ಯೋಹಾನ 18:18 - ಕೊಡವ ಬೈಬಲ್

¹⁸ ಅಕ್ಕ ಕುಳ್‌ರ್ ಕಾಲವಾಯಿತ್ಂಜತ್. ಮಸಿಕಂಡೆಲ್ ತಿತ್ತ್‌ರ ಗುಡ್ಡೆ ಮಾಡಿತ್ ಅದಿಕಾರಿಯಂಗಡ ಆಳ್‍ವ ತಿತ್ತ್ ಗುಡ್ಡೆರ ಸುತ್ತ್‌ಲ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್. ಪೇತ್ರನು ಅಲ್ಲಿ ಪೋಯಿತ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್.

ಯೋಹಾನ 18:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:6

ನಾಡ ಆತ್ಮವೇ, ಈಂಗಡ ಕೆಟ್ಟ ಆಲೋಚೆನೆಕ್‌ ಒಳಪಡತೆ . ನಾಡ ಹೃದಯವೇ ಅಯಿಂಗಡ ಕೂಟ್‌ಕ್‌ ಕೂಡತೆ. ಈಂಗ, ಚೆಡಿಲ್‌ ಮನುಷ್ಯಂಗಳ ಕೊಂದಿತ್, ಬರೀ ಕಳಿಕಾಯಿತ್‌ ದುಂಬ ಎತ್ತ್‌ನ ಊನ ಮಾಡ್‌ಚಲ್ಲ.

ಜ್ಞಾನತ್‌ರ ಪಡಿಮ 13:20

ಜ್ಞಾನಿಯಡ ಸಹವಾಸಿ ಜ್ಞಾನವುಳ್ಳಂವೊನಾಪ; ಮೂಡಂಗಡ ಕೂಟಾಳಿ ಕಷ್ಟಪಡುವ.

ಮಾರ್ಕ 14:54

ಪೇತ್ರ ದೂರತ್‍ಲ್ ಯೇಸುರ ಬಯ್ಯಕ್ ಪೋಯಿತ್, ಮಹಾ ಯಾಜಕಂಡ ಅರಮನೆರ ಕಯ್ಯಾಲೆಕತ್ತನೆ ಬಂತ್, ಒಳ್‍ಕ್ ಪೋಯಿತ್, ಸಿಪಾಯಿಯಡ ಕೂಡೆ ಅಳ್‌ತಂಡ್, ತಿತ್ತ್ ಕಾಂಜಂಡ್ ಇಂಜತ್.

ಮಾರ್ಕ 14:67

ಅಂವೊ ತಿತ್ತ್ ಕಾಂಜಂಡ್ ಇಪ್ಪಕಾಪಕ, ಆ ಮೂಡಿ ಪೇತ್ರನ ನೇರೆ ನೋಟುವಂಜಿ ನೀನ್ ಸಹ ನಜರೇತ್‍ರ ಯೇಸುರ ಕೂಡೆ ಇಂಜಲ್ಲಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:44

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ಯೋಹಾನ 18:25

ಸೀಮೋನ ಪೇತ್ರ ತಿತ್ತ್‌ರ ಪಕ್ಕ ನಿಂದಂಡ್ ಕುಳ್‌ರ್ ಕಾಂಜಂಡಿಂಜತ್. ಅಕ್ಕ, ನೀನ್ ಸಹ ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಒಬ್ಬನಲ್ಲಾಂದ್ ಅಲ್ಲಿಯಿಂಜ ಚೆನ್ನ ಜನ ಕ್‍ೕಟತ್. ಪೇತ್ರ: ಅಯಿಂಗಕ್ ಒತ್ತತೆ, ನಾನ್ ಅಲ್ಲಾಂದ್ ಎಣ್ಣ್‌ಚಿ.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಯೋಹಾನ 21:9

ಅಯಿಂಗ ಕರೆಲ್ ಇಳಿಯುವಕ, ಮಸಿಕಂಡೆರ ತಿತ್ತ್ ಇಟ್ಟಿತುಳ್ಳದ್‍ನ, ಆಂಡ ಮೇಲೆ ಮೀನ್ ಪಿಂಞ ಒಟ್ಟಿ ಇಂಜಾನ ಕಂಡತ್.

ಅಪೊಸ್ತಲ 4:23

ಈಂಗ ಬುಡ್‍ಗಡೆ ಆನ ಪಿಂಞ, ಅಯಿಂಗಡ ಸ್ವಂತ ಜನಡ ಪಕ್ಕ ಪೋಯಿತ್, ಮುಕ್ಯ ಯಾಜಕಂಗ ಪಿಂಞ ಪೆರಿಯಯಿಂಗ ಈಂಗಕ್ ಎಣ್ಣ್‌ನದೆಲ್ಲ ಅಯಿಂಗಕ್ ಎಣ್ಣ್‌ಚಿ.

1 ಕೊರಿಂಥ 15:33

ಈ ವಿಷಯತ್‍ಲ್ ಮೋಸ ಪೋಕತಿ, ಬೋಂಡತ ಜನಡ ಕೂಟ್, ನಿಂಗಡ ನಲ್ಲ ಗುಣತ್‍ನ ಪಾಳ್ ಮಾಡಿರ್‌ವ.