ಯೋಹಾನ 19:17 - ಕೊಡವ ಬೈಬಲ್

¹⁷ ಯೇಸು ಅಂವೊಂಡ ಶಿಲುಬೇನ ಪೊರ್‍ತಂಡ್ ಗೊಲ್ಗೊಥಾ ಎಣ್ಣುವ ಜಾಗಕ್ ಪೋಚಿ. ಗೊಲ್ಗೊಥಾ ಎಣ್ಣ್‌ಚೇಂಗಿ ಮಂಡೆರ ಓಡ್‍ೕಂದ್ ಅರಾಮಿಯ ತಕ್ಕ್‌ಲ್ ಅರ್ಥ ಆಪ.

ಯೋಹಾನ 19:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:6

ಅಕ್ಕ ಅಬ್ರಹಾಮ ದಹನ ಬಲಿಕ್‌ ಬೋಂಡಿಯಾನ ಪುಳ್ಳಿನ ತಾಂಡ ಮೋಂವೊ ಇಸಾಕಂಡ ಮೇಲೆ ಬೆಚ್ಚಿತ್, ತಾಂಡ ಕೈಯಿಲ್‌ ತಿತ್ತ್‌ನ ಪಿಂಞ ಕತ್ತಿನ ಪುಡಿಚ್ಚಂಡ್‌ ದಂಡಾಳು ಒಕ್ಕಚೆ ಪೊರ್‌ಟತ್.

ಮತ್ತಾಯ 10:38

ದಾರ್ ತಾಂಡ ಶಿಲುಬೇನ ಎಡ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಮತ್ತಾಯ 27:37

ಯೇಸುಕ್ ಎನ್ನಂಗ್ ಈ ಶಿಕ್ಷೆ ಕ್‍ಟ್ಟ್‌ಚೀಂದ್ ಕಾಟ್‌ವಕಾಯಿತ್ ಅಂವೊಂಡ ಮಂಡೆರ ಮೇಲೆ ಇಂವೊ ಯೆಹೂದ್ಯಂಗಡ ರಾಜ ಯೇಸು ಎಣ್ಣಿಯಂಡ್ ಒಳ್‍ದಿ ಬೆಚ್ಚತ್.

ಮಾರ್ಕ 10:21

ಯೇಸು ಅಂವೊನ ಪ್ರೀತಿಲ್ ನೋಟಿತ್: ನೀಕ್ ಒರ್ ವಿಷಯ ಮಾತ್ರ ಕಮ್ಮಿಯುಂಡ್, ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಮಾರ್ಕ 15:26

ಅಂವೊಂಗ್ ಕ್‍ಟ್ಟ್‌ನ ಶಿಕ್ಷೆನ ಕಾಟ್‌ವಕಾಯಿತ್, ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿ ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಮಾರ್ಕ 15:32

ಇಸ್ರಾಯೇಲ್‍ರ ರಾಜಾಂದ್ ಎಣ್ಣುವ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇಕ್ಕ ಶಿಲುಬೆಯಿಂಜ ಇಳಿಂಜಿತ್ ಬಂದತೇಂಗಿ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ. ಯೇಸುರ ಕೂಡೆ ಶಿಲುಬೇಕ್ ಇಟ್ಟ ದಂಡ್ ಕಳ್ಳಂಗಳು ಯೇಸುನ ಅದೇ ಪ್ರಕಾರ ನಿಂದನೆ ಮಾಡ್‍ಚಿ.

ಮಾರ್ಕ 8:34

ಯೇಸು ಅಲ್ಲಿ ಉಳ್ಳ ಜನಳ ಪಿಂಞ ಅಂವೊಂಡ ಶಿಷ್ಯಂಗಳ ಕಾಕುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:27

ದಾರ್ ಒಬ್ಬ ತಾಂಡ ಶಿಲುಬೇನ ಪೊರ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಯಿಂಗ ನಾಡ ಶಿಷ್ಯಂಗಳಾಯಿತ್‌ಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:26

ಯೇಸುನ ಕೊಲ್ಲ್‌ವಕ್ ಕಾಕಿಯಂಡ್ ಪೋಯಂಡ್ ಇಪ್ಪಕ, ಆ ಬಟ್ಟೇಲ್, ಕುರೇನೆ ಊರಿಂಜ ಅಕ್ಕ ಬಂದಂಡಿಂಜ ಸೀಮೋನ ಎಣ್ಣ್‌ವಂವೊನ ಕಂಡತ್. ಸಿಪಾಯಿಯ ಅಂವೊನ ನಿಪ್ಪ್‌ಚಿಟ್ಟಿತ್ ಒತ್ತಾಯ ಮಾಡಿತ್ ಯೇಸುರ ಶಿಲುಬೇನ ಪೊರ್‍ತಂಡ್ ಪೋಪಕ್ ಶಿಲುಬೇನ ಅಂವೊಂಡ ಮೇಲೆ ಬೆಚ್ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:33

ಅದ್ಂಗ್ ಮಂಡೆರ ಓಡ್‍ೕಂದ್ ಅರ್ಥ ಆಪ ಕಪಾಲಸ್ಥಲ ಎಣ್ಣುವ ಜಾಗಕ್ ಬಪ್ಪಕ ಯೇಸುರ ಬಲ್‌ತೆ ಬರಿಲ್ ಒರ್ ಕಳ್ಳನ, ಎಡ್‍ತೆ ಬರಿಲ್ ಒರ್ ಕಳ್ಳನ ಶಿಲುಬೇಕ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:38

ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್, ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:23

ದಾರೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ದಿನಾಲು ತಾಂಡ ಶಿಲುಬೇನ ನೇತಿಯಂಡ್ ನಾಡ ಬೆಂಬರತ್ ಬರಡ್.

ಯೋಹಾನ 19:13

ಪಿಲಾತ ಇದ್‍ನ ಕ್‍ೕಟದು, ಅಂವೊ ಯೇಸುನ ಪೊರಮೆ ಕಾಕಿಯಂಡ್ ಪೋಯಿತ್, ಅಂವೊ ನ್ಯಾಯತೀರ್ಪ್ ಕೊಡ್‍ಪಕ್ ಅಳ್‌ಪ, ಗಬ್ಬಥಾ ಎಣ್ಣಿಯಂಡ್ ಅರಾಮಿಯ ತಕ್ಕ್‌ಲ್ ಕಾಕುವ ಕಲ್ಲ್ ಇಟ್ಟಿತುಳ್ಳ ವೇದಿಕೆರ ಮೇಲೆ ಅಳ್‌ತತ್.

ಯೋಹಾನ 5:2

ಪಟ್ಟಣತ್‍ರ ಒಳ್‍ಲ್, ಕೊರಿಯಡ ಪಡಿ ಎಣ್ಣುವ ಒರ್ ಪಡಿ ಉಂಡ್. ಅದ್ಂಡ ಪಕ್ಕತ್‍ಲ್ ಅರಾಮಿಯ ತಕ್ಕ್‌ಲ್ ಬೇತ್ಸಥಾಂದ್ ಕಾಕ್‌ವಕಿಂಜ ಒರ್ ಗುಂಡಿ ಇಂಜತ್. ಅದ್ಂಡ ಸುತ್ತ್‌ಲ್ ಅಂಜ್ ಅಟ್ಟ ಇಂಜತ್.

ಅಪೊಸ್ತಲ 7:58

ಅಂವೊನ ಊರ್‌ರ ಪೊರಮೆ ಬಲ್‍ಚಂಡ್ ಪೋಯಿತ್, ಕಲ್ಲ್ ಕನ್‍ಚತ್. ಅಂವೊಂಗ್ ವಿರೋದವಾಯಿತ್ ಸಾಕ್ಷಿ ಎಣ್ಣ್‌ನಯಿಂಗ, ಅಯಿಂಗಡ ಪೊರಮೆ ಇಡ್‌ವ ಬಟ್ಟೇನೆ ಉತ್ತಿತ್, ಸೌಲ ಎಣ್ಣ್‌ವ ಒರ್ ಬಾಲೆಕಾರಂಡ ಕಾಲ್‍ರ ಪಕ್ಕ ಬೆಚ್ಚತ್.