ಯೋಹಾನ 18:40 - ಕೊಡವ ಬೈಬಲ್

⁴⁰ ಅದ್ಂಗ್ ಅಯಿಂಗೆಲ್ಲಾ: ಪುನಃ ಕೂತ್ ಕೊಡ್‌ತಂಡ್ ಇಂವೊನ ಅಲ್ಲ, ಬರಬ್ಬನ ಬುಡ್‍ೕಂದ್ ಎಣ್ಣ್‌ಚಿ. ಈ ಬರಬ್ಬ ಎಣ್ಣ್‌ವಂವೊ ಒರ್ ಬಲ್ಯ ಕಳ್ಳನಾಯಿತ್ಂಜತ್.

ಯೋಹಾನ 18:40 ပူးပေါင်းရင်းမြစ်များ

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಮತ್ತಾಯ 27:16

ಆ ಸಮಯತ್‍ಲ್ ಬರಬ್ಬ ಎಣ್ಣುವ ಕ್‍ೕಳಿಪೋನ ಕೆಟ್ಟ ಕೈದಿ ಇಂಜತ್.

ಮತ್ತಾಯ 27:26

ಅಕ್ಕ ಅಂವೊ ಬರಬ್ಬನ ಅಯಿಂಗಕ್ ಬುಟ್ಟ್ ಕೊಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಕ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಮಾರ್ಕ 15:15

ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಮಾರ್ಕ 15:7

ಕಲಹ ಮಾಡಿತ್, ಆ ಕಲಹತ್‌ಲ್ ಕೊಲೆ ಮಾಡ್‍ನ ಬರಬ್ಬ ಎಣ್ಣ್‌ವಂವೊ ಆ ಸಮಯತ್‍ಲ್ ಜೈಲ್‍ಲ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:25

ಕಲಹ ಮಾಡಿತ್, ಕಲಹತ್‌ಲ್ ಒಬ್ಬನ ಕೊಲೆ ಮಾಡಿತ್ ಜೈಲ್‍ಲ್ ಇಂಜ ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಎಂತ ಮಾಡ್‌ವಕ್ ಕುಶಿ ಉಂಡೋ ಅದ್‍ನ ಮಾಡ್‌ವಕ್ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟತ್.