ಯೋಹಾನ 19:11 - ಕೊಡವ ಬೈಬಲ್

¹¹ ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 19:11 ပူးပေါင်းရင်းမြစ်များ

ಮತ್ತಾಯ 26:65

ಮಹಾ ಯಾಜಕ ಇದ್‍ನ ಕ್‍ೕಟದು, ತಾಂಡ ಬಟ್ಟೇನ ಕೀತಿತ್, ಇಂವೊ ದೇವ ದೂಷಣೆ ಮಾಡ್‍ಚಿ. ಇಂಞು ಏದ್ ಸಾಕ್ಷಿ ಬೋಂಡು? ನಿಂಗೆಲ್ಲಾರು ಅಂವೊಂಡ ದೇವ ದೂಷಣೆನ ಕ್‍ೕಟಿರಲ್ಲ!

ಮತ್ತಾಯ 27:2

ಅಂವೊನ ಕೆಟ್ಟುವಂಜಿ, ಕಾಕಿಯಂಡ್ ಪೋಯಿತ್ ರೋಮ್ ರಾಜ್ಯಕ್ ಅದಿಪತಿಯಾಯಿತುಳ್ಳ ಪೊಂತ್ಯ ಪಿಲಾತಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ಮಾರ್ಕ 14:44

ಯೇಸುನ ಪುಡ್‌ಚಿತ್ ಕೊಡ್‍ಪಂವೊ: ನಾನ್ ದಾರ್‌ಕ್ ಮುತ್ತ್ ಕೊಡ್‍ಪಿ, ಅಂವೊನೇಂದ್ ಆ ಜನಡ ಗುಂಪ್‌ಕ್ ಸನ್ನೆ ಕೊಡ್‌ತಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:53

ನಾನ್ ದಿನಾಲು ದೇವಾಲಯತ್‍ಲ್ ಇಂಜಲ್ಲ, ಅಕ್ಕ ನಿಂಗ ನನ್ನ ಪುಡಿಪಕ್ ಕಯಿಂಜಿತ್‌ಲ್ಲೆ; ಆಚೇಂಗಿ, ಇರ್‌ಟ್ ಆಳಿಯಂಡುಳ್ಳಗುಂಡ್, ಇದ್ ನಿಂಗ ಕ್ರಿಯೆ ಮಾಡ್‌ವಕುಳ್ಳ ಕಾಲಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 18:13

ಅಲ್ಲಿಯಿಂಜ ಅಂವೊನ, ಅನ್ನಾ ಎಣ್ಣ್‌ವಂವೊಂಡ ಪಕ್ಕ ಕಾಕಿಯಂಡ್ ಪೋಚಿ. ಇಂವೊ ಆ ಕಾಲತ್‍ರ ಮಹಾ ಯಾಜಕನಾಯಿತ್ಂಜ ಕಾಯಫನಂಡ ಮಾಂವನಾಯಿತ್ಂಜತ್.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಯೋಹಾನ 19:10

ನೀನ್ ನಾಕ್ ಉತ್ತರ ತಪ್ಪ್‌ಲೆಯಾ? ನಿನ್ನ ನಾನ್ ಬುಡುಗಡೆ ಮಾಡ್‌ವಕು, ನಿನ್ನ ಶಿಲುಬೇಕ್ ಇಡ್‌ವಕು ನಾಕ್ ಅದಿಕಾರ ಉಂಡ್‍ೕಂದ್ ನೀಕ್ ಗೊತ್ತ್‌ಲ್ಲೆಯಾಂದ್ ಪಿಲಾತ ಯೇಸುನ ಕ್‍ೕಟತ್.

ಯೋಹಾನ 3:27

ಅದ್ಂಗ್ ಯೋಹಾನ: ದೇವ, ಒಬ್ಬಂಗ್ ಪರಲೋಕತ್ಂಜ ಏದ್‍ನ ಅನುಗ್ರಹ ಮಾಡಿತುಂಡೋ ಅದ್‍ನ ಮಾತ್ರ ಪಡೆಯುವಕ್ ಕಯ್ಯು.

ಯೋಹಾನ 7:30

ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.

ಯೋಹಾನ 9:41

ಯೇಸು ಅಯಿಂಗಕ್: ನಿಂಗ ಕುರ್‌ಡಂಗಳಾಯಿತ್ ಇಂಜತೇಂಗಿ ನಿಂಗಡಲ್ಲಿ ಪಾಪ ಇಪ್ಪುಲೆ; ಆಚೇಂಗಿ, ನಿಂಗಕ್ ಕಣ್ಣ್ ಕಾಂಬಾಂದ್ ನಿಂಗ ಎಣ್ಣಿಯಂಡುಳ್ಳಗುಂಡ್, ನಿಂಗಡ ಪಾಪ ಎಕ್ಕಾಲು ಇಪ್ಪ.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.

ಅಪೊಸ್ತಲ 4:28

ನೀಡ ಅದಿಕಾರತ್ಂಜ, ನೀಡ ಚಿತ್ತತ್‍ರನೆಕೆ ನೀನ್ ತೀರ್ಮಾನ ಮಾಡ್‍ನನೆಕೆ ಅಯಿಂಗ ಇದ್‍ನೆಲ್ಲ ಮಾಡ್‍ಚಿ.

ರೋಮ್ 11:36

ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

ರೋಮ್ 13:1

ಎಲ್ಲಾರು ತಾಂಡ ಮೇಲೆ ಅದಿಕಾರತ್‍ಲ್ ಉಳ್ಳಯಿಂಗಕ್ ತಗ್ಗಿತ್ ನಡ್‌ಕಂಡು. ಎನ್ನಂಗೆಣ್ಣ್‌ಚೇಂಗಿ, ದೇವ ನೇಮಿಚಿಡತೆ, ಏದ್ ಅದಿಕಾರವು ಇಲ್ಲೆ. ನಂಗ ಕಾಂಬ ಎಲ್ಲಾ ಅದಿಕಾರವು ದೇವ ನೇಮಿಚತ್.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

ಯಾಕೋಬ 4:17

ಅನ್ನನೆ ಆಚೇಂಗಿ, ಒಬ್ಬಂಗ್ ನಲ್ಲದ್ ಮಾಡ್‌ವಕ್ ಗೊತ್ತ್ಂಜತೇಂಗಿಯು ಅಂವೊ ಮಾಡತೆ ಪೋಚೇಂಗಿ, ಅದ್ ಅಂವೊ ಪಾಪ ಮಾಡ್‍ನನೆಕೆ.