ಯೋಹಾನ 2:18 - ಕೊಡವ ಬೈಬಲ್

¹⁸ ಅಕ್ಕ ಯೆಹೂದ್ಯ ಅದಿಕಾರಿಯಂಗ ಯೇಸುಕ್: ನೀನ್ ಏದ್ ಗುರ್‍ತ್‍ನ ಕಾಟಿತ್, ಇನ್ನನೆ ಮಾಡ್‌ವಕುಳ್ಳ ಅದಿಕಾರ ನೀಕ್ ಉಂಡ್‍ೕಂದ್ ನಂಗಕ್ ಕಾಟ್‌ವಿಯಾಂದ್ ಕ್‍ೕಟತ್.

ಯೋಹಾನ 2:18 ပူးပေါင်းရင်းမြစ်များ

ಮತ್ತಾಯ 21:23

ಯೇಸು ದೇವಾಲಯಕ್ ಬಂದಿತ್, ಅಲ್ಲಿ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ. ಮುಕ್ಯ ಯಾಜಕಂಗಳು ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.

ಮಾರ್ಕ 8:11

ಚೆನ್ನ ಫರಿಸಾಯಂಗ ಯೇಸುರ ಪಕ್ಕ ಬಂದಿತ್ ಅಂವೊನ ಕೆಣಿಪಕಾಯಿತ್ ದುಂಬ ವಾದ ಮಾಡ್‍ಚಿ. ದೇವ ನಿನ್ನ ನೇರಾಯಿತು ಒಪ್ಪಿಯಂಡತಾಂದ್ ನಂಗಕ್ ಈ ವಿಷಯತ್‍ಲ್ ಬಾನತ್ಂಜ ಒರ್ ಗುರ್‍ತ್‍ನ ಕಾಟ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:29

ಪಿಂಞ ಜನಡ ಕೂಟ ದುಂಬಿತ್ ನೂಕಿಯಂಡ್ ಬಂದಿತ್‌ಪ್ಪಕ ಯೇಸು ಎಣ್ಣ್‌ಚಿ: ಈಂಗ ಮೋಸವಾನ ಸಂತಾನಕಾರಂಗಳಾಯಿತ್ ಉಂಡ್, ಅಯಿಂಗ ಎಕ್ಕಾಲು ಒರ್ ಗುರ್‌ತ್ ಬೋಂಡೂಂದ್ ತ್‍ೕಡ್‌ವ. ಆಚೇಂಗಿಯು ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಅಯಿಂಗಕ್ ಕಾಟಿತಪ್ಪುಲೆ.

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 1:25

ಅಕ್ಕ ಅಯಿಂಗ: ನೀನ್ ಕ್ರಿಸ್ತನು ಅಲ್ಲ, ಎಲೀಯನು ಅಲ್ಲ, ಒರ್ ಪ್ರವಾದಿಯು ಅಲ್ಲಾಂದ್ ಎಣ್ಣ್‌ಚೇಂಗಿ, ಪಿಂಞ ಎನ್ನಂಗ್ ನೀನ್ ದೀಕ್ಷಾಸ್ನಾನ ಕೊಡ್‍ಪಿಯಾಂದ್ ಕ್‍ೕಟತ್.

ಯೋಹಾನ 6:30

ಅದ್ಂಗ್ ಅಯಿಂಗ: ಅನ್ನನೆ ಆಚೇಂಗಿ, ನಿನ್ನ ನಂಗ ನಂಬುವನೆಕೆ ನೀನ್ ಎಂತ ಅದ್ಬುತ ಕಾರ್ಯತ್‍ನ ಮಾಡಿತ್ ಕಾಟ್‌ವಿಯಾ? ನೀನ್ ಎಂತ ಕ್ರಿಯೇನ ಮಾಡ್‌ವಿಯಾ?

ಅಪೊಸ್ತಲ 4:7

ಈಂಗ, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಮದ್ಯತ್‍ಲ್ ನಿಪ್ಪ್‌ಚಿಟ್ಟಿತ್: ನಿಂಗ ಏದ್ ಶಕ್ತಿಲ್, ಅಥವ ದಾಡ ಪೆದತ್‍ಲ್ ಇನ್ನನೆ ಮಾಡಿರಾಂದ್ ಕ್‍ೕಟತ್.

ಅಪೊಸ್ತಲ 5:28

ನಿಂಗ ಈ ಪೆದತ್‍ಲ್ ಬೋದನೆ ಮಾಡ್‌ವಕ್ಕಾಗಾಂದ್ ನಂಗ ನಿಂಗಕ್ ಕಂಡಿತವಾಯಿತ್ ಆಜ್ಞೆ ಮಾಡ್‍ಚಲ್ಲಾ? ಆಚೇಂಗಿಯು, ಇಕ್ಕ ನೋಟಿ: ಯೆರೂಸಲೇಮ್‍ನ ನಿಂಗಡ ಬೋದನೆಯಿಂಜ ದುಂಬ್‌ಚಿಟ್ಟಿತ್, ಆ ಮನಷ್ಯನ ಕೊಂದ ಅಪರಾದತ್‍ನ ನಂಗಡ ಮೇಲೆ ಇಡ್‌ವಕ್ ತೀರ್ಮಾನ ಮಾಡಿತುಳ್ಳಿರಾಂದ್ ಎಣ್ಣ್‌ಚಿ.