ಯೋಹಾನ 18:1 - ಕೊಡವ ಬೈಬಲ್

¹ ಯೇಸು ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಅಂವೊಂಡ ಶಿಷ್ಯಂಗಳ ಕಾಕಿಯಂಡ್ ಕೆದ್ರೋನ್ ಎಣ್ಣುವ ಯಾರೇನ ದಾಟಿತ್ ಪೋಚಿ; ಅಲ್ಲಿ ಒರ್ ತೋಟ ಇಂಜತ್. ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅದ್ಂಡ ಒಳ್‍ಕ್ ಪೋಚಿ.

ಯೋಹಾನ 18:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:15

ಯೆಹೋವನಾನ ದೇವ ತಾನ್‌ ಸೃಷ್ಟಿ ಮಾಡ್‌ನ ಮನುಷ್ಯನ ಕಾಕಿಯಂಡ್‌ ಪೋಯಿತ್, ಏದೆನ್‌ ತೋಟತ್‌ಲ್‌ ತೋಟ್ಟ ಪಣಿ ಮಾಡ್‌ವಕು ಅದ್‌ನ ಚಾಯಿ ನೋಟ್ಟುವಕು ಅಲ್ಲಿ ಬೆಚ್ಚತ್.

ಆದ್ಯತ್‌ರ ಪುಸ್ತಕ 3:23

ಅಂವೊನ ರೂಪ್‌ಚಿಟ್ಟ ನೆಲತ್‌ಲ್‌ ಬೇಲ್‌ ಪಣಿ ಮಾಡ್‌ವಕಾಯಿತ್‌ ಆದಾಮನ ಪಿಂಞ ಅಂವೊಂಡ ಪೊಣ್ಣ್‌ನ ಏದೆನ್‌ ತೋಟತ್‌ಂಜ ಪೊರಮೆ ಅಯಿಚಿರ್‌ತ್‌

ಮತ್ತಾಯ 26:30

ಪಿಂಞ ಅಯಿಂಗ ದೇವಡ ಪಾಟ್ ಪಾಡಿಯಂಡೇ ಆಲಿವ್ ಎಣ್ಣುವ ಕುಂದ್‌ಕ್ ಪೋಚಿ.

ಮತ್ತಾಯ 26:36

ಪಿಂಞ ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ಗೆತ್ಸೇಮನೆ ಎಣ್ಣುವ ಜಾಗಕ್ ಪೋಯಿತ್, ನಾನ್ ಅಲ್ಲಿ ಪೋಯಿತ್ ಪ್ರಾರ್ಥನೆ ಮಾಡ್‌ವಕ, ನಿಂಗ ಇಲ್ಲಿ ಅಳ್‌ತಂಡ್ ಇರೀಂದ್ ಎಣ್ಣ್‌ಚಿ.

ಮಾರ್ಕ 14:26

ಅಯಿಂಗೆಲ್ಲಾರು ದೇವಡ ಪಾಟ್ ಪಾಡಿಯಂಡೇ ಆಲಿವ್ ಎಣ್ಣುವ ಕುಂದ್‌ಕ್ ಪೋಚಿ.

ಮಾರ್ಕ 14:32

ಅಯಿಂಗೆಲ್ಲಾ ಗೆತ್ಸೇಮನೆ ಎಣ್ಣುವ ಜಾಗಕ್ ಬಾತ್. ಯೇಸು ಅಂವೊಂಡ ಶಿಷ್ಯಂಗಕ್: ನಾನ್ ಪ್ರಾರ್ಥನೆ ಮಾಡಿತ್ ಬಪ್ಪಕತ್ತನೆ ಇಲ್ಲಿ ಅಳ್‌ತಿತ್ ಇರೀಂದ್ ಎಣ್ಣ್‌ಚಿ.

ಮಾರ್ಕ 14:42

ಏಳೀ, ನಂಗ ಪೋಕ, ನೋಟಿ ನನ್ನ ಪುಡ್‌ಚಿತ್ ಕೊಡ್‍ಪಂವೊ ಇಕ್ಕಲೆ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 14:31

ನಾನ್ ನಾಡ ಅಪ್ಪನ ಪ್ರೀತಿ ಮಾಡಿಯಂಡುಂಡ್‍ೕಂದು, ಅಪ್ಪ ನಾಕ್ ಆಜ್ಞೆ ಕೊಡ್‍ತನೆಕೆ ನಾನ್ ಮಾಡಿಯಂಡುಂಡ್‍ೕಂದು ಈ ಲೋಕತ್‍ರ ಜನಕ್ ಗೊತ್ತಾಪಕಾಯಿತ್ ಇದೆಲ್ಲಾ ಆಪ. ಬಾರಿ, ಈ ಜಾಗತ್‍ನ ಬುಟ್ಟಿತ್ ನಂಗ ಪೋಕಾಂದ್ ಎಣ್ಣ್‌ಚಿ.

ಯೋಹಾನ 18:26

ಪಿಂಞ ಅಲ್ಲಿ ಒರ್ ಆಳ್ ಇಂಜತ್. ಅಂವೊ ದಾರ್ ಎಣ್ಣ್‌ಚೇಂಗಿ, ಮಹಾ ಯಾಜಕಂಡ ಆಳ್‍ರ ಕೂಟ್‌ಲ್ ಇಂಜಂವೊ. ಇಂವೊಂಡ ಬೆಂದ್‌ಕಡ ಕೆಮಿನ ಪೇತ್ರ ತೋಟತ್‍ಲ್ ಕೆತ್ತಿತ್ಂಜತ್. ಅಂವೊ ಪೇತ್ರನ ನೋಟಿತ್: ನಾನ್ ನಿನ್ನ ತೋಟತ್‍ಲ್ ಯೇಸುರ ಕೂಡೆ ಕಂಡಿತುಳ್ಳಲ್ಲಾಂದ್ ಕ್‍ೕಟತ್.

ಅಪೊಸ್ತಲ 21:11

ಅಂವೊ ನಂಗಡ ಪಕ್ಕ ಬಂದಿತ್, ಪೌಲಂಡ ಅರೆಪಟ್ಟಿನ ಎಡ್‍ತಿತ್ ಅಂವೊಂಡ ಕಾಲ್‌ಕೈಯಿನ ಆ ಪಟ್ಟಿಲ್ ಕೆಟ್ಟಿಯಂಡತ್. ಅಂವೊ ನಂಗಳ ನೋಟಿತ್: ಈ ಅರೆ ಪಟ್ಟಿ ದಾಡದೋ, ಅಂವೊನ ಯೆರೂಸಲೇಮ್‍ರ ಯೆಹೂದ್ಯಂಗ ಇನ್ನನೆ ಕೆಟ್ಟಿತ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಒಪ್ಪ್‌ಚಿಡುವಾಂದ್ ಪವಿತ್ರಾತ್ಮ ಎಣ್ಣಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.