ಯೋಹಾನ 2:13 - ಕೊಡವ ಬೈಬಲ್

¹³ ಪಿಂಞ ಯೆಹೂದ್ಯಂಗಡ ಪಸ್ಕ ನಮ್ಮೆಕ್ ಇಂಞು ಚೆನ್ನ ದಿವಸ ಮಾತ್ರ ಇಂಜಗುಂಡ್, ಯೇಸು ಯೆರೂಸಲೇಮ್‌ಕ್ ಪೋಚಿ.

ಯೋಹಾನ 2:13 ပူးပေါင်းရင်းမြစ်များ

ಮತ್ತಾಯ 21:12

ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳೆಲ್ಲಾ ಓಡ್‌ಚಿಟ್ಟತ್. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್.

ಮಾರ್ಕ 11:15

ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳ ದೌತ್‌ಚಿ. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:45

ಪಿಂಞ ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳ ದೌತ್‌ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:41

ಪ್ರತಿಕಾಲ ಯೇಸುರ ಅಪ್ಪವ್ವ ಪಸ್ಕ ಎಣ್ಣುವ ನಮ್ಮೆಕ್ ಯೆರೂಸಲೇಮ್‌ಕ್ ಪೋಪಕಿಂಜತ್.

ಯೋಹಾನ 11:55

ಪಿಂಞ, ಯೆಹೂದ್ಯಂಗಡ ಪಸ್ಕ ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 2:23

ಪಸ್ಕ ನಮ್ಮೆರ ಸಮಯತ್‍ಲ್ ಯೇಸು ಯೆರೂಸಲೇಮ್‍ಲ್ ಇಪ್ಪಕಾಪಕ, ಅಂವೊ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ನೋಟಿತ್, ದುಂಬ ಜನ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚತ್.

ಯೋಹಾನ 5:1

ಇದಾನ ಪಿಂಞ ಯೆಹೂದ್ಯಂಗಡ ಒರ್ ನಮ್ಮೆ ಬಪ್ಪಕ, ಯೇಸು ಯೆರೂಸಲೇಮ್‌ಕ್ ಪೋಚಿ.

ಯೋಹಾನ 6:4

ಆ ಸಮಯತ್‍ಲ್ ಪಸ್ಕ ನಮ್ಮೆ ಪಕ್ಕ ಬಂದಿತ್ಂಜತ್.