ಯೋಹಾನ 17:26 - ಕೊಡವ ಬೈಬಲ್

²⁶ ನೀನ್ ನಾಡಲ್ಲಿ ಮಾಡ್‍ನ ಪ್ರೀತಿ ಅಯಿಂಗಡಲ್ಲಿ ಇಪ್ಪಕಾಯಿತ್ ಪಿಂಞ ನಾನ್ ಅಯಿಂಗಡಲ್ಲಿ ಇಪ್ಪಕಾಯಿತ್ ನೀಡ ಪೆದತ್‍ನ ಅಯಿಂಗಕ್ ನಾನ್ ಗೊತ್ತ್ ಮಾಡಿಯೆ; ಅನ್ನನೆ ಇಂಞು ಮಾಡಿಯಂಡ್ ಇಪ್ಪಿ ಎಣ್ಣಿಯಂಡ್ ಪ್ರಾರ್ಥನೆ ಮಾಡ್‍ಚಿ.

ಯೋಹಾನ 17:26 ပူးပေါင်းရင်းမြစ်များ

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಯೋಹಾನ 15:4

ನಿಂಗ ನಾಡಲ್ಲಿ ಸ್ತಿರವಾಯಿತಿರಿ, ನಾನ್ ನಿಂಗಡಲ್ಲಿ ಸ್ತಿರವಾಯಿತ್ ಇಪ್ಪಿ; ಕೊಂಬ್ ಬಳ್ಳಿಲ್ ಸ್ತಿರವಾಯಿತ್ ಇಲ್ಲತಪೋನಕ ಎನ್ನನೆ ತಾನಾಯಿತೇ ಫಲ ತಪ್ಪ್‌ಲೆಯೊ ಅನ್ನನೆ ನಿಂಗ ನಾಡಲ್ಲಿ ಸ್ತಿರವಾಯಿತ್ ಇಕ್ಕತೆ ಪೋನಕ ಫಲ ತಪ್ಪುಲೆ.

ಯೋಹಾನ 15:9

ಅಪ್ಪ ನನ್ನ ಪ್ರೀತಿ ಮಾಡ್‌ವನೆಕೆ, ನಾನು ನಿಂಗಳ ಪ್ರೀತಿ ಮಾಡ್‌ವಿ; ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇರಿ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಯೋಹಾನ 17:6

ನೀನ್ ಈ ಲೋಕತ್ಂಜ ಗೊತ್ತ್ ಮಾಡಿತ್, ನಾಕ್ ತಂದಯಿಂಗಕ್ ನೀಡ ಪೆದತ್‍ನ ನಾನ್ ಕಾಂಬ್‍ಚಿಟ್ಟಿಯೆ. ಅಯಿಂಗ ನೀಡ ಜನಳಾಯಿತ್ಂಜತ್; ಅಯಿಂಗಳ ನೀನ್ ನಾಕ್ ತಂದಿಯೆ; ಅಯಿಂಗ ನೀಡ ವಾಕ್ಯ ಎಣ್ಣುವನೆಕೆ ಮಾಡ್‍ಚಿ.

ಯೋಹಾನ 17:8

ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 6:56

ನಾಡ ತಡೀನ ತಿಂದಿತ್, ನಾಡ ಚೋರೆನ ಕುಡಿಪಯಿಂಗ ನಾಡಲ್ಲಿ ವಾಸ ಮಾಡ್‌ವ; ನಾನ್ ಅಯಿಂಗಡಲ್ಲಿ ವಾಸ ಮಾಡ್‌ವಿ.

ಯೋಹಾನ 8:50

ನಾನ್ ನಾಕಾಯಿತ್ ಮೆಹಿಮೇನ ತ್‍ೕಡಿಯಂಡ್ ಇಲ್ಲೆ, ಆಚೇಂಗಿ ಅದ್‍ನ ತ್‍ೕಡ್‌ವಂವೊನು, ನ್ಯಾಯತೀರ್ಪ್ ಮಾಡ್‌ವಂವೊನು ಒಬ್ಬ ಉಂಡ್.

ರೋಮ್ 8:10

ಆಚೇಂಗಿ, ಕ್ರಿಸ್ತ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗಡ ತಡಿ ಪಾಪತ್‍ರಗುಂಡ್ ಚತ್ತ್ ಪೋಯಿತ್‌ಪ್ಪ, ಆಚೇಂಗಿಯು, ನೀತಿರಗುಂಡ್ ನಿಂಗಡ ಆತ್ಮ ಬದ್‍ಕಿಯಂಡಿಪ್ಪ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 12:12

ಒರ್ ತಡಿಕ್ ಬೋರೆ ಬೋರೆ ಬಾಗ ಉಂಡ್, ಆಚೇಂಗಿಯು ಅದ್ ಒರೇ ತಡಿಯಾಯಿತುಂಡ್. ಅನ್ನನೆ ಎಲ್ಲಾ ದೇವಡ ಮಕ್ಕಳು ಒರೇ ತಡಿರನೆಕೆ ಉಂಡ್. ಅನ್ನನೆ ನಂಗ ಒಬ್ಬೊಬ್ಬಂಗಕ್ ಬೋರೆ ಬೋರೆ ವರ ಉಂಡೇಂಗಿಯು, ನಂಗ ಎಲ್ಲಾರು ಕ್ರಿಸ್ತಂಡ ಒರೇ ತಡಿಯಾಯಿತುಂಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಎಫೆಸ 5:30

ನಂಗ ಅಂವೊಂಡ ತಡೀರ ಬಾಗವಾಯಿತ್ ಉಂಡ್.

ಎಫೆಸ 5:32

ಈ ಮರ್ಮ ಬಲ್ಯದ್. ಇಕ್ಕ ನಾನ್ ಕ್ರಿಸ್ತ ಪಿಂಞ ಸಬೆರ ವಿಷಯತ್‍ನ ಎಣ್ಣಿಯಂಡುಂಡ್.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

ಕೊಲೊಸ್ಸೆ 2:10

ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

ಇಬ್ರಿಯ 2:12

ನೀಡ ಪೆದತ್‍ನ ನಾಡ ಅಣ್ಣತಮ್ಮಣಂಗಕ್ ಅರಿಚಿಟ್ಟಿತ್, ಸಬೆರ ಮದ್ಯತ್‍ಲ್ ನೀಕ್ ವಂದನೆ ಎಣ್ಣ್‌ವೀಂದು,

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.