ಯೋಹಾನ 18:32 - ಕೊಡವ ಬೈಬಲ್

³² ನಾಕ್ ಏದ್ ತರತ್‍ರ ಚಾವ್ ಕ್‍ಟ್ಟ್‌ವಾಂದ್ ಯೇಸು ಮಿಂಞಲೇ ಎಣ್ಣಿತ್ಂಜ ತಕ್ಕ್ ನೆರವೇರುವನೆಕೆ, ಅಯಿಂಗ ಇನ್ನನೆ ಎಣ್ಣ್‌ಚಿ.

ಯೋಹಾನ 18:32 ပူးပေါင်းရင်းမြစ်များ

ಮತ್ತಾಯ 20:19

ಅಯಿಂಗ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವ. ಅಯಿಂಗ ಅಂವೊನ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಪಿಂಞ ಶಿಲುಬೇಕ್ ಇಡ್‌ವಕಾಯಿತ್ ಯೆಹೂದ್ಯಂಗಲ್ಲತಯಿಂಗಡ ಕೈಯಿಕ್ ಒಪ್ಪ್‌ಚಿಡ್‌ವ. ಆಚೇಂಗಿ ಮೂಂದನೆ ದಿನ ಚಾವ್‍ಯಿಂಜ ಜೀವವಾಯಿತ್ ಅಂವೊ ಏವಾಂದ್ ಎಣ್ಣ್‌ಚಿ.

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮಾರ್ಕ 10:33

ನೋಟಿ, ಇಕ್ಕ ನಂಗ ಯೆರೂಸಲೇಮ್‌ಕ್ ಪೋಯಂಡುಂಡ್. ಅಲ್ಲಿ ಮನುಷ್ಯಕುಮಾರನ ಮುಕ್ಯ ಯಾಜಕಂಗಡ ಕೈಯಿಕೂ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಕೈಯಿಕೂ ಪುಡ್‌ಚಿತ್ ಕೊಡ್‍ಪ. ಅಯಿಂಗ ಅಂವೊನ ಕೊಲ್ಲ್‌ವಕ್ ಕಂಡನೆ ಮಾಡಿತ್ ಪರದೇಶಿಯಂಗಡ ಕೈಕ್ ಒಪ್ಪ್‌ಚಿಡುವ,

ಯೋಹಾನ 10:31

ಜನ ಎಲ್ಲಾ ಇದ್‍ನ ಕ್‍ೕಪಕ: ಪುನಃ ಕಲ್ಲ್ ಕನಿಪಕ್ ನೋಟ್‌ಚಿ.

ಯೋಹಾನ 10:33

ಅಂವೊಂಗ್ ಯೆಹೂದ್ಯಂಗ: ನೀನ್ ಮಾಡ್‍ನ ನಲ್ಲ ಕಾರ್ಯತ್‍ನ ಕಂಡಿತ್ ನಂಗ ನೀಕ್ ಕಲ್ಲ್ ಕನಿಪಕ್ ನೋಟಿಯಂಡ್ ಇಲ್ಲೆ, ನೀನ್ ಮನುಷ್ಯನಾಯಿತ್ ಉಳ್ಳಿಯ, ಆಚೇಂಗಿ ನೀನ್ ನಿನ್ನ ದೇವಾಂದ್ ಎಣ್ಣಿಯಂಡ್ ಮಾಡಿಯಂಡ್ ಉಳ್ಳಿಯ. ಇನ್ನನೆ ದೇವ ದೂಷಣೆ ಪರ್ಂದಂಡ್ ಉಳ್ಳಗುಂಡ್ ನೀಡ ಮೇಲೆ ಕಲ್ಲ್ ಕನಿಪಕ್ ನೋಟಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 18:31

ಅಕ್ಕ ಪಿಲಾತ ಅಯಿಂಗಕ್: ನಿಂಗಳೇ ಇಂವೊನ ಕಾಕಿಯಂಡ್ ಪೋಯಿರಿ. ನಿಂಗಡ ನ್ಯಾಪ್ರಮಾಣತ್‍ರನೆಕೆ ತೀರ್ಪ್ ಮಾಡೀಂದ್ ಎಣ್ಣ್‌ಚಿ. ಅದ್ಂಗ್ ಯೆಹೂದ್ಯ ಅದಿಕಾರಿಯಂಗ ಪಿಲಾತನ ನೋಟಿತ್: ದಾರ್‌ಕು ಮರಣ ತಂಡನೆ ಕೊಡ್‍ಪಕ್ ನಂಗಕ್ ಅದಿಕಾರ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 21:19

ಪೇತ್ರ ಏದ್ ತರತ್‍ಲ್ ಚಾವಾ, ಎನ್ನನೆ ದೇವಡ ಪೆದತ್‍ನ ಮಹಿಮೆ ಪಡ್‌ತ್‌ವಾಂದ್ ಗೊತ್ತಾಪಕಾಯಿತ್ ಯೇಸು ಇನ್ನನೆ ಎಣ್ಣ್‌ಚಿ. ಪಿಂಞ ಅಂವೊನ ನೋಟಿತ್: ನಾಡ ಬಯ್ಯಕ್ ಬಾಂದ್ ಹುಕುಮ್ ಕೊಡ್‍ತತ್.

ಯೋಹಾನ 3:14

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಯೋಹಾನ 8:28

ಆನಗುಂಡ್, ಯೇಸು ಪುನಃ ಅಯಿಂಗಕ್: ನಿಂಗ ಮನುಷ್ಯಕುಮಾರನ ಕೊಡಿಕ್ ನೇತ್‍ವಕ, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪ. ನಾನ್ ನಾಡ ಇಷ್ಟ ಪ್ರಕಾರ ಏದು ಮಾಡತೆ, ನಾಡ ಅಪ್ಪನಾನ ದೇವ ನಾಕ್ ಎಂತದ್‍ನ ಬೋದನೆ ಮಾಡ್‍ಚೋ ಅದ್‍ನೇ ನಾನ್ ಎಣ್ಣಿಯೇಂದ್ ಅಕ್ಕ ನಿಂಗಕ್ ಗೊತ್ತಾಪ.

ಅಪೊಸ್ತಲ 7:59

ಅಯಿಂಗ ಸ್ತೆಫನಂಡ ಮೇಲೆ ಕಲ್ಲ್ ಕನ್‍ಚಂಡಿಪ್ಪಕ, ಅಂವೊ: ಒಡೆಯನಾನ ಯೇಸು ಕ್ರಿಸ್ತನೇ, ನಾಡ ಆತ್ಮತ್‌ನ ಸ್ವೀಕಾರ ಮಾಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.