ಯೋಹಾನ 17:4 - ಕೊಡವ ಬೈಬಲ್

⁴ ನೀನ್ ನಾಕ್ ಕೊಡ್‍ತ ಕ್ರಿಯೇನ ಪೂರ್ತಿಮಾಡಿಯೆ, ನಾನ್ ಈ ಲೋಕತ್‍ಲ್ ನೀಕ್ ಮಹಿಮೆ ಕ್‍ಟ್ಟುವನೆಕೆ ಮಾಡಿಯೆ.

ಯೋಹಾನ 17:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:37

ಎನ್ನಂಗ್ ಎಣ್ಣ್‌ಚೇಂಗಿ, ಅಂವೊ ಕ್ರೂರ ಪಾಪ ಮಾಡ್‍ನ ಕಳ್ಳಂಗಡ ಕೂಟ್‌ಲ್ ಒಬ್ಬನಾಯಿತ್ ಕಾಕ್‍ವಾಂದ್ ಒಳ್‍ದಿತುಳ್ಳ ದೇವಡ ವಾಕ್ಯ ಪೂರ್ತಿ ಆಂಡೂಂದ್ ಎಣ್ಣ್‌ವಿ. ನಾಡ ವಿಷಯವೆಲ್ಲ ಪೂರ್ತಿಯಾಪ ಕಾಲ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 12:28

ಅಪ್ಪ, ನೀಡ ಪೆದಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‍ೕಂದ್ ಎಣ್ಣ್‌ಚಿ. ಇನ್ನನೆ ಯೇಸು ಎಣ್ಣ್‌ವಕ, ಪರಲೋಕತ್ಂಜ ಒರ್ ವಾಣಿ: ನಾಕ್ ಮಹಿಮೆ ಕ್‍ಟ್ಟ್‌ಚಿ, ಇಂಞು ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವೀಂದ್ ಎಣ್ಣ್‌ಚಿ.

ಯೋಹಾನ 14:13

ನಿಂಗ ನಾಡ ಪೆದತ್‍ಲ್ ಏದೆಲ್ಲಾ ಕ್‍ೕಪಿರೋ, ಅದ್‍ನ ನಾನ್ ಮಾಡ್‌ವಿ. ಅನ್ನನೆ ನಾಡ ಮೂಲಕ ಅಪ್ಪಂಗ್ ಮಹಿಮೆ ಕ್‍ಟ್ಟುವ.

ಯೋಹಾನ 14:31

ನಾನ್ ನಾಡ ಅಪ್ಪನ ಪ್ರೀತಿ ಮಾಡಿಯಂಡುಂಡ್‍ೕಂದು, ಅಪ್ಪ ನಾಕ್ ಆಜ್ಞೆ ಕೊಡ್‍ತನೆಕೆ ನಾನ್ ಮಾಡಿಯಂಡುಂಡ್‍ೕಂದು ಈ ಲೋಕತ್‍ರ ಜನಕ್ ಗೊತ್ತಾಪಕಾಯಿತ್ ಇದೆಲ್ಲಾ ಆಪ. ಬಾರಿ, ಈ ಜಾಗತ್‍ನ ಬುಟ್ಟಿತ್ ನಂಗ ಪೋಕಾಂದ್ ಎಣ್ಣ್‌ಚಿ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 19:28

ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 19:30

ಯೇಸು ದ್ರಾಕ್ಷಿರಸತ್‍ನ ಬಾಯಿಕ್ ಎಡ್‌ತ ಪಿಂಞ, ತ್‍ೕಂದತ್‍ೕಂದ್ ಎಣ್ಣಿತ್, ಮಂಡೆನ ಬಗ್ಗ್‌ಚಿಟ್ಟಿತ್ ಅಂವೊಂಡ ಜೀವತ್‍ನ ಬುಟ್ಟತ್.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಯೋಹಾನ 5:36

ಆಚೇಂಗಿ, ಅಂವೊಂಡ ಸಾಕ್ಷಿಕಿಂಜ ನಾಡ ಸಾಕ್ಷಿ ಬಲ್ಯದಾಯಿತುಂಡ್. ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ನೆರೆವೇರಿಚಿಡಂಡೂಂದ್ ಅಪ್ಪನಾನ ದೇವ ನಾಕ್ ಎಣ್ಣಿ ಕೊಡ್‍ತ ವಿಷಯ ಪಿಂಞ ನಾನ್ ಮಾಡಿಯಂಡುಳ್ಳ ಕ್ರಿಯೆವೇ ಅಪ್ಪನಾನ ದೇವ ನನ್ನ ಅಯಿಚತ್‍ೕಂದ್ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 9:3

ಯೇಸು ಅಯಿಂಗಕ್: ಇಂವೊ ಮಾಡ್‍ನ ಪಾಪವು ಅಲ್ಲ, ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವು ಅಲ್ಲ, ದೇವಡ ಶಕ್ತಿ ಇಂವೊಂಡಲ್ಲಿ ಕಾಂಬಕಾಯಿತ್ ಇನ್ನನೆ ಪುಟ್ಟ್‌ಚೀಂದ್ ಎಣ್ಣ್‌ಚಿ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.