ಯೋಹಾನ 17:22 - ಕೊಡವ ಬೈಬಲ್

²² ನಂಗ ಒಂದಾಯಿತ್ ಇಪ್ಪನೆಕೆ, ಅಯಿಂಗಳು ಒಂದಾಯಿತ್ ಇಪ್ಪಕಾಯಿತ್, ನೀನ್ ನಾಕ್ ಕೊಡ್‍ತ ಮಹಿಮೆನ ನಾನ್ ಅಯಿಂಗಕ್ ಕೊಡ್‌ತಿಯೆ.

ಯೋಹಾನ 17:22 ပူးပေါင်းရင်းမြစ်များ

ಮಾರ್ಕ 6:7

ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕುವಂಜಿ ದಂಡ್ ದಂಡಾಳಾಯಿತ್ ಅಯಿಂಗಳ ಅಯಿಚತ್. ನಿಂಗ ಊರ್‌ಕ್ ಪೋಯಿತ್ ನಿಂಗ ಕೂಳಿ ಪುಡ್‌ಚಯಿಂಗಳ ಬುಡ್‍ತಿ ಎಣ್ಣಿಯಂಡ್ ಶಕ್ತಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:30

ನಾಡ ರಾಜ್ಯತ್‍ಲ್ ನಾಡ ಕೂಡೆ ನಿಂಗ ಉಂಬಿರ, ಕುಡಿಪಿರ. ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಒಬ್ಬೊಬ್ಬನು ಅಳ್‌ಪಿರಾಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 1:16

ಅಂವೊಂಡ ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‌ಚಿ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 8:30

ದಾರ್‌ನ ಅಂವೊ ಮಿಂಞಲೇ ಗೊತ್ತ್ ಮಾಡ್‍ಚೋ ಅಯಿಂಗಳ ಕಾಕ್‌ಚಿಟ್ಟತ್; ದಾರ್‌ನ ಕಾಕ್‍ಚಿಟ್ಟತೋ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ; ದಾರ್‌ನ ನೀತಿವಂತಯಿಂಗಳಾಯಿತ್ ಮಾಡ್‍ಚೋ ಅಯಿಂಗಕ್ ತಾಂಡ ಮಹಿಮೆನ ಕೊಡ್‍ತತ್.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

2 ಕೊರಿಂಥ 5:20

ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಎಫೆಸ 2:20

ಅಪೊಸ್ತಲಂಗ ಪಿಂಞ ಪ್ರವಾದಿಯಂಗ ಎಣ್ಣುವಯಿಂಗಡ ಅಡಿಪಾಯತ್‍ರ ಮೇಲೆ ಕೆಟ್ಟಿತುಳ್ಳಯಿಂಗಳಾಯಿತುಳ್ಳಿರ; ಅದ್ಂಗ್ ಯೇಸು ಕ್ರಿಸ್ತತನೇ ಮೂಲೆ ಕಲ್ಲಾಯಿತ್ ಉಂಡ್.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.