ಯೋಹಾನ 18:5 - ಕೊಡವ ಬೈಬಲ್

⁵ ಅಯಿಂಗ ಅಂವೊಂಗ್: ನಂಗ ನಜರೇತ್‍ರ ಯೇಸುನ ತ್‍ೕಡಿಯಂಡುಂಡ್‍ೕಂದ್ ಎಣ್ಣ್‌ಚಿ. ಅಕ್ಕ: ನಾನೇ ಅಂವೋಂದ್ ಯೇಸು ಅಯಿಂಗಕ್ ಎಣ್ಣ್‌ಚಿ. ಯೇಸುನ ಪುಡ್‌ಚಿತ್ ಕೊಡ್‍ಪ ಯೂದ ಅಯಿಂಗಡ ಕೂಡೆ ಅಲ್ಲಿ ನಿಂದಂಡಿಂಜತ್.

ಯೋಹಾನ 18:5 ပူးပေါင်းရင်းမြစ်များ

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಯೋಹಾನ 1:46

ಅದ್ಂಗ್ ನತಾನಯೇಲ: ನಜರೇತ್ ಊರಿಂಜ ಎಂತಾಚು ನಲ್ಲದ್ ಬಪ್ಪಕಯ್ಯುವಾಂದ್ ಕ್‍ೕಟತ್. ನೀನೇ ಬಂದಿತ್ ನೋಟ್‍ೕಂದ್ ಫಿಲಿಪ್ಪ ಅಂವೊಂಗ್ ಎಣ್ಣ್‌ಚಿ.

ಯೋಹಾನ 18:4

ಯೇಸು ಅಂವೊಂಗ್ ಎಂತೆಲ್ಲಾ ಆಪಾಂದ್ ಗೊತ್ತಾಯಿತ್, ಅಯಿಂಗಡ ಮಿಂಞಕ್ ಪೋಯಿತ್, ನಿಂಗ ದಾರ್‌ನ ನೋಟಿಯಂಡ್ ಉಳ್ಳಿರಾಂದ್ ಕ್‍ೕಟತ್.

ಯೋಹಾನ 18:6

ನಾನೇ ಯೇಸೂಂದ್ ಎಣ್ಣುವಕಾಪಕ, ಅಯಿಂಗ ಬಯ್ಯಕ್ ಕಾಲ್ ಬೆಚ್ಚಿತ್ ನೆಲಕ್ ಬುದ್ದ್ ಪೋಚಿ.

ಯೋಹಾನ 19:19

ಪಿಲಾತ ಜ್ಞಾಪನೇನ ಶಿಲುಬೇರ ಮೇಲೆ ಇಟ್ಟತ್. ಅದ್‍ಲ್ ನಜರೇತ್‍ರ ಯೇಸು ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್ಂಜತ್.