ಯೋಹಾನ 19:31 - ಕೊಡವ ಬೈಬಲ್

³¹ ಅಂದೆತ ದಿವಸ ನಮ್ಮೆಕ್ ಮಿಂಞತ್‍ರ ದಿವಸವಾಯಿತ್ಂಜತ್. ಪಿತ್ಯಾಂದ್ ಯೆಹೂದ್ಯಂಗಡ ಮುಕ್ಯ ಸಬ್ಬತ್ ದಿನವಾಯಿತ್ಂಜಗುಂಡ್, ಆ ದಿವಸತ್‍ಲ್ ಶಿಲುಬೇಲ್ ಚಾವ್ ತಡಿ ಇಪ್ಪಕ್ಕಾಗಾಂದ್, ಶಿಲುಬೇಲ್ ಉಳ್ಳಯಿಂಗಡ ಕಾಲ್‌ನ ಪೊಳಿಕಡಾಂದ್ ಯೆಹೂದ್ಯಂಗ ಪಿಲಾತನ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅಯಿಂಗಕ್ ಬೆರಿಯ ಚಾವ್ ಬಪ್ಪ, ಪಿಂಞ ಶಿಲುಬೆಯಿಂಜ ಚಾವ್ ತಡೀನ ಆ ದಿವಸವೇ ಎಡ್‍ಪಕಾಪ.

ಯೋಹಾನ 19:31 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:10

ನೀತಿವಂತಂವೊ ಅಂವೊಂಡ ಪ್ರಾಣಿಯಡ ಜೀವತ್‌ನ ಕಾಪಾಡುವ, ಆಚೇಂಗಿ ದುಷ್ಟ ಜನತ್‌ರ ಕನಿಕರ ಕ್ರೂರವಾಯಿತ್‌ಪ್ಪ.

ಮತ್ತಾಯ 27:62

ಪಿತ್ಯಾಂದ್ ಸಬ್ಬತ್ ದಿವಸ ಆಯಿತ್ಂಜತ್. ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಪಿಲಾತನ ಕಾಂಬಂಜಿ,

ಮಾರ್ಕ 15:42

ಸಬ್ಬತ್ ದಿವಸಕ್ ಮಿಂಞತ್‍ರ ದಿವಸ ತಯಾರ್ ನಾಳಾಯಿತ್ಂಜಗುಂಡ್, ಅಲ್ಲಿಯತ್‍ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯ ಇಂಜತ್. ಅಂವೊ ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡಿಂಜತ್. ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣುವ ಇಂವೊ ಒರ್ ಪೋಡಿಯು ಇಲ್ಲತೆ ಪಿಲಾತ ರಾಜಂಡ ಪಕ್ಕ ಪೋಯಿತ್ ಚತ್ತ್‌ಪೋನ ಯೇಸುರ ಚಾವ್ ತಡೀನ ಕ್‍ೕಟತ್.

ಯೋಹಾನ 19:1

ಅಲ್ಲಿಂಜ ಪಿಲಾತ ಯೇಸುನ ಒಳ್‍ಕ್ ಕೊಂಡ್ ಪೋಯಿತ್ ಕೊರಡ್‍ಲ್ ಪೊಯ್ಯುವಕ್ ಎಣ್ಣ್‌ಚಿ.

ಯೋಹಾನ 19:14

ಅಕ್ಕ ಮಜ್ಜಣತ್‍ರ ನೇರ ಆಯಿತ್ಂಜತ್. ಆ ದಿವಸ ಪಸ್ಕ ನಮ್ಮೆಕ್ ತಯಾರಾಪ ನಾಳಾಯಿತ್ಂಜತ್. ಇಲ್ಲಿ ನೋಟಿ, ನಿಂಗಡ ರಾಜಾಂದ್ ಪಿಲಾತ ಯೆಹೂದ್ಯಂಗಕ್ ಎಣ್ಣ್‌ಚಿ.

ಯೋಹಾನ 19:42

ಸಬ್ಬತ್ ದಿವಸ ಸುರು ಆಪಕಿಂಜಗುಂಡ್, ಪಿಂಞ ಆ ಗೋರಿ ಪಕ್ಕತ್‍ಲ್ ಇಂಜಗುಂಡ್, ಯೇಸುರ ತಡೀನ ಅಲ್ಲಿಕ್ ಬೆಚ್ಚಿತ್ ಪೋಚಿ.