ಯೋಹಾನ 18:28 - ಕೊಡವ ಬೈಬಲ್

²⁸ ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಯೋಹಾನ 18:28 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:16

ಅಯಿಂಗಡ ಕಾಲ್‌ ಕ್‍ೕಡ್‌ ಮಾಡ್‌ವಕ್‌ ಅವಸರತ್‌ಲ್‌ ಇಪ್ಪ. ಅಯಿಂಗ ಜನಡ ಚೋರೆನ ಚೆಲ್ಲ್‌ವಕ್‌ ಅವಸರ ಪಡುವ.

ಜ್ಞಾನತ್‌ರ ಪಡಿಮ 4:16

ಎನ್ನಂಗೆಣ್ಣ್‌ಚೇಂಗಿ, ಕ್‍ೕಡ್‌ ಮಾಡ್‌ವಯಿಂಗಕ್‌ ಕ್‍ೕಡ್‌ ಮಾಡತೆ ವರ್‌ಕ್‌ ಬಪ್ಪುಲೆ; ದಾರ್‌ನಾಚೇಂಗಿ ಬೂವಕ್‌ ಮಾಡ್‌ವಕತ್ತನೆ ಅಯಿಂಗಕ್‌ ಆರಾಮ್‌ಲ್‌ ವರ್ವಕ್‌ ಕಯ್ಯುಲೆ.

ಮತ್ತಾಯ 27:27

ಅಕ್ಕ ಅದಿಪತಿರ ಸಿಪಾಯಿಯಂಗ ಯೇಸುನ ಅಂವೊಂಡ ಅರಮನೆಕ್ ಕಾಕಿಯಂಡ್ ಪೋಯಿತ್, ಬೋರೆ ಎಲ್ಲಾ ಸಿಪಾಯಿಯಳ ಅಂವೊಂಡ ಪಕ್ಕ ಕೂಟ್‌ಚಿ.

ಮಾರ್ಕ 15:16

ಚೆನ್ನ ಪಡೆಯಾಳಿಯಂಗ ದೇಶಾದಿಪತಿ ಅರಮನೆರ ಒಳ್‍ಕ್ ಯೇಸುನ ಕಾಕಿಯಂಡ್ ಪೋಯಿತ್, ಇಂಞು ಉಳ್ಳ ಪಡೆಯಾಳಿಯಂಗ ಕೂಟತ್‌ನ ಕಾಕ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:66

ಪೊಲಾಕ ಆಪಕ ಯೆಹೂದ್ಯಂಗಡ ಪೆರಿಯಯಿಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಮುಕ್ಯ ಯಾಜಕಂಗಳು ಒಕ್ಕಚೆ ಕೂಡಿತ್ ಯೇಸುನ ಅಯಿಂಗಡ ಆಲೋಚನೆ ಸಬೇಕ್ ಕಾಕಿಯಂಡ್ ಪೋಯಿತ್ ನಿಪ್ಪ್‌ಚಿಟ್ಟಿತ್:

ಯೋಹಾನ 11:55

ಪಿಂಞ, ಯೆಹೂದ್ಯಂಗಡ ಪಸ್ಕ ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್.

ಯೋಹಾನ 18:13

ಅಲ್ಲಿಯಿಂಜ ಅಂವೊನ, ಅನ್ನಾ ಎಣ್ಣ್‌ವಂವೊಂಡ ಪಕ್ಕ ಕಾಕಿಯಂಡ್ ಪೋಚಿ. ಇಂವೊ ಆ ಕಾಲತ್‍ರ ಮಹಾ ಯಾಜಕನಾಯಿತ್ಂಜ ಕಾಯಫನಂಡ ಮಾಂವನಾಯಿತ್ಂಜತ್.

ಯೋಹಾನ 18:15

ಸೀಮೋನ ಪೇತ್ರ ಪಿಂಞ ಬೋರೆ ಒರ್ ಶಿಷ್ಯ, ಯೇಸುರ ಬಯ್ಯಕ್ ಪೋಚಿ. ಆ ಶಿಷ್ಯ ಮಹಾ ಯಾಜಕಂಗ್ ಗೊತ್ತುಳ್ಳಾಂಗ್, ಯೇಸುರ ಕೂಡೆ ಅರಮನೆರ ಒಳ್‍ಕ್ ಪೋಚಿ.

ಯೋಹಾನ 18:33

ಅಕ್ಕ ಪಿಲಾತ ಪುನಃ ಅರಮನೆರ ಒಳ್‍ಕ್ ಪೋಪಂಜಿ, ಯೇಸುನ ಕಾಕಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್.

ಯೋಹಾನ 18:39

ಪಿಲಾತ ಪುನಃ ಅಯಿಂಗಳ ನೋಟಿತ್: ಆಚೇಂಗಿ, ಪಸ್ಕ ನಮ್ಮೆರ ಸಮಯತ್‍ಲ್, ನಾನ್ ಒರ್ ಕೈದಿನ ನಿಂಗಕಾಯಿತ್ ಬುಡುಗಡೆ ಮಾಡ್‌ವ ಪದ್ದತಿ ಉಂಡಲ್ಲಾ? ಆನಗುಂಡ್ ಯೆಹೂದ್ಯಂಗಡ ರಾಜನ ನಾನ್ ನಿಂಗಕಾಯಿತ್ ಬುಡುಗಡೆ ಮಾಡ್‌ವಕ್ ನಿಂಗಕ್ ಕುಶಿಯುಂಡಾಂದ್ ಕ್‍ೕಟತ್.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 19:14

ಅಕ್ಕ ಮಜ್ಜಣತ್‍ರ ನೇರ ಆಯಿತ್ಂಜತ್. ಆ ದಿವಸ ಪಸ್ಕ ನಮ್ಮೆಕ್ ತಯಾರಾಪ ನಾಳಾಯಿತ್ಂಜತ್. ಇಲ್ಲಿ ನೋಟಿ, ನಿಂಗಡ ರಾಜಾಂದ್ ಪಿಲಾತ ಯೆಹೂದ್ಯಂಗಕ್ ಎಣ್ಣ್‌ಚಿ.

ಯೋಹಾನ 19:9

ಅಂವೊ ಪುನಃ ಅರಮನೆರ ಒಳ್‍ಕ್ ಪೋಪಂಜಿ, ನೀನ್ ಎಲ್ಲಿಂಜ ಬಾತ್‍ೕಂದ್ ಯೇಸುನ ಕ್‍ೕಟತ್? ಯೇಸು ಅಂವೊಂಡ ಪ್ರಶ್ನೆಕ್ ಉತ್ತರ ಕೊಡ್‍ಕತೆ ಇಂಜತ್.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:32

ಇಕ್ಕ ನೀನ್ ಜನಳ ಯೊಪ್ಪ ಪಟ್ಟಣಕ್ ಅಯಿಚಿತ್ ಪೇತ್ರ ಎಣ್ಣುವ ಸೀಮೋನನ ಕಾಕ್‍ಚಿಡ್. ಅಂವೊ ಸಮುದ್ರತ್‍ರ ಪಕ್ಕತ್‍ಲ್ ಚರ್ಮಕಾರನಾನ ಸೀಮೋನಂಡ ಮನೆಲ್ ಉಂಡ್; ಅಂವೊ ಬಂತ್ ನೀಡ ಕೂಡೆ ತಕ್ಕ್ ಪರಿವಾಂದ್ ಎಣ್ಣ್‌ಚಿ.

ಅಪೊಸ್ತಲ 11:3

ನೀನ್ ಸುನ್ನತಿ ಮಾಡತಯಿಂಗಡ ಪಕ್ಕ ಪೋಯಿತ್, ಅಯಿಂಗಡ ಕೂಡೆ ಉಂಡಿಯಲ್ಲಾಂದ್ ವಾದ ಮಾಡ್‍ಚಿ.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.