ಯೋಹಾನ 19:38 - ಕೊಡವ ಬೈಬಲ್

³⁸ ಇದೆಲ್ಲಾ ಆನ ಪಿಂಞ, ಅರಿಮತಾಯ ಎಣ್ಣುವ ಊರ್‍ಕಾರನಾನ ಯೋಸೇಫ ಪಿಲಾತಂಡ ಪಕ್ಕ ಪೋಯಿತ್ ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಎಡ್‍ತಂಡ್ ಪೋಪಕ್ ಅನುಮತಿ ಕ್‍ೕಟತ್. ಈ ಯೋಸೇಫ ಯೇಸುರ ಶಿಷ್ಯನಾಯಿತ್ಂಜತ್. ಅದ್ ದಾರ್‌ಕು ಗೊತ್ತ್‌ಂಜಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಯೆಹೂದ್ಯಂಗಕ್ ಇಂವೊ ಬೊತ್ತ್‌ವಕಿಂಜತ್. ಯೇಸುರ ತಡೀನ ಎಡ್‌ತ ಪೋಂದ್ ಪಿಲಾತ ಹುಕುಮ್ ಕೊಡ್‍ತತ್. ಆನಗುಂಡ್ ಅಂವೊ ಪೋಯಿತ್, ಯೇಸುರ ತಡೀನ ಎಡ್‍ತಂಡ್ ಪೋಚಿ.

ಯೋಹಾನ 19:38 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಯೋಹಾನ 12:42

ಆಚೇಂಗಿಯು ಸಹ, ಯೆಹೂದ್ಯ ಜನತ್‍ರ ದುಂಬ ಅದಿಕಾರಿಯಂಗ ಯೇಸುನ ನಂಬಿತ್ಂಜತ್. ಆಚೇಂಗಿ, ಅಯಿಂಗಳ ಸಬಾಮಂದಿರಕ್ ಪೊರಮೆ ಇಡತನೆಕೆ, ಫರಿಸಾಯಂಗಕಾಯಿತ್, ಎಲ್ಲಾಡ ಮಿಂಞತ್ ಅಯಿಂಗ ಯೇಸುನ ನಂಬುವಯಿಂಗಾಂದ್ ಅರಿಕೆ ಮಾಡಿತ್‌ಲ್ಲೆ.

ಯೋಹಾನ 7:13

ಆಚೇಂಗಿಯು, ಅಯಿಂಗಕ್ ಯೆಹೂದ್ಯಂಗಡ ಅದಿಕಾರಿಯಂಗಡ ಮೇಲೆ ಪೋಡಿ ಇಂಜಗುಂಡ್, ದಾರೂ ಅಂವೊಂಡ ವಿಷಯತ್‍ನ ದೈರ್ಯವಾಯಿತ್ ಎಣ್ಣ್‌ವಕಿಂಜಿಲೆ.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಅಪೊಸ್ತಲ 13:29

ಅಂವೊಂಡ ವಿಷಯತ್, ಒಳ್‍ದಿತುಳ್ಳಾನೆಲ್ಲ ನೆರವೇರಿಚಿಟ್ಟ ಪಿಂಞ ಅಂವೊನ ಶಿಲುಬೆಯಿಂಜ ಇಳ್‌ಪಿತ್ ಗೋರಿಕ್ ಇಟ್ಟತ್.

ಫಿಲಿಪ್ಪಿ 1:14

ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.