ಯೋಹಾನ 19:28 - ಕೊಡವ ಬೈಬಲ್

²⁸ ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 19:28 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:50

ದುಂಬ ಕಷ್ಟತ್‍ರ ಸೋದನೆಲ್ ನಾನ್ ಬೆರಿಯ ಪೋಕಂಡು. ಅದ್ ಪೂರ್ತಿ ಆಪಕತ್ತನೆ ನಾನ್ ದುಂಬ ನೊಂಬಲ ಅನುಬವಿಚಿಡಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:31

ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಒರ್ ಬರಿಕ್ ಕಾಕುವಂಜಿ: ಕ್‍ೕಳಿ, ನಂಗ ಯೆರೂಸಲೇಮ್‌ಕ್ ಪೋಯಂಡುಂಡ್, ಅಲ್ಲಿ ಪೋಪಕ ಮನುಷ್ಯಕುಮಾರಂಡ ವಿಷಯ ಪ್ರವಾದಿಯಂಗ ಒಳ್‌ದ್‌ನನೆಕೆ ಪೂರ್ತಿಯಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:37

ಎನ್ನಂಗ್ ಎಣ್ಣ್‌ಚೇಂಗಿ, ಅಂವೊ ಕ್ರೂರ ಪಾಪ ಮಾಡ್‍ನ ಕಳ್ಳಂಗಡ ಕೂಟ್‌ಲ್ ಒಬ್ಬನಾಯಿತ್ ಕಾಕ್‍ವಾಂದ್ ಒಳ್‍ದಿತುಳ್ಳ ದೇವಡ ವಾಕ್ಯ ಪೂರ್ತಿ ಆಂಡೂಂದ್ ಎಣ್ಣ್‌ವಿ. ನಾಡ ವಿಷಯವೆಲ್ಲ ಪೂರ್ತಿಯಾಪ ಕಾಲ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:31

ಅಂವೊ ಯೆರೂಸಲೇಮ್‍ಲ್ ಪೂರ್ತಿ ಮಾಡ್‌ವ ಅಂವೊಂಡ ಚಾವ್‍ರ ವಿಷಯತ್‍ನ ತಕ್ಕ್ ಪರ್ಂದಂಡಿಂಜತ್.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 17:4

ನೀನ್ ನಾಕ್ ಕೊಡ್‍ತ ಕ್ರಿಯೇನ ಪೂರ್ತಿಮಾಡಿಯೆ, ನಾನ್ ಈ ಲೋಕತ್‍ಲ್ ನೀಕ್ ಮಹಿಮೆ ಕ್‍ಟ್ಟುವನೆಕೆ ಮಾಡಿಯೆ.

ಯೋಹಾನ 18:4

ಯೇಸು ಅಂವೊಂಗ್ ಎಂತೆಲ್ಲಾ ಆಪಾಂದ್ ಗೊತ್ತಾಯಿತ್, ಅಯಿಂಗಡ ಮಿಂಞಕ್ ಪೋಯಿತ್, ನಿಂಗ ದಾರ್‌ನ ನೋಟಿಯಂಡ್ ಉಳ್ಳಿರಾಂದ್ ಕ್‍ೕಟತ್.

ಯೋಹಾನ 19:24

ಅಕ್ಕ ಸಿಪಾಯಿಯಂಗ: ಇದ್‍ನ ನಂಗ ಕೀತ್‌ವಕ್ಕಾಗ, ಈ ಬಟ್ಟೇಕ್ ನಂಗ ಚೀಟಿ ಇಡ್‌ವಂಜಿ ಆ ಚೀಟಿ ದಾರ್‌ಕ್ ಕ್‍ಟ್ಟ್‌ವ ಅಂವೊ ಇದ್‍ನ ಎಡ್‌ಕಡ್‍ೕಂದ್ ಎಣ್ಣ್‌ಚಿ. ನಾಡ ಬಟ್ಟೇನ ಪಾಲ್ ಮಾಡಿಯಂಡತ್, ನಾಡ ಬಟ್ಟೇಕಾಯಿತ್ ಚೀಟಿ ಇಟ್ಟತ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ನೆರವೇರ್‌ವನೆಕೆ ಸಿಪಾಯಿಯಂಗ ಇನ್ನನೆ ಮಾಡ್‍ಚಿ.

ಯೋಹಾನ 19:30

ಯೇಸು ದ್ರಾಕ್ಷಿರಸತ್‍ನ ಬಾಯಿಕ್ ಎಡ್‌ತ ಪಿಂಞ, ತ್‍ೕಂದತ್‍ೕಂದ್ ಎಣ್ಣಿತ್, ಮಂಡೆನ ಬಗ್ಗ್‌ಚಿಟ್ಟಿತ್ ಅಂವೊಂಡ ಜೀವತ್‍ನ ಬುಟ್ಟತ್.

ಯೋಹಾನ 19:36

ಅಂವೊಂಡ ಮೂಳೆಲ್ ಒರ್ ಮೂಳೆಯು ಮುರಿಂಜಿ ಪೋಪುಲೇಂದ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ನೆರೆವೇರ್‌ವಕಾಯಿತ್ ಇನ್ನನೆಲ್ಲಾ ಆಚಿ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಅಪೊಸ್ತಲ 13:29

ಅಂವೊಂಡ ವಿಷಯತ್, ಒಳ್‍ದಿತುಳ್ಳಾನೆಲ್ಲ ನೆರವೇರಿಚಿಟ್ಟ ಪಿಂಞ ಅಂವೊನ ಶಿಲುಬೆಯಿಂಜ ಇಳ್‌ಪಿತ್ ಗೋರಿಕ್ ಇಟ್ಟತ್.