ಯೋಹಾನ 18:35 - ಕೊಡವ ಬೈಬಲ್

³⁵ ಪಿಲಾತ ಯೇಸುಕ್: ನಾನ್ ದಾರ್‍ೕಂದ್ ಗೇನ ಮಾಡ್‌ವಿಯಾ? ನಾನ್ ಯೆಹೂದ್ಯನಾ? ನೀಡ ಸ್ವಂತ ಜನ, ಮುಕ್ಯ ಯಾಜಕಂಗ ನ್ಯಾಯ ಕ್‍ಟ್ಟುವಕಾಯಿತ್ ನಿನ್ನ ನಾಡ ಪಕ್ಕ ಒಪ್ಪ್‌ಚಿಟ್ಟತ್. ನೀನ್ ಎಂತ ಮಾಡಿತುಳ್ಳಿಯಾಂದ್ ಕ್‍ೕಟತ್.

ಯೋಹಾನ 18:35 ပူးပေါင်းရင်းမြစ်များ

ಯೋಹಾನ 18:28

ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಯೋಹಾನ 18:34

ಯೇಸು ಪಿಲಾತಂಗ್: ನೀನಾಯಿತೇ ಈ ತಕ್ಕ್‌ನ ಎಣ್ಣಿಯಂಡ್ ಉಳ್ಳಿಯಾ? ಅಥವ, ನಾಡ ವಿಷಯತ್‍ನ ಬೋರೆ ಜನ ನೀಕ್ ಇನ್ನನೆ ಎಣ್ಣ್‌ಚಾಂದ್ ಕ್‍ೕಟತ್.

ಯೋಹಾನ 18:36

ಯೇಸು ಅಂವೊಂಗ್: ನಾಡ ರಾಜ್ಯ ಈ ಲೋಕತ್‍ರದಲ್ಲ, ನಾಡ ರಾಜ್ಯ ಈ ಲೋಕತ್‍ರದಾಯಿತ್ ಇಂಜತೇಂಗಿ, ನಾಡ ಶಿಷ್ಯಂಗ ನನ್ನ ಯೆಹೂದ್ಯ ಅದಿಕಾರಿಯಂಗಕ್ ಪುಡ್‍ಚಿ ಕೊಡ್‍ಕತನೆಕೆ ತಡ್‍ಪಕ್ ಇಂಜತ್; ಆನಗುಂಡ್ ನಾಡ ರಾಜ್ಯ ಈ ಲೋಕತ್‍ರದಲ್ಲಾಂದ್ ಎಣ್ಣ್‌ಚಿ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 19:6

ಮುಕ್ಯ ಯಾಜಕಂಗ ಪಿಂಞ ಅದಿಕಾರಿಯಂಗ ಯೇಸುನ ಕಾಂಬಕ, ಇಂವೊನ ಶಿಲುಬೇಕ್ ಇಡಿ, ಇಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್. ಅಕ್ಕ ಪಿಲಾತ: ನಿಂಗಳೇ ಇಂವೊನ ಕೊಂಡ್ ಪೋಯಿತ್ ನಿಂಗಳೇ ಶಿಲುಬೇಕ್ ಇಡಿ, ನಾಕ್ ಅಂವೊಂಡ ಮೇಲೆ ಒರ್ ತಪ್ಪು ಕಾಂಬಕ್ ಕಯಿಂಜಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 21:38

ಚೆನ್ನ ದಿವಸತ್‍ರ ಮಿಂಞ ಸರ್ಕಾರಕ್ ವಿರೋದವಾಯಿತ್ ಗಲಾಟೆ ಮಾಡಿತ್ ಮುಕ್ಯಪಟ್ಟಯಿಂಗಳ ಕೊಲ್ಲ್‌ವಂತ ನಾಲಾಯಿರ ಉಗ್ರವಾದಿಯಳ ಮಣಬೂಮಿಕ್ ಕಾಕಿಯಂಡ್ ಪೋನ ಐಗುಪ್ತ ದೇಶತ್‍ರ ಮನುಷ್ಯ ನೀನ್ ತಾನೇಂದ್ ಕ್‍ೕಟತ್.

ಅಪೊಸ್ತಲ 23:29

ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.