ಯೋಹಾನ 19:35 - ಕೊಡವ ಬೈಬಲ್

³⁵ ಇದ್‍ನೆಲ್ಲಾ ಕಂಡ ಒಬ್ಬ ಇದ್ಂಡ ವಿಷಯತ್ ಸಾಕ್ಷಿ ಎಣ್ಣಿಯಂಡುಂಡ್; ಅಂವೊಂಡ ಸಾಕ್ಷಿ ಸತ್ಯ. ನಿಂಗಳು ನಂಬುವಕಾಯಿತ್ ಅಂವೊ ಎಣ್ಣ್‌ವದ್ ಸತ್ಯಾಂದ್ ಅಂವೊಂಗ್ ಗೊತ್ತುಂಡ್.

ಯೋಹಾನ 19:35 ပူးပေါင်းရင်းမြစ်များ

ಯೋಹಾನ 11:15

ನಾನ್ ನಿಂಗಕಾಯಿತ್ ಇಕ್ಕ ಅಲ್ಲಿ ಇಂಜಿತ್‌ಲ್ಲೇಂದ್ ಕುಶಿಪಡ್‌ವಿ. ನಿಂಗಕ್ ನಾಡ ಮೇಲೆ ನಂಬಿಕೆ ಬಪ್ಪ; ಬಾರಿ ನಂಗ ಅಲ್ಲಿಕ್ ಪೋಕನಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 14:29

ಇದೆಲ್ಲಾ ನಡ್‍ಪಕ, ನಿಂಗ ನನ್ನ ನಂಬಂಡೂಂದೇ, ಇದೆಲ್ಲಾ ನಡ್‍ಪಕ್ ಮಿಂಞ ಇದ್‍ನ ನಿಂಗಕ್ ಎಣ್ಣಿಯೆ.

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಯೋಹಾನ 19:26

ಅಕ್ಕ, ಯೇಸು ತಾಂಡ ಅವ್ವ ಪಿಂಞ ಅಂವೊಂಡ ಪ್ರೀತಿರ ಶಿಷ್ಯನ ಕಂಡತ್. ಯೇಸು ಅಂವೊಂಡ ಅವ್ವನ ನೋಟಿತ್: ಅವ್ವ, ನೋಟಿ, ಅಂವೊನೇ ನೀಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 21:24

ಈ ಶಿಷ್ಯನೇ, ಇದ್‍ನೆಲ್ಲಾ ಸಾಕ್ಷಿ ಕೊಡ್‌ತಂಡ್, ಇದ್‍ನೆಲ್ಲಾ ಒಳ್‍ದಿಯತ್. ಅಂವೊ ಒಳ್‍ದ್‍ನೆದೆಲ್ಲಾ ಸತ್ಯಾಂದ್ ನಂಗಕ್ ಗೊತ್ತುಂಡ್.

ಅಪೊಸ್ತಲ 10:39

ಯೆಹೂದ್ಯಂಗಡ ದೇಶತ್‍ಲು ಯೆರೂಸಲೇಮ್‍ಲು ಮಾಡ್‍ನ ಎಲ್ಲಾ ಕಾರ್ಯಕ್ ಅಪೊಸ್ತಲಂಗಳಾನ ನಂಗ ಸಾಕ್ಷಿಯಾಯಿತುಂಡ್. ಪಿಂಞ ಅಂವೊನ ಶಿಲುಬೇಲ್ ಇಟ್ಟಿತ್ ತೂಕಿತ್ ಕೊಂದತ್.

ರೋಮ್ 15:4

ದೇವಡ ವಾಕ್ಯತ್‍ರಗುಂಡ್ ಕ್‍ಟ್ಟುವ ಪೊರುಮೆ ಪಿಂಞ ಸಮಾದಾನತ್‍ರ ಮೂಲಕ ನಂಗ ನಿರಿಕ್ಷೇಲ್ ಇಪ್ಪಕಾಯಿತ್, ಮಿಂಞಲೇ ದೇವಡ ವಾಕ್ಯತ್‍ಲ್ ಒಳ್‍ದಿ ಬೆಚ್ಚದೆಲ್ಲ ನಂಗಕ್ ಒರ್ ಬೋದನೆಯಾಯಿತ್ ಬೆಚ್ಚಿತುಂಡ್.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಯೋಹಾನ 5:13

ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ಗೊತ್ತಾಪಕಾಯಿತ್, ದೇವಡ ಮೋಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗಕ್ ನಾನ್ ಇದ್‍ನ ಒಳ್‍ದ್‍ವಿ.

3 ಯೋಹಾನ 1:12

ಎಲ್ಲಾಡಿಂಜ ದೇಮೇತ್ರಿಯಂಗ್ ನಲ್ಲ ಸಾಕ್ಷಿ ಉಂಡ್; ಸತ್ಯತ್‍ಲು ಅಂವೊಂಗ್ ನಲ್ಲ ಸಾಕ್ಷಿ ಉಂಡ್. ನಂಗ ಸಹ ಅಂವೊಂಡ ವಿಷಯತ್‍ಲ್ ಸಾಕ್ಷಿ ತಪ್ಪ, ನಂಗಡ ಸಾಕ್ಷಿ ಸತ್ಯಾಂದ್ ನಿಂಗಕ್ ಗೊತ್ತುಂಡ್.