ಯೋಹಾನ 17:24 - ಕೊಡವ ಬೈಬಲ್

²⁴ ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಯೋಹಾನ 17:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 45:13

ನಾಕ್‍ ಇಲ್ಲಿ ಎಚ್ಚಕ್‌ ಗೌರವ ಉಂಡ್‍ೕಂದ್‌ ಪಿಂಞ ನಿಂಗ ಇಲ್ಲಿ ಕಂಡದ್‌ ಎಲ್ಲಾನ ನಾಡ ಅಪ್ಪಂಗ್‌ ಎಣ್ಣಿತ್, ಅಂವೊನ ಬೆರಿಯ ನಾಡ ಪಕ್ಕ ಕಾಕಿಯಂಡ್‌ ಬಾರೀಂದ್‌ ಎಣ್ಣಿತ್,

ಮತ್ತಾಯ 25:21

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಲ್ಲ ಪಿಂಞ ನಂಬಿಕಸ್ತನಾನ ಆಳ್. ಚೆರಿಯ ವಿಷಯತ್‍ಲು ನೀನ್ ನಂಬಿಕೆ ಕಾಟಿತುಳ್ಳಿಯ, ನಿನ್ನ ನಾನ್ ಬಲ್ಯ ಕೆಲಸಕ್ ಅದಿಕಾರಿಯಾಯಿತ್ ಮಾಡ್‌ವಿ, ಇಕ್ಕ ಬಾ, ನೀಡ ಎಜಮಾನಂಡ ಕುಶೀಲ್ ಪ್ರವೇಶ ಮಾಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 25:23

ಚೆರಿಯ ವಿಷಯತ್‍ಲು ನೀನ್ ನಂಬಿಕೆ ಕಾಟಿತುಳ್ಳಿಯ, ನಿನ್ನ ನಾನ್ ಬಲ್ಯ ಕೆಲಸಕ್ ಅದಿಕಾರಿಯಾಯಿತ್ ಮಾಡ್‌ವಿ, ಇಕ್ಕ ಬಾ, ನೀಡ ಎಜಮಾನಂಡ ಕುಶೀಲ್ ಪ್ರವೇಶ ಮಾಡ್‍ೕಂದ್ ಎಣ್ಣ್‌ಚಿ

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 26:29

ನಾನ್ ಪರಲೋಕ ರಾಜ್ಯತ್‍ಲ್ ನಿಂಗಡ ಕೂಡೆ ಪುದಿಯ ದ್ರಾಕ್ಷಿರಸತ್‍ನ ಕುಡಿಪಕತ್ತನೆ ಇಂಞು ಮಿಂಞಕ್ ಈ ದ್ರಾಕ್ಷಿರಸತ್‍ನ ಕುಡಿಪ್‌ಲೇಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:43

ಅದ್ಂಗ್ ಯೇಸು: ಇಂದ್ ನೀನ್ ನಾಡ ಕೂಡೆ ಪರದೈಸಿಲ್ ಇಪ್ಪಿಯಾಂದ್ ನಾನ್ ನೀಕ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಯೋಹಾನ 14:3

ನಾನ್ ಪೋಯಿತ್ ನಿಂಗಕಾಯಿತ್ ಜಾಗತ್‍ನ ತಯಾರ್ ಮಾಡಿತ್, ನಾನ್ ಇಪ್ಪ ಜಾಗತ್‍ಲ್ ನಿಂಗಳು ಇಪ್ಪನೆಕೆ, ನಾನ್ ಪುನಃ ಬಂದಿತ್, ನಿಂಗಳ ಕಾಕಿಯಂಡ್ ಪೋಪಿ.

ಯೋಹಾನ 15:9

ಅಪ್ಪ ನನ್ನ ಪ್ರೀತಿ ಮಾಡ್‌ವನೆಕೆ, ನಾನು ನಿಂಗಳ ಪ್ರೀತಿ ಮಾಡ್‌ವಿ; ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇರಿ.

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ಯೋಹಾನ 17:22

ನಂಗ ಒಂದಾಯಿತ್ ಇಪ್ಪನೆಕೆ, ಅಯಿಂಗಳು ಒಂದಾಯಿತ್ ಇಪ್ಪಕಾಯಿತ್, ನೀನ್ ನಾಕ್ ಕೊಡ್‍ತ ಮಹಿಮೆನ ನಾನ್ ಅಯಿಂಗಕ್ ಕೊಡ್‌ತಿಯೆ.

ಯೋಹಾನ 17:5

ಇಕ್ಕ, ಅಪ್ಪಾ! ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಾಕ್ ನೀಡ ಪಕ್ಕ ಇಂಜ ಮಹಿಮೇರಗುಂಡ್ ಇಕ್ಕ ನೀನ್ ನೀಡಲ್ಲಿ ನಾಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಯೋಹಾನ 6:39

ಅಂವೊ ನಾಕ್ ಕೊಡ್‍ತ ಜನತ್‍ಲ್, ಒಬ್ಬನ ಸಹ ಕಳೆಯತನೆಕೆ, ಆಕೀರ್ ದಿವಸತ್‍ಲ್ ಪುನಃ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ವದೇ ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 8:58

ಅದ್ಂಗ್ ಯೇಸು: ಅಬ್ರಹಾಮ ಪುಟ್ಟ್‌ವಕ್ ಮಿಂಞಲೇ ನಾನ್ ಉಳ್ಳ್‌ಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

1 ಕೊರಿಂಥ 13:12

ಇಕ್ಕ, ನಂಗಡ ಬದ್‍ಕ್‍ನ, ಒರ್ ಕನ್ನಡಿಲ್ ಕಾಂಬನೆಕೆ ನೆಳನ ನೋಟಿಯಂಡುಂಡ್. ಅಕ್ಕ ನಂಗ ಚಾಯಿತೆ ನೇರಾನದ್‌ನ ಕಾಂಬ. ಇಕ್ಕ ನಾನ್ ನೋಟಿಯಂಡುಳ್ಳದ್ ಪರಿಪೂರ್ಣವಾನದ್ ಅಲ್ಲ, ಆಚೇಂಗಿ, ದೇವಕ್ ನನ್ನ ಪೂರ್ತಿ ಗೊತ್ತುಳ್ಳನೆಕೆ, ನಾನು ಎಲ್ಲಾನ ಚಾಯಿ ಅರ್ಥ ಮಾಡ್‌ವಕ್ ಅಕ್ಕ ಕಯ್ಯು.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಫಿಲಿಪ್ಪಿ 1:23

ಎನ್ನಂಗೆಣ್ಣ್‌ಚೇಂಗಿ ಈ ದಂಡ್ ಆಸೆರ ಮದ್ಯತ್‍ಲ್ ನಾನ್ ಚಿಕ್ಕಿಪೋಯಿತುಳ್ಳ.

1 ಥೆಸಲೊನೀಕ 4:17

ಅದಾನ ಪಿಂಞ ಬದ್‍ಕಿಯಂಡ್ ಉಳ್ಳ ನಂಗಳು, ಅಯಿಂಗಡ ಕೂಡೆ ಒಟ್ಟ್ ಕೂಡಿತ್, ಗಾಳಿಲ್ ಮೋಡತ್‍ಲ್ ಉಳ್ಳ ಒಡೆಯನ ಕಾಂಬಕಾಯಿತ್ ಕೊಡಿಕ್ ಪೋಪ. ಇನ್ನನೆ ನಂಗ ಒಡೆಯಂಡ ಕೂಡೆ ಎಕ್ಕಾಲು ಇಪ್ಪಕಾಪ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಪ್ರಕಟನೆ 21:22

ಆ ಪಟ್ಟಣತ್‍ಲ್ ನಾನ್ ದೇವಾಲಯತ್‍ನ ಕಂಡಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವ ಪಿಂಞ ಕೊರಿಕುಟ್ಟಿಯಾಯಿತುಳ್ಳಂವೊನೇ ಅದ್ಂಗ್ ದೇವಾಲಯವಾಯಿತ್ಂಜತ್.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.