ಯೋಹಾನ 2:12 - ಕೊಡವ ಬೈಬಲ್

¹² ಇದಾನ ಪಿಂಞ ಯೇಸು, ಅಂವೊಂಡ ಅವ್ವ, ಅಂವೊಂಡ ತಮ್ಮಣಂಗ ಪಿಂಞ ಅಂವೊಂಡ ಶಿಷ್ಯಂಗ ಎಲ್ಲಾರು ಕಪೆರ್ನೌಮ್ ಪಟ್ಟಣಕ್ ಪೋಯಿತ್, ಅಲ್ಲಿ ಚೆನ್ನ ದಿವಸ ಒಳಿಂಜತ್.

ಯೋಹಾನ 2:12 ပူးပေါင်းရင်းမြစ်များ

ಮತ್ತಾಯ 11:23

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ. ನೀಡ ಪಕ್ಕ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲ ಸೊದೋಮ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅದ್ ಇಕ್ಕಕತ್ತನೆ ಪಾಳಾಕತನೆಕೆ ಇಪ್ಪಕಿಂಜತ್.

ಮತ್ತಾಯ 12:46

ಜನಡ ಗುಂಪ್‌ಲ್ ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕ, ಅಂವೊಂಡ ಅವ್ವ ಪಿಂಞ ತಮ್ಮಣಂಗ ಬಾತ್. ಅಯಿಂಗ ಪೊರಮೆ ನಿಂದಂಡ್, ಅಂವೊಂಡ ಕೂಡೆ ತಕ್ಕ್ ಪರಿಯುವಕ್ ನೋಟಿಯಂಡ್ ಇಂಜತ್.

ಮತ್ತಾಯ 4:13

ಆಚೇಂಗಿ ಯೇಸು ನಜರೇತ್‍ಲ್ ವಾಸ ಮಾಡ್‌ವಕ್ ಬದ್‍ಲ್ ಕಪೆರ್ನೌಮ್‍ಕ್ ಪೋಚಿ. ಆ ಪೇಟೆ, ಗಲಿಲಾಯ ಕೆರೆಕ್ ಪಕ್ಕತ್‍ಲ್ ಜೆಬುಲೋನ್ ಪಿಂಞ ನೆಫ್ತಲೀಮ್ ಪ್ರಾಂತ್ಯತ್‍ಲ್ ಇಂಜತ್.

ಮಾರ್ಕ 6:3

ಇಂವೊ ಒರ್ ಆಚಾರಿಯಲ್ಲ? ಮರಿಯಂಡ ಮೋಂವೊನಲ್ಲಾ? ಇಂವೊ ಯಾಕೋಬ, ಯೋಸೆ, ಯೂದ ಪಿಂಞ ಸೀಮೋನ ಎಣ್ಣುವಯಿಂಗಡ ಅಣ್ಣನಲ್ಲಾ? ಅಂವೊಂಡ ತಂಗೆಯೆಲ್ಲ ಇಲ್ಲಿ ವಾಸಮಾಡಿಯಂಡುಂಡಲ್ಲಾಂದ್ ಎಣ್ಣಿಯಂಡ್ ಅಲ್ಲಿ ಉಳ್ಳಯಿಂಗ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ.

ಯೋಹಾನ 2:2

ಯೇಸು ಪಿಂಞ ಅಂವೊಂಡ ಶಿಷ್ಯಂಗಳ ಸಹ ಆ ಮಂಗಲಕ್ ಕಾ‌ಕಿತ್ಂಜತ್.

ಯೋಹಾನ 4:46

ಪಿಂಞ ಯೇಸು ನೀರ್‌ನ ದ್ರಾಕ್ಷಿ ರಸವಾಯಿತ್ ಬದ್‍ಲ್ ಮಾಡ್‍ನ ಗಲಿಲಾಯತ್‍ಲ್ ಉಳ್ಳ ಕಾನಾ ಊರ್‌ಕ್ ಪುನಃ ಬಾತ್. ಅಕ್ಕ ಕಪೆರ್ನೌಮ್ ಪಟ್ಟಣತ್‍ಲ್ ಉಳ್ಳ ರಾಜಂಡ ಒರ್ ಬಲ್ಯ ಅದಿಕಾರಿಯಡ ಮೋಂವೊ ಕಾಯಿಲೆಲ್ ಇಂಜತ್.

ಯೋಹಾನ 6:17

ದೋಣಿಲ್ ಅಳ್‌ತಂಡ್ ಕೆರೆರ ಆಬರಿಲ್ ಉಳ್ಳ ಕಪೆರ್ನೌಮ್ ಪಟ್ಟಣಕ್ ಪೋಪಕ್ ಸುರು ಮಾಡ್‍ಚಿ. ಅಕ್ಕ ಇರ್‍ಟಾಯಿತ್ಂಜತ್. ಯೇಸು ಸಹ ಇಲ್ಲಿಕತ್ತನೆ ಬಂದಿತ್‌ಲ್ಲೆ.

1 ಕೊರಿಂಥ 9:5

ಬೋರೆ ಅಪೊಸ್ತಲಂಗಳು, ಒಡೆಯಂಡ ತಮ್ಮಣಂಗಳು, ಪೇತ್ರನು ಮಾಡ್‌ವನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ನಂಗಡ ಪೊಣ್ಣ್‌ನ ನಂಗಡ ಕೂಡೆ ಕಾಕಿಯಂಡ್ ಪೋಪಕ್ ನಂಗಕ್ ಅದಿಕಾರ ಇಲ್ಲೆಯ?

ಗಲಾತ್ಯ 1:19

ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ.