ಯೋಹಾನ 19:39 - ಕೊಡವ ಬೈಬಲ್

³⁹ ಇಂವೊಂಡ ಕೂಡೆ ನಿಕೊದೇಮ ಸಹ ಇಂಜತ್. ಇಂವೊ ಪಂಡ್ ಯೇಸುರ ಪಕ್ಕ ಒರ್ ಬಯಿಟ್ ನೇರತ್‍ಲ್ ಪ್ರಶ್ನೆ ಕ್‍ೕಪಕಾಯಿತ್ ಬಂದಿತ್ಂಜತ್. ಅಂವೊ ಸುಮಾರ್ ನುಪ್ಪತಂಜ್ ಕಿಲೋವಚ್ಚಕ್ ರಕ್ತಬೋಳ ಪಿಂಞ ಲೋಳಿಸರತ್‌ಂಜ ಮಾಡ್‍ನ ಸುಗಂದ ದ್ರವ್ಯತ್‍ನ ಎಡ್‌ತ ಬಾತ್.

ಯೋಹಾನ 19:39 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 50:2

ಅಲ್ಲಿಂಜ ಅಂವೊ ತಾಂಡ ಸೇವಕಂಗಳಾನ ವೈದ್ಯಂಗಕ್‌ ತಾಂಡ ಅಪ್ಪಂಡ ಚಾವ್‌ ತಡಿನ ಸುಗಂದ ತೈಲತ್‌ಂಜ ತಯಾರ್‌ ಮಾಡ್‌ವಕ್‌ ಎಣ್ಣ್‌ಚಿ. ಅನ್ನನೆ ವೈದ್ಯಂಗ ಇಸ್ರಾಯೇಲ್‌ನ ಪೂಪಕ್‌ ತಯಾರ್ಮಾಡ್‌ಚಿ.

ಜ್ಞಾನತ್‌ರ ಪಡಿಮ 7:17

ನಾಡ ಮೆತ್ತೆಕ್‌ ರಕ್ತಬೋಳ, ಲೋಳಿಸರ ಪಿಂಞ ಪಟ್ಟೆಯಿಂಜ ತಯಾರ್‌ ಮಾಡ್‌ನ ಸುಗಂದ ದ್ರವ್ಯತ್‌ನ ಇಟ್ಟಿತುಳ್ಳ.

ಮತ್ತಾಯ 12:20

ಅಂವೊ ನ್ಯಾಯಕ್ ಜಯ ಕ್‌ಟ್ಟ್‌ವಕತ್ತನೆ, ಜಜ್ಜಿ ಪೋನ ಓಡೆರ ದಂಟ್‍ನ ಅಂವೊ ಮುರಿಪ್‌ಲೆ, ಆರಿ ಪೋಪ ಬೊಳ್‍ಚತ್‍ರ ತಿರಿನ ಅಂವೊ ಕೆಡ್‌ತುವದಿಲ್ಲೆ.

ಮತ್ತಾಯ 19:30

ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.

ಮತ್ತಾಯ 2:11

ಅಯಿಂಗ ಆ ಮನೆರ ಒಳ್‍ಕ್ ಪೋಪಂಜಿ ಅಲ್ಲಿ ಆ ಕುಂಞಿನೂ ಕುಂಞಿರ ಅವ್ವ ಮರಿಯಳನೂ ಕಂಡತ್. ಕಂಡ ಪಿಂಞ ಅಯಿಂಗ ಮೊಣಕಾಲ್ ಊರಿತ್ ಅಂವೊನ ಆರಾದನೆ ಮಾಡ್‍ಚಿ. ಅಯಿಂಗ ಗಂಟ್‍ನ ತೊರಂದಿತ್ ಪೊನ್ನ್, ದೂಪ, ರಕ್ತಬೋಳನೆಲ್ಲ ಕೊಡ್‍ತತ್.

ಮಾರ್ಕ 16:1

ಸಬ್ಬತ್ ದಿವಸ ಕಯಿಂಜ ಪಿಂಞ ಮಗ್ದಲ ಮರಿಯ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಸಲೋಮಿ ಈಂಗೆಲ್ಲಾ ಯೇಸುರ ಚಾವ್ ತಡಿಕ್ ಸುಗಂದ ವಾಸನೆರ ಮದ್ದ್‌ನ ಇಡ್‌ವಕ್ ಬಾತ್.

ಯೋಹಾನ 12:3

ಅಕ್ಕ, ಮರಿಯ ಒರ್ ಬಲ್ಯ ಕುಪ್ಪಿಲ್ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಕೊಂಡ್ ಬಾತ್. ಅದ್‍ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ, ತಾಂಡ ತೆಲ್‌ಮಿಲ್ ಯೇಸುರ ಕಾಲ್‌ನ ತ್‍ೕಟ್‍ಚಿ. ಆ ತೈಲತ್‌ರ ವಾಸನೆ ಮನೆಯೆಲ್ಲಾ ಪಬ್ಬ್‌ಚಿ.

ಯೋಹಾನ 12:7

ಅಕ್ಕ ಯೇಸು: ಅವಳ ಬುಡ್, ಅವ ಇದ್‍ನ ನಾಡ ಚಾವ್ ತಡೀನ ಗೋರಿಲ್ ಬೆಪ್ಪಕ್ ಮಿಂಞ ಇಡ್‌ವಕಾಯಿತ್ ಇಚ್ಚಕ್ ದಿನ ಬೆಚ್ಚಿತ್ಂಜತ್.