ಯೋಹಾನ 19:19 - ಕೊಡವ ಬೈಬಲ್

¹⁹ ಪಿಲಾತ ಜ್ಞಾಪನೇನ ಶಿಲುಬೇರ ಮೇಲೆ ಇಟ್ಟತ್. ಅದ್‍ಲ್ ನಜರೇತ್‍ರ ಯೇಸು ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್ಂಜತ್.

ಯೋಹಾನ 19:19 ပူးပေါင်းရင်းမြစ်များ

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮತ್ತಾಯ 27:37

ಯೇಸುಕ್ ಎನ್ನಂಗ್ ಈ ಶಿಕ್ಷೆ ಕ್‍ಟ್ಟ್‌ಚೀಂದ್ ಕಾಟ್‌ವಕಾಯಿತ್ ಅಂವೊಂಡ ಮಂಡೆರ ಮೇಲೆ ಇಂವೊ ಯೆಹೂದ್ಯಂಗಡ ರಾಜ ಯೇಸು ಎಣ್ಣಿಯಂಡ್ ಒಳ್‍ದಿ ಬೆಚ್ಚತ್.

ಮಾರ್ಕ 15:26

ಅಂವೊಂಗ್ ಕ್‍ಟ್ಟ್‌ನ ಶಿಕ್ಷೆನ ಕಾಟ್‌ವಕಾಯಿತ್, ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿ ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:37

ನಜರೇತ್‍ರ ಯೇಸು ಪೋಯಂಡ್ ಉಂಡ್‍ೕಂದ್ ಜನ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:38

ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್, ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 18:33

ಅಕ್ಕ ಪಿಲಾತ ಪುನಃ ಅರಮನೆರ ಒಳ್‍ಕ್ ಪೋಪಂಜಿ, ಯೇಸುನ ಕಾಕಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್.

ಯೋಹಾನ 19:12

ಈ ತಕ್ಕ್‌ನ ಕ್‍ೕಟ ಪಿಂಞ, ಪಿಲಾತ ಯೇಸುನ ಎನ್ನನಾಚೇಂಗಿಯು ಬುಡುಗಡೆ ಮಾಡ್‌ವಕ್ ಬಟ್ಟೆ ನೋಟಿಯಂಡ್ ಇಂಜತ್. ಆಚೇಂಗಿ ಯೆಹೂದ್ಯ ಜನಡ ಗುಂಪ್, ನೀನ್ ಅಂವೊನ ಬುಟ್ಟ್‌ರ್‍ತೇಂಗಿ ನೀನ್ ಕೈಸರಂಗ್ ವಿರೋದವಾಯಿತ್ ಮಾಡ್‌ವಿಯ. ದಾರ್ ಒಬ್ಬ ಅಂವೊನ ರಾಜಾಂದ್ ಎಣ್ಣಿಯಂಡ್ ಉಂಡೋ, ಅಂವೊ ಕೈಸರಂಗ್ ವಿರೋದಿ ಆಯಿತಿಪ್ಪಾಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 19:14

ಅಕ್ಕ ಮಜ್ಜಣತ್‍ರ ನೇರ ಆಯಿತ್ಂಜತ್. ಆ ದಿವಸ ಪಸ್ಕ ನಮ್ಮೆಕ್ ತಯಾರಾಪ ನಾಳಾಯಿತ್ಂಜತ್. ಇಲ್ಲಿ ನೋಟಿ, ನಿಂಗಡ ರಾಜಾಂದ್ ಪಿಲಾತ ಯೆಹೂದ್ಯಂಗಕ್ ಎಣ್ಣ್‌ಚಿ.

ಯೋಹಾನ 19:21

ಅಕ್ಕ, ಯೆಹೂದ್ಯಂಗಡ ಮುಕ್ಯ ಯಾಜಕಂಗ ಪೋಯಿತ್, ಪಿಲಾತಂಡ ಪಕ್ಕ: ನಿಂಗ ಯೆಹೂದ್ಯ ಜನಡ ರಾಜ ಎಣ್ಣಿಯಂಡ್ ಒಳ್‌ದ್‍ವಕ್ಕಾಗ, ಇಂವೊ ನಾನ್ ಯೆಹೂದ್ಯ ಜನಡ ರಾಜಾಂದ್ ಎಣ್ಣ್‌ಚೀಂದ್ ಒಳ್‍ದ್‍ವಕ್ ಕ್‍ೕಟತ್.

ಯೋಹಾನ 19:3

ಈಂಗೆಲ್ಲಾ ಯೇಸುರ ಪಕ್ಕ ಪುನಃ ಪುನಃ ಬಂದಿತ್ ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್ ಎಣ್ಣಿಯಂಡ್ ಅಂವೊಂಡ ದವಡೆಕ್ ಪೊಜ್ಜತ್.

ಅಪೊಸ್ತಲ 26:9

ನಜರೇತ್‍ರ ಯೇಸುರ ಪೆದಕ್ ವಿರೋದವಾಯಿತ್ ಎಂತೆಲ್ಲಾ ನಾಕ್ ಕಯ್ಯು, ಅದ್‍ನೆಲ್ಲಾ ಮಾಡಂಡೂಂದ್ ನಾನ್ ಸಹ ಗೇನ ಮಾಡ್‍ನ.

ಅಪೊಸ್ತಲ 3:6

ಅಕ್ಕ ಪೇತ್ರ: ನಾಡ ಪಕ್ಕ ಪೊನ್ನ್ ಬೊಳ್ಳಿ ಒಂದು ಇಲ್ಲೆ, ಆಚೇಂಗಿ ನಾಡ ಪಕ್ಕ ಉಳ್ಳದ್‍ನ ನೀಕ್ ತಪ್ಪೀಂದ್ ಎಣ್ಣಿತ್, ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀನ್ ಎದ್ದಿತ್ ನಡೇಂದ್ ಎಣ್ಣಿತ್,