ಯೋಹಾನ 17:9 - ಕೊಡವ ಬೈಬಲ್

⁹ ನಾನ್ ಇಕ್ಕ ಅಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ; ಈ ಲೋಕಕಾಯಿತ್ ಪ್ರಾರ್ಥನೆ ಮಾಡತೆ, ನೀನ್ ನಾಕ್ ತಂದಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನೀಡಯಿಂಗಳಾಯಿತುಂಡ್.

ಯೋಹಾನ 17:9 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:34

ಅಕ್ಕ ಯೇಸು: ಅಪ್ಪ, ಈಂಗಳ ಮನ್ನಿಚಿಡ್, ಈಂಗ ಎಂತ ಮಾಡಿಯಂಡುಂಡ್‍ೕಂದ್ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ. ಸಿಪಾಯಿಯಂಗ ಯೇಸುರ ಬಟ್ಟೇನ ಬಾಗ ಮಾಡಿತ್, ಚೀಟಿ ಇಟ್ಟಿತ್, ಬಟ್ಟೇನ ಎಡ್‍ತಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:34

ಪಂದಿಯಳ ಮೇಪ ಜನ ಇದ್‍ನ ಕಂಡಿತ್ ಓಡಿ ಪೋಯಿತ್ ಪಟ್ಟಣತ್‍ಲ್ ಪಿಂಞ ಸುತ್ತ್‌ಮುತ್‍ಲುಳ್ಳ ಎಲ್ಲಾರ್‌ಕು ಈ ಸುದ್ದಿನ ಎಣ್ಣ್‌ಚಿ.

ಯೋಹಾನ 14:16

ಅಕ್ಕ ನಾನ್ ನಾಡ ಅಪ್ಪಂಡ ಪಕ್ಕ ಬೋಡುವಿ, ಅಂವೊ ನಿಂಗಕ್ ಆಲೋಚನೆ ತಪ್ಪ ಇಂಞೊಬ್ಬನ ತಪ್ಪ. ಅಂವೊ ಎಕ್ಕಾಲು ನಿಂಗಡ ಕೂಡೆ ಇಪ್ಪ.

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ಯೋಹಾನ 17:20

ನಾನ್ ಈಂಗಕಾಯಿತ್ ಮಾತ್ರ ಪ್ರಾರ್ಥನೆ ಮಾಡುಲೆ. ಈಂಗ ಮಾಡ್‌ವ ನಾಡ ಬೋದನೆರ ಮೂಲಕ ದಾರ್ ನನ್ನ ನಂಬುವ ಅಯಿಂಗಕಾಯಿತು ನಾನ್ ನಿನ್ನ ಬೋಡುವಿ.

ಯೋಹಾನ 17:6

ನೀನ್ ಈ ಲೋಕತ್ಂಜ ಗೊತ್ತ್ ಮಾಡಿತ್, ನಾಕ್ ತಂದಯಿಂಗಕ್ ನೀಡ ಪೆದತ್‍ನ ನಾನ್ ಕಾಂಬ್‍ಚಿಟ್ಟಿಯೆ. ಅಯಿಂಗ ನೀಡ ಜನಳಾಯಿತ್ಂಜತ್; ಅಯಿಂಗಳ ನೀನ್ ನಾಕ್ ತಂದಿಯೆ; ಅಯಿಂಗ ನೀಡ ವಾಕ್ಯ ಎಣ್ಣುವನೆಕೆ ಮಾಡ್‍ಚಿ.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಯೋಹಾನ 6:39

ಅಂವೊ ನಾಕ್ ಕೊಡ್‍ತ ಜನತ್‍ಲ್, ಒಬ್ಬನ ಸಹ ಕಳೆಯತನೆಕೆ, ಆಕೀರ್ ದಿವಸತ್‍ಲ್ ಪುನಃ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ವದೇ ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.