ಯೋಹಾನ 17:8 - ಕೊಡವ ಬೈಬಲ್

⁸ ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 17:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಜ್ಞಾನತ್‌ರ ಪಡಿಮ 1:3

ಅದ್‌ಲ್ಲತೆ, ವಿವೇಕ, ನೀತಿ, ನ್ಯಾಯ ಪಿಂಞ ನಿದಾನತ್‌ನ ಪಡೆಯುವಕ್‌ ಕಯ್ಯು.

ಜ್ಞಾನತ್‌ರ ಪಡಿಮ 2:1

ನಾಡ ಮೋನೇ, ನಾನ್‌ ಎಣ್ಣುವ ತಕ್ಕ್‌ನ ಕ್‍ೕಟಿತ್, ನಾಡ ಆಜ್ಞೆನ ಒರ್‌ ಬಂಡಾರನೆಕೆ ಕಾಪಾಡಿತ್,

ಜ್ಞಾನತ್‌ರ ಪಡಿಮ 4:10

ನಾಡ ಮೋನೇ, ನಾನ್‌ ಎಣ್ಣ್‌ವ ತಕ್ಕ್‌ನ ಕ್‍ೕಟಿತ್‌ ಅದ್‌ನ ಸ್ವೀಕಾರ ಮಾಡ್; ಅಕ್ಕ ನೀನ್‌ ದುಂಬ ಕಾಲ ಬದ್‌ಕ್‌ವಿಯ.

ಜ್ಞಾನತ್‌ರ ಪಡಿಮ 8:10

ಬೊಳ್ಳಿಕಿಂಜ ನಾಡ ಬುದ್ದಿತಕ್ಕ್‌ನ ಪಿಂಞ ಶುದ್ದ ಪೊನ್ನ್‌ಕಿಂಜ ನಾಡ ಜ್ಞಾನತ್‌ನ ಸ್ವೀಕಾರ ಮಾಡಿಯೊಳಿ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಯೋಹಾನ 12:49

ನಾನ್ ನಾಡ ಇಷ್ಟತ್‍ರ ಪ್ರಕಾರ ಇನ್ನನೆ ತಕ್ಕ್ ಪರ್‌ಂದಂಡಿಲ್ಲೆ. ನಾನ್ ಎಂತ ತಕ್ಕ್ ಪರಿಯಂಡು, ಎಂತ ಬೋದನೆ ಮಾಡಂಡೂಂದ್ ನನ್ನ ಅಯಿಚ ದೇವ ನಾಕ್ ಹುಕುಮ್ ಕೊಡ್‌ತಿತುಂಡ್.

ಯೋಹಾನ 14:10

ನಾನ್ ಅಪ್ಪಂಡಲ್ಲಿ, ಅಪ್ಪ ನಾಡಲ್ಲಿ ಇಪ್ಪದ್‍ನ ನೀನ್ ನಂಬ್‍ಲೆಯಾ? ನಾನ್ ನಿಂಗಡ ಕೂಡೆ ಎಣ್ಣ್‌ನದೆಲ್ಲ, ನಾಡ ಇಷ್ಟ ಪ್ರಕಾರ ಎಣ್ಣಿಯಂಡಿಲ್ಲೆ. ನಾಡಲ್ಲಿ ವಾಸ ಮಾಡಿಯಂಡುಳ್ಳ ಅಪ್ಪನೇ ಈ ಕ್ರಿಯೇನೆಲ್ಲಾ ಮಾಡಿಯಂಡುಂಡ್.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಯೋಹಾನ 16:27

ನಿಂಗ ನನ್ನ ಪ್ರೀತಿ ಮಾಡಿತ್, ನಾನ್ ದೇವಡಯಿಂಜ ಬಾತ್‍ೕಂದ್ ನಿಂಗ ನಂಬ್‍ನಾಂಗ್ ಅಪ್ಪ ನಿಂಗಳ ಪ್ರೀತಿ ಮಾಡ್‌ವ.

ಯೋಹಾನ 16:30

ನೀಕ್ ಎಲ್ಲಾ ವಿಷಯವು ಗೊತ್ತುಂಡ್. ನೀಡ ಪಕ್ಕ ದಾರೂ ಪ್ರಶ್ನೆ ಕ್‍ೕಕಂಡೂಂದ್ ಇಲ್ಲೆ. ಆನಗುಂಡ್ ನೀನ್ ದೇವಡಯಿಂಜ ಬಾತ್‍ೕಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 17:14

ನಾನ್ ನೀಡ ವಾಕ್ಯತ್‍ನ ಅಯಿಂಗಕ್ ಕೊಡ್‌ತಿಯೆ; ನಾನ್ ಈ ಲೋಕಕ್ ಕೂಡ್‍ನಂವೊ ಅಲ್ಲತನೆಕೆ, ಈಂಗಳು ಈ ಲೋಕಕ್ ಕೂಡ್‍ನಯಿಂಗ ಅಲ್ಲ. ಅದ್ಂಗಾಯಿತ್ ಈ ಲೋಕ ಈಂಗಳ ದ್ವೇಶ ಮಾಡಿಯಂಡ್ ಉಂಡ್.

ಯೋಹಾನ 17:18

ನೀನ್ ನನ್ನ ಲೋಕಕ್ ಅಯಿಚನೆಕೆ ನಾನ್ ಅಯಿಂಗಳ ಲೋಕಕ್ ಅಯಿಪಿ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 3:33

ಅಂವೊಂಡ ಸಾಕ್ಷಿನ ತಕ್ಕಾರ ಮಾಡ್‌ವಂವೊ, ದೇವ ಎಣ್ಣ್‌ನದ್ ಸತ್ಯಾಂದ್ ಉಳ್ಳ ವಿಷಯತ್‍ನ ಮುದ್ರೆ ಇಟ್ಟಿತ್ ದೃಡಪಡ್‌ತಿಯಂಡುಂಡ್.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

1 ಕೊರಿಂಥ 11:23

ನಾನ್ ಒಪ್ಪ್‌ಚಿಟ್ಟ ಈ ಬೋದನೆನ, ದೇವಡಯಿಂಜ ನಾನ್ ಪಡ್ಂದಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಒಡೆಯನಾನ ಯೇಸುನ ವಿರೋದಿಯಂಗಡ ಕೈಯಿಕ್ ಪುಡ್‍ಚಿ ಕೊಡ್‍ಪಕ್ ಮಿಂಞ, ಆ ಬಯಿಟ್ ಒಟ್ಟಿನ ಎಡ್‌ಪಂಜಿ,

1 ಕೊರಿಂಥ 15:1

ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.