ಯೋಹಾನ 19:34 - ಕೊಡವ ಬೈಬಲ್

³⁴ ಆಚೇಂಗಿಯು, ಒರ್ ಸಿಪಾಯಿ ಅಂವೊಂಡ ಈಟಿನ ಎಡ್‍ತಿತ್ ಅಂವೊಂಡ ಬಗ್ಗ್‌ರೀಕ್ ಕುತ್ತ್‌ಚಿ; ಅಕ್ಕ ಚೋರೆ ಪಿಂಞ ನೀರ್ ಪೊರಮೆ ಬಾತ್.

ಯೋಹಾನ 19:34 ပူးပေါင်းရင်းမြစ်များ

ಮತ್ತಾಯ 27:62

ಪಿತ್ಯಾಂದ್ ಸಬ್ಬತ್ ದಿವಸ ಆಯಿತ್ಂಜತ್. ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಪಿಲಾತನ ಕಾಂಬಂಜಿ,

ಯೋಹಾನ 19:33

ಅಯಿಂಗ ಯೇಸುರ ತಡೀರ ಪಕ್ಕ ಬಪ್ಪಕಾಪಕ ಅಂವೊ ಅಯಿಂಗ ಬಪ್ಪಕ್ ಮಿಂಞಲೇ ಚತ್ತ್ ಪೋಯಿರ್‌ತ್‍ೕಂದ್ ಗೊತ್ತಾಚಿ. ಅದ್ಂಗಾಯಿತ್ ಅಂವೊಂಡ ಕಾಲ್‌ನ ಅಯಿಂಗ ಮುರಿಚಿತ್‌ಲ್ಲೆ.

ಯೋಹಾನ 20:20

ಅಂವೊ ಇನ್ನನೆ ಎಣ್ಣ್‌ನ ಪಿಂಞ ಅಂವೊಂಡ ಕೈಯಿನ ಪಿಂಞ ಬಗ್ಗ್‌ರೀನ ಅಯಿಂಗಕ್ ಕಾಟ್‍ಚಿ. ಅಂವೊನ ಕಂಡಾಂಗ್ ಶಿಷ್ಯಂಗಕೆಲ್ಲ ಬಾರಿ ಕುಶಿ ಆಯಿಪೋಚಿ.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 9:13

ಪಳೆಯ ನೇಮತ್‌ಲ್, ಆಡ್ ಪಿಂಞ ಎತ್ತ್‌ರ ಚೋರೆನ ಪಿಂಞ ಒರ್ ಕಡ್‍ಚಿನ ಬಲಿ ಕೊಡ್‌ತಿತ್, ಅದ್‍ಯಿಂಜ ಕ್‍ಟ್ಟುವ ಬೂದಿನ ಎಡ್‍ತಿತ್ ಅಶುದ್ದ ಆನ ಒಬ್ಬಂಡ ಮೇಲೆ ತಳಿಪಗುಂಡ್, ಅಂವೊ ತಡೀಲ್ ಶುದ್ದ ಆಪಕಿಂಜತ್.

ಇಬ್ರಿಯ 9:22

ನ್ಯಾಯಪ್ರಮಾಣತ್‍ರನೆಕೆ, ಚೆನ್ನ ಬುಟ್ಟಿತ್, ಚೋರೆ ಎಲ್ಲಾನ ಶುದ್ದ ಮಾಡಿರ್‌ವ; ಚೋರೆ ಬೂಕತೆ ಪಾಪಕ್ ಮನ್ನಿಪ್ಪ್ ಇಲ್ಲೆ.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

1 ಯೋಹಾನ 5:8

ಮೂಂದಾಳು ಒರೇ ತರತ್‍ಲ್ ಸಾಕ್ಷಿ ಕೊಡ್‍ಪ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.