ಯೋಹಾನ 18:12 - ಕೊಡವ ಬೈಬಲ್

¹² ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಯೋಹಾನ 18:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:9

ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 40:3

ಅಯಿಂಗಳ ಕೈದಿಯಂಗಳ ಕಾಪಂವೊನಾನ ಜೈಲ್‌ರ ಮುಖ್ಯಸ್ತಂಡ ಮನೇಲ್‌ ಉಳ್ಳ ಜೈಲ್‌ಕ್‌ ಇಟ್ಟತ್. ಅದೇ ಜೈಲ್‌ಲ್‌ ಯೋಸೇಫ ಸಹ ಇಂಜತ್.

ಮತ್ತಾಯ 26:57

ಯೇಸುನ ಬಂದನೆ ಮಾಡ್‍ನ ಜನ ಮಹಾ ಯಾಜಕನಾನ ಕಾಯಫಂಡ ಪಕ್ಕ ಕೂಟಿಯಂಡ್ ಪೋಚಿ. ಅಲ್ಲಿ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಪೆರಿಯಯಿಂಗಳು ಕೂಡಿತಿಂಜತ್.

ಮತ್ತಾಯ 27:2

ಅಂವೊನ ಕೆಟ್ಟುವಂಜಿ, ಕಾಕಿಯಂಡ್ ಪೋಯಿತ್ ರೋಮ್ ರಾಜ್ಯಕ್ ಅದಿಪತಿಯಾಯಿತುಳ್ಳ ಪೊಂತ್ಯ ಪಿಲಾತಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮತ್ತಾಯ 27:27

ಅಕ್ಕ ಅದಿಪತಿರ ಸಿಪಾಯಿಯಂಗ ಯೇಸುನ ಅಂವೊಂಡ ಅರಮನೆಕ್ ಕಾಕಿಯಂಡ್ ಪೋಯಿತ್, ಬೋರೆ ಎಲ್ಲಾ ಸಿಪಾಯಿಯಳ ಅಂವೊಂಡ ಪಕ್ಕ ಕೂಟ್‌ಚಿ.

ಮಾರ್ಕ 14:53

ಯೇಸುನ ಅಯಿಂಗ ಮಹಾ ಯಾಜಕಂಡ ಪಕ್ಕ ಕೊಂಡ್ ಪೋಚಿ. ಅಲ್ಲಿ ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಪೆರಿಯಯಿಂಗ ಎಲ್ಲಾರು ಕೂಡಿಯಾಡಿತ್ಂಜತ್.

ಮಾರ್ಕ 15:1

ಪೊಲಾಕ ನೇರತೆ ಅವಸರ ಅವಸರತ್‌ಲ್ ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪೆರಿಯಯಿಂಗಳು ಕೂಟ್ ಕೂಡ್‍ಚಿ. ಅಲ್ಲಿಯತ್‍ರ ಯೆಹೂದ್ಯಂಗಡ ಆಲೋಚನೆ ಸಬೇಕಾರ ಕೂಡಿಯಂಡ್ ಯೇಸುನ ಎಂತ ಮಾಡಂಡು ಎಣ್ಣಿಯಂಡ್ ಯೋಚನೆ ಮಾಡಿಯಂಡ್, ಯೇಸುನ ಸರ್ಪಣಿಲ್ ಕೆಟ್ಟಿತ್, ಪೊರಮೆ ಕಾಕುವಂಜಿ ಪಿಲಾತ ರಾಜಂಡ ಪಕ್ಕ ಒಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:54

ಅಯಿಂಗ ಯೇಸುನ ಪುಡ್‍ಚಂಡ್ ಮಹಾ ಯಾಜಕಂಡ ಮನೆಕ್ ಕೊಂಡ್ ಪೋಚಿ. ಪೇತ್ರ ದೂರತ್‍ಲ್ ಅಯಿಂಗಡ ಬಯ್ಯತ್ ಪೋಚಿ.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಅಪೊಸ್ತಲ 10:1

ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 21:31

ಅಯಿಂಗ ಅಂವೊನ ಕೊಲ್ಲ್‌ವಕ್ ಪ್ರಯತ್ನಪಡ್‍ವಕ, ಯೆರೂಸಲೇಮ್‍ಲ್ ಬಲ್ಯ ಗಲಿಬಿಲಿ ಆಯಂಡುಂಡ್‍ೕಂದ್ ರೋಮ್ ರಾಜ್ಯತ್‍ರ ಸೇನೆರ ಅದಿಪತಿಕ್ ಸುದ್ದಿ ಬಾತ್.

ಅಪೊಸ್ತಲ 21:37

ಪೌಲನ ಕೋಟೆರ ಒಳ್‍ಕ್ ಕೊಂಡ್ ಪೋಪಕ್ ಮಿಂಞ, ಅಂವೊ ಸೇನೆರ ಅದಿಪತಿನ ನೋಟಿತ್: ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯ್ಯುವಾಂದ್ ಕ್‍ೕಟತ್. ಅದ್ಂಗ್ ಅಂವೊ: ಪೌಲನ ನೋಟಿತ್ ನೀಕ್ ಗ್ರೀಕ್ ತಕ್ಕ್ ಪರಿಯುವಕ್ ಗೊತ್ತುಂಡಾ?

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.