ಯೋಹಾನ 18:37 - ಕೊಡವ ಬೈಬಲ್

³⁷ ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 18:37 ပူးပေါင်းရင်းမြစ်များ

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಮಾರ್ಕ 14:62

ಅದ್ಂಗ್ ಯೇಸು: ಅಕ್ಕು, ನಾನ್ ಅಂವೊನೇ; ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮಾರ್ಕ 15:2

ಪಿಲಾತ ಯೇಸುನ ನೋಟಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:70

ಅಕ್ಕ: ನೀನ್ ನೇರಾಯಿತು ದೇವಡ ಮೋಂವೊನಾಂದ್ ಕ್‍ೕಟತ್; ಅದ್ಂಗ್ ಅಂವೊ: ನಿಂಗ ಎಣ್ಣ್‌ನನೆಕೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:3

ಆನಗುಂಡ್ ಪಿಲಾತ: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್. ಅಂವೊಂಗ್ ಯೇಸು: ನೀನ್ ಎಣ್ಣ್‌ನನೆಕೆ, ಅಕ್ಕೂಂದ್ ಎಣ್ಣ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 3:32

ಅಂವೊ ಎಂತದ್‍ನ ಕಂಡತೋ, ಎಂತದ್‍ನ ಕ್‍ೕಟತೋ ಅದ್ಂಡ ವಿಷಯತ್ ಸಾಕ್ಷಿ ಕೊಡ್‍ಪ. ಆಚೇಂಗಿಯು, ಅಂವೊಂಡ ಸಾಕ್ಷಿನ ದಾರೂ ಸ್ವೀಕಾರ ಮಾಡುಲೆ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ಯೋಹಾನ 8:14

ಅಯಿಂಗಕ್ ಯೇಸು ಇನ್ನನೆ ಉತ್ತರ ಕೊಡ್‍ತತ್: ನಾಡ ವಿಷಯತ್ ನಾನೇ ಸಾಕ್ಷಿ ಕೊಡ್‍ತ್‍ಚೇಂಗಿಯು, ನಾಡ ಸಾಕ್ಷಿ ನೇರಾನದಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ, ನಾನ್ ಎಲ್ಲಿಂಜ ಬಾತ್‍ೕಂದು, ನಾನ್ ಎಲ್ಲಿಕ್ ಪೋಪೀಂದು ನಾಕ್ ಗೊತ್ತುಂಡ್, ಆಚೇಂಗಿ ನಾನ್ ಎಲ್ಲಿಂಜ ಬಾತ್‍ೕಂದು ಎಲ್ಲಿಕ್ ಪೋಪೀಂದು ನಿಂಗಕ್ ಗೊತ್ತ್‌ಲ್ಲೆ.

ಯೋಹಾನ 8:45

ನಾನ್ ನಿಂಗಕ್ ಸತ್ಯತ್‍ನ ಎಣ್ಣಿಯಂಡುಳ್ಳಗುಂಡ್ ನಿಂಗ ನನ್ನ ನಂಬುಲೆ.

ಯೋಹಾನ 8:46

ನಾಡಲ್ಲಿ ಪಾಪ ಉಂಡ್‍ೕಂದ್ ನಿಂಗಡಲ್ಲಿ ದಾರ್ ನನ್ನ ಕುತ್ತ ಪರಿಯುವಕ್ ಕಯ್ಯು? ನಾನ್ ಸತ್ಯ ಎಣ್ಣ್‌ವಕ, ನಿಂಗ ಎನ್ನಂಗ್ ನನ್ನ ನಂಬುಲೆ?

ಯೋಹಾನ 8:47

ದೇವಡಗುಂಡ್ ಪುಟ್ಟ್‌ನಯಿಂಗ ದೇವಡ ತಕ್ಕ್ ಕ್‍ೕಪ; ನಿಂಗ ದೇವಡಗುಂಡ್ ಪುಟ್ಟತಗುಂಡ್ ನಾಡ ತಕ್ಕ್‌ಕ್ ಕೆಮಿ ಕೊಡ್‍ಪ್‍ಲೇಂದ್ ಯೇಸು ಎಣ್ಣ್‌ಚಿ.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಯೋಹಾನ 2:21

ಆನಗುಂಡ್, ನಿಂಗಕ್ ಸತ್ಯ ಎಂತ್‍ೕಂದ್ ಗೊತ್ತ್‌ಲ್ಲೇಂದ್ ಅಲ್ಲ, ಆಚೇಂಗಿ ನಿಂಗಕ್ ಸತ್ಯ ಗೊತ್ತುಳ್ಳಗುಂಡು, ಏದ್ ಪೊಟ್ಟೂ ಸತ್ಯತ್ಂಜ ಪುಟ್ಟ್‌ನದ್ ಅಲ್ಲಾಂದ್ ಗೊತ್ತುಳ್ಳಗುಂಡ್ ನಾನ್ ಒಳ್‍ದ್‍ವಿ.

1 ಯೋಹಾನ 3:14

ನಂಗಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‌ವಗೊಂಡ್, ನಂಗ ಮರಣತ್ಂಜ ತಪ್ಪಿ ಪೋಯಿತ್ ನಿತ್ಯ ಜೀವಕ್ ಕೂಡಿತುಂಡ್‍ೕಂದ್ ಗೊತ್ತುಂಡ್. ದಾರ್ ಪ್ರೀತಿ ಮಾಡುಲೆ ಅಂವೊ ಮರಣತ್‌ರ ಅದಿಕಾರತ್‌ಲ್ಲೇ ಉಂಡ್.

1 ಯೋಹಾನ 3:19

ಇನ್ನನೆ ನಂಗ ಸತ್ಯಕ್ ಕೂಡ್‍ನಯಿಂಗಾಂದ್ ಗೊತ್ತಾಯಿತ್, ನಂಗ ದೇವಡ ಪ್ರಸನ್ನತ್‌ಲ್ ದೈರ್ಯತ್‍ಲ್ ಇಪ್ಪಕಯ್ಯು.

1 ಯೋಹಾನ 4:6

ಆಚೇಂಗಿ ನಂಗ ದೇವಡ ಪಕ್ಕ ಕೂಡ್‍ನಯಿಂಗ. ದೇವನ ಗೊತ್ತುಳ್ಳಯಿಂಗ, ನಂಗ ಪರಿಯುವ ತಕ್ಕ್‌ನ ಕ್‍ೕಪ. ದೇವಡ ಪಕ್ಕ ಇಲ್ಲತಯಿಂಗ ನಂಗಡ ತಕ್ಕ್‌ನ ಕ್‍ೕಪುಲೆ. ಆನಗುಂಡ್, ಸತ್ಯ ಪರಿಯುವ ಆತ್ಮ ಏದ್‍ೕಂದ್, ಪೊಟ್ಟ್ ಪರಿಯುವ ಆತ್ಮ ಏದ್‍ೕಂದ್ ನಂಗಕ್ ಗೊತ್ತಾಪ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.