ಯೋಹಾನ 19:24 - ಕೊಡವ ಬೈಬಲ್

²⁴ ಅಕ್ಕ ಸಿಪಾಯಿಯಂಗ: ಇದ್‍ನ ನಂಗ ಕೀತ್‌ವಕ್ಕಾಗ, ಈ ಬಟ್ಟೇಕ್ ನಂಗ ಚೀಟಿ ಇಡ್‌ವಂಜಿ ಆ ಚೀಟಿ ದಾರ್‌ಕ್ ಕ್‍ಟ್ಟ್‌ವ ಅಂವೊ ಇದ್‍ನ ಎಡ್‌ಕಡ್‍ೕಂದ್ ಎಣ್ಣ್‌ಚಿ. ನಾಡ ಬಟ್ಟೇನ ಪಾಲ್ ಮಾಡಿಯಂಡತ್, ನಾಡ ಬಟ್ಟೇಕಾಯಿತ್ ಚೀಟಿ ಇಟ್ಟತ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ನೆರವೇರ್‌ವನೆಕೆ ಸಿಪಾಯಿಯಂಗ ಇನ್ನನೆ ಮಾಡ್‍ಚಿ.

ಯೋಹಾನ 19:24 ပူးပေါင်းရင်းမြစ်များ

ಮತ್ತಾಯ 27:35

ಅಂವೊನ ಶಿಲುಬೇಕ್ ಇಟ್ಟಿತಾನ ಪಿಂಞ ಸಿಪಾಯಿಯ ಅಂವೊಂಡ ಬಟ್ಟೇನ ಚೀಟಿ ಇಟ್ಟಿತ್ ಪಾಲ್ ಮಾಡಿತ್ ಎಡ್‍ತಂಡತ್.

ಮಾರ್ಕ 15:24

ಅಕ್ಕ ಅಂವೊನ ಶಿಲುಬೇಕ್ ಇಟ್ಟತ್. ಯೇಸುರ ಬಟ್ಟೇನ ಬಾಗ ಮಾಡಿತ್, ಅಯಿಂಗ ಚೀಟಿ ಇಟ್ಟಿತ್ ದಾರ್‌ಕ್ ಎದೇದ್ ಬಟ್ಟೆ ಕ್‍ಟ್ಟುವ ಎಣ್ಣಿಯಂಡ್ ನೋಟಿತ್ ಎಡ್‍ತಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:34

ಅಕ್ಕ ಯೇಸು: ಅಪ್ಪ, ಈಂಗಳ ಮನ್ನಿಚಿಡ್, ಈಂಗ ಎಂತ ಮಾಡಿಯಂಡುಂಡ್‍ೕಂದ್ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ. ಸಿಪಾಯಿಯಂಗ ಯೇಸುರ ಬಟ್ಟೇನ ಬಾಗ ಮಾಡಿತ್, ಚೀಟಿ ಇಟ್ಟಿತ್, ಬಟ್ಟೇನ ಎಡ್‍ತಂಡತ್.

ಯೋಹಾನ 10:35

ದೇವಡ ವಾಕ್ಯ ಕ್‍ಟ್ಟನಯಿಂಗಳ ದೇವಾಂದ್ ಎಣ್ಣಿತುಂಡ್, ದೇವಡ ವಾಕ್ಯವು ಅದ್‍ನ ನೇರ್‍ೕಂದ್ ಎಣ್ಣಿಯಂಡುಂಡ್.

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 19:28

ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಅಪೊಸ್ತಲ 13:27

ಯೆರೂಸಲೇಮ್‍ಲ್ ವಾಸ ಮಾಡಿಯಡಿಂಜ ಜನಳು, ಅಯಿಂಗಡ ಅದಿಕಾರಿಯಳು ಯೇಸು ದಾರ್‍ೕಂದ್ ಗೊತ್ತ್‌ಮಾಡಿತ್‌ಲ್ಲೆ. ಪ್ರತಿ ವಾರ ಅಯಿಂಗಡ ಸಬಾಮಂದಿರತ್‍ಲ್ ಓದ್‍ವ ಪ್ರವಾದಿಯಂಗಡ ವಾಕ್ಯತ್‍ಲ್ ಉಳ್ಳ ಅಂವೊಂಡ ವಿಷಯಕೂಡೆ ಅಯಿಂಗಕ್ ಅರ್ಥ ಆಯಿತ್‌ಲ್ಲೆ. ಅದ್ಂಗ್ ಬದ್‍ಲ್ ಅಂವೊ ಚಾವನೆಕೆ ತೀರ್ಪ್ ಮಾಡಿತ್, ಪ್ರವಾದಿಯಂಗ ಎಣ್ಣ್‌ನ ವಾಕ್ಯತ್‍ನ ನೆರೆವೇರಿಚಿಟ್ಟತ್.