ಯೋಹಾನ 19:26 - ಕೊಡವ ಬೈಬಲ್

²⁶ ಅಕ್ಕ, ಯೇಸು ತಾಂಡ ಅವ್ವ ಪಿಂಞ ಅಂವೊಂಡ ಪ್ರೀತಿರ ಶಿಷ್ಯನ ಕಂಡತ್. ಯೇಸು ಅಂವೊಂಡ ಅವ್ವನ ನೋಟಿತ್: ಅವ್ವ, ನೋಟಿ, ಅಂವೊನೇ ನೀಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 19:26 ပူးပေါင်းရင်းမြစ်များ

ಯೋಹಾನ 13:23

ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.

ಯೋಹಾನ 2:4

ಯೇಸು ಅವಕ್: ಅವ್ವ, ನಾನ್ ಎಂತ ಮಾಡಂಡೂಂದ್ ನೀನ್ ಎನ್ನಂಗ್ ನಾಕ್ ಎಣ್ಣ್‌ವಿಯಾ? ನಾಡ ಸಮಯ ಇಂಞು ಬಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 20:2

ಅಕ್ಕ ಅವ ಸೀಮೋನ ಪೇತ್ರ ಪಿಂಞ ಯೇಸು ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯಂಗಡ ಪಕ್ಕ ಓಡಿ ಪೋಯಿತ್ ನಂಗಡ ಒಡೆಯನ ಗೋರಿಯಿಂಜ ದಾರೋ ಎಡ್‍ತಂಡ್ ಪೋಯಿರ್‌ತ್. ಅಂವೊನ ಎಲ್ಲಿ ಬೆಚ್ಚತ್‍ೕಂದ್ ನಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 21:20

ಪೇತ್ರ ತಿರಿತ್ ನೋಟ್‍ವಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ, ಆಕೀರ್ ಗದ್ದಾಳತ್‍ಲ್ ಯೇಸುರ ಪಕ್ಕ ಅಳ್‌ತಂಡ್, ದೇವಾ ನಿನ್ನ ಪುಡ್‌ಚಿತ್ ಕೊಡ್‍ಪ ಶಿಷ್ಯ ದಾರ್‍ೕಂದ್ ಕ್‍ೕಟ ಶಿಷ್ಯ ಬಪ್ಪಾನ ಕಂಡತ್.

ಯೋಹಾನ 21:24

ಈ ಶಿಷ್ಯನೇ, ಇದ್‍ನೆಲ್ಲಾ ಸಾಕ್ಷಿ ಕೊಡ್‌ತಂಡ್, ಇದ್‍ನೆಲ್ಲಾ ಒಳ್‍ದಿಯತ್. ಅಂವೊ ಒಳ್‍ದ್‍ನೆದೆಲ್ಲಾ ಸತ್ಯಾಂದ್ ನಂಗಕ್ ಗೊತ್ತುಂಡ್.

ಯೋಹಾನ 21:7

ಅಕ್ಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯ ಪೇತ್ರನ ನೋಟಿತ್, ಅಂವೊ ಒಡೆಯಾಂದ್ ಎಣ್ಣ್‌ಚಿ. ಆ ಶಿಷ್ಯ ಅದ್ ಒಡೆಯಾಂದ್ ಎಣ್ಣುವಾನ ಕ್‍ೕಪಕ, ಪೇತ್ರ ಅಂವೊಂಡ ಪೊರಮೆ ಇಡ್‌ವ ಬಟ್ಟೇನ ಇಟ್ಟಂಡ್ ನೀರ್‌ಕ್ ಪಾರ್‌ಚಿ. (ಎನ್ನಂಗೆಣ್ಣ್‌ಚೇಂಗಿ, ಕೆಲಸ ಮಾಡ್‌ವಕಾಯಿತ್ ಅಂವೊ ಬಟ್ಟೆ ಇಟ್ಟಂಡಿಲ್ಲೆ).