ಯೋಹಾನ 19:40 - ಕೊಡವ ಬೈಬಲ್

⁴⁰ ಅಯಿಂಗ ಯೇಸುರ ತಡೀನ ಎಡ್‍ತಂಡ್, ಯೆಹೂದ್ಯ ಜನಡ ಪದ್ದತಿರ ಪ್ರಕಾರ, ಅಂವೊಂಡ ತಡೀಲ್ ಸುಗಂದ ದ್ರವ್ಯತ್‍ನ ತ್‍ೕಟಿತ್, ಚತ್ತಂವೊನ ಪೂಪಕುಳ್ಳ ಬೊಳ್‍ತ ಬಟ್ಟೇಲ್ ಸುತ್ತ್‌ಚಿ.

ಯೋಹಾನ 19:40 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 50:2

ಅಲ್ಲಿಂಜ ಅಂವೊ ತಾಂಡ ಸೇವಕಂಗಳಾನ ವೈದ್ಯಂಗಕ್‌ ತಾಂಡ ಅಪ್ಪಂಡ ಚಾವ್‌ ತಡಿನ ಸುಗಂದ ತೈಲತ್‌ಂಜ ತಯಾರ್‌ ಮಾಡ್‌ವಕ್‌ ಎಣ್ಣ್‌ಚಿ. ಅನ್ನನೆ ವೈದ್ಯಂಗ ಇಸ್ರಾಯೇಲ್‌ನ ಪೂಪಕ್‌ ತಯಾರ್ಮಾಡ್‌ಚಿ.

ಮತ್ತಾಯ 26:12

ಇವ ಈ ಸುಗಂದ ತೈಲತ್‌ನ ಬೂಕಿತ್ ನಾಡ ತಡೀನ ಪೂಪಂಗ್ ತಯಾರ್ ಮಾಡಿತುಂಡ್.

ಮಾರ್ಕ 14:8

ಅವಕ್ ಎಂತ ಕಯ್ಯುವ ಅದ್‍ನ ಅವ ಮಾಡ್‍ಚಿ. ನನ್ನ ಪೂಪಂಗ್ ಮಿಂಞಲೇ ಅವ ಈ ತರ ಸುಗಂದ ತೈಲತ್‌ನ ಬೂಕಿತ್ ನನ್ನ ತಯಾರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:12

ಆಚೇಂಗಿ ಪೇತ್ರ ಚಾಡಿ ಏವಂಜಿ ಗೋರಿಕ್ ಓಡಿ ಪೋಚಿ. ಅಂವೊ ಗೋರಿರ ಒಳ್‍ಕ್ ಬಗ್ಗಿ ನೋಟ್‍ವಕ, ಯೇಸುರ ತಡಿಕ್ ಸುತ್ತ್‌ನ ಬಟ್ಟೆನೆ ಮಾತ್ರ ಕಂಡತ್. ಪಿಂಞ ನಡ್ಂದ ಘಟನೆನ ಗೇನ ಮಾಡಿಯಂಡ್ ಆಶ್ಚರ್ಯತ್‍ಲ್ ಮನೆಕ್ ಪೋಚಿ.

ಯೋಹಾನ 11:44

ಅಕ್ಕ, ಚತ್ತ ಮನುಷ್ಯ ಎದ್ದಿತ್ ಬಾತ್. ಅಂವೊಂಡ ಕೈಕಾಲ್ ಮೂಡ್‌ನೆಲ್ಲಾ ಬಟ್ಟೇಲ್ ಕೆಟ್ಟಿತ್ಂಜತ್, ಯೇಸು ಅಲ್ಲಿ ಇಂಜಯಿಂಗಕ್: ಇದ್‍ನೆಲ್ಲಾ ಉತ್ತಿತ್ ಅಂವೊನ ಪೊರಮೆ ಬುಡೀಂದ್ ಎಣ್ಣ್‌ಚಿ.

ಯೋಹಾನ 12:7

ಅಕ್ಕ ಯೇಸು: ಅವಳ ಬುಡ್, ಅವ ಇದ್‍ನ ನಾಡ ಚಾವ್ ತಡೀನ ಗೋರಿಲ್ ಬೆಪ್ಪಕ್ ಮಿಂಞ ಇಡ್‌ವಕಾಯಿತ್ ಇಚ್ಚಕ್ ದಿನ ಬೆಚ್ಚಿತ್ಂಜತ್.

ಅಪೊಸ್ತಲ 5:6

ಅಕ್ಕ ಬಾಲೆಕಾರಂಗ ಎದ್ದಿತ್ ಅಂವೊನ ಬಟ್ಟೇಲ್ ಸುತ್ತ್‌ವಂಜಿ ಎಡ್‍ತಂಡ್ ಪೋಯಿತ್ ಪೂತ್ತತ್.