ಯೋಹಾನ 18:33 - ಕೊಡವ ಬೈಬಲ್

³³ ಅಕ್ಕ ಪಿಲಾತ ಪುನಃ ಅರಮನೆರ ಒಳ್‍ಕ್ ಪೋಪಂಜಿ, ಯೇಸುನ ಕಾಕಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್.

ಯೋಹಾನ 18:33 ပူးပေါင်းရင်းမြစ်များ

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 27:27

ಅಕ್ಕ ಅದಿಪತಿರ ಸಿಪಾಯಿಯಂಗ ಯೇಸುನ ಅಂವೊಂಡ ಅರಮನೆಕ್ ಕಾಕಿಯಂಡ್ ಪೋಯಿತ್, ಬೋರೆ ಎಲ್ಲಾ ಸಿಪಾಯಿಯಳ ಅಂವೊಂಡ ಪಕ್ಕ ಕೂಟ್‌ಚಿ.

ಮಾರ್ಕ 15:2

ಪಿಲಾತ ಯೇಸುನ ನೋಟಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:2

ಅಲ್ಲಿ ಯೇಸುರ ಮೇಲೆ ಕುತ್ತಪರಿವಕ್ ಸುರು ಮಾಡ್‍ಚಿ. ಇಂವೊ, ಕೈಸರಂಗ್ ಕಂದಾಯ ಕೊಡ್‌ಕತಿ, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಣ್ಣುವ ಯೆಹೂದ್ಯಂಗಡ ರಾಜಾಂದ್ ಎಣ್ಣಿತ್, ಜನಡ ಮನಸ್ಸ್‌ನ ಕಲಹ ಮಾಡಂಡೂಂದ್ ಪಾಳ್ ಮಾಡಿಯಂಡ್ ಇಂಜದ್‍ನ ನಂಗ ಕಂಡತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ಯೋಹಾನ 12:15

ಓ ಚೀಯೋನ್‍ರ ಮಕ್ಕಳೇ, ಬೊತ್ತತೆ, ನೋಟಿ, ನೀಡ ರಾಜ ಬಂದಂಡುಂಡ್, ನೀಡ ರಾಜ ಕತ್ತೆ ಕುಟ್ಟಿರ ಮೇಲೆ ಅಳ್‌ತಂಡ್ ಬಂದಂಡುಂಡ್‍ೕಂದ್ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ ಎಲ್ಲಾ ಆಚಿ.

ಯೋಹಾನ 18:34

ಯೇಸು ಪಿಲಾತಂಗ್: ನೀನಾಯಿತೇ ಈ ತಕ್ಕ್‌ನ ಎಣ್ಣಿಯಂಡ್ ಉಳ್ಳಿಯಾ? ಅಥವ, ನಾಡ ವಿಷಯತ್‍ನ ಬೋರೆ ಜನ ನೀಕ್ ಇನ್ನನೆ ಎಣ್ಣ್‌ಚಾಂದ್ ಕ್‍ೕಟತ್.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 18:38

ಅಕ್ಕ ಪಿಲಾತ ಯೇಸುನ ನೋಟಿತ್: ಅನ್ನನಾಚೇಂಗಿ ಸತ್ಯ ಎಣ್ಣುವದ್ ಎಂತ್‍ೕಂದ್ ಕ್‍ೕಟತ್. ಇನ್ನನೆ ಎಣ್ಣಿತಾನ ಪಿಂಞ ಪಿಲಾತ, ಪೊರಮೆ ನಿಂದಂಡಿಂಜ ಯೆಹೂದ್ಯ ಅದಿಕಾರಿಯಂಗಡ ಪಕ್ಕ ಬಂದಿತ್: ನಾನ್ ಅಂವೊಂಡ ಪಕ್ಕ ಒರ್ ತಪ್ಪು ಕಾಂಬ್‌ಲೇಂದ್‌ ಎಣ್ಣ್‌ಚಿ.

ಯೋಹಾನ 19:12

ಈ ತಕ್ಕ್‌ನ ಕ್‍ೕಟ ಪಿಂಞ, ಪಿಲಾತ ಯೇಸುನ ಎನ್ನನಾಚೇಂಗಿಯು ಬುಡುಗಡೆ ಮಾಡ್‌ವಕ್ ಬಟ್ಟೆ ನೋಟಿಯಂಡ್ ಇಂಜತ್. ಆಚೇಂಗಿ ಯೆಹೂದ್ಯ ಜನಡ ಗುಂಪ್, ನೀನ್ ಅಂವೊನ ಬುಟ್ಟ್‌ರ್‍ತೇಂಗಿ ನೀನ್ ಕೈಸರಂಗ್ ವಿರೋದವಾಯಿತ್ ಮಾಡ್‌ವಿಯ. ದಾರ್ ಒಬ್ಬ ಅಂವೊನ ರಾಜಾಂದ್ ಎಣ್ಣಿಯಂಡ್ ಉಂಡೋ, ಅಂವೊ ಕೈಸರಂಗ್ ವಿರೋದಿ ಆಯಿತಿಪ್ಪಾಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 19:3

ಈಂಗೆಲ್ಲಾ ಯೇಸುರ ಪಕ್ಕ ಪುನಃ ಪುನಃ ಬಂದಿತ್ ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್ ಎಣ್ಣಿಯಂಡ್ ಅಂವೊಂಡ ದವಡೆಕ್ ಪೊಜ್ಜತ್.

ಯೋಹಾನ 19:4

ಪಿಲಾತ ಪುನಃ ಪೊರಮೆ ಜನಡ ಪಕ್ಕ ಬಂದಿತ್, ನೋಟಿ, ಇಂವೊಂಡ ಮೇಲೆ ಒರ್ ತಪ್ಪು ನಾನ್ ಕಂಡಂಡಿಲ್ಲೆ. ಇಂವೊನ ಇಕ್ಕ ಪೊರಮೆ ಕಾಕಿಯಂಡ್ ಬಪ್ಪೀಂದ್ ಎಣ್ಣ್‌ಚಿ.

ಯೋಹಾನ 19:9

ಅಂವೊ ಪುನಃ ಅರಮನೆರ ಒಳ್‍ಕ್ ಪೋಪಂಜಿ, ನೀನ್ ಎಲ್ಲಿಂಜ ಬಾತ್‍ೕಂದ್ ಯೇಸುನ ಕ್‍ೕಟತ್? ಯೇಸು ಅಂವೊಂಡ ಪ್ರಶ್ನೆಕ್ ಉತ್ತರ ಕೊಡ್‍ಕತೆ ಇಂಜತ್.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ: