ್.

ಅಪೊಸ್ತಲ 13:33

ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.