ಯೋಹಾನ 17:11 - ಕೊಡವ ಬೈಬಲ್

¹¹ ಇಂಞು ನಾನ್ ಈ ಲೋಕತ್‍ಲ್ ಇಪ್ಪುಲೆ, ಆಚೇಂಗಿ, ಈಂಗ ಲೋಕತ್‍ಲ್ ಇಪ್ಪ; ನಾನ್ ನೀಡ ಪಕ್ಕ ಬಂದಂಡುಂಡ್, ಪವಿತ್ರವಾಯಿತುಳ್ಳ ಅಪ್ಪನೇ, ನಾನು ನೀನು ಬೋರೆ ಬೋರೆಯಾಯಿತ್ ಅಲ್ಲತೆ, ಒಂದಾಯಿತ್ ಉಳ್ಳನೆಕೆ ಈಂಗಳು ಒಂದಾಯಿತ್ ಇಪ್ಪನೆಕೆ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ಲ್ ಅಯಿಂಗಳ ಕಾಪಾಡಂಡು.

ಯೋಹಾನ 17:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 18:10

ಯೆಹೋವಂಡ ಪೆದ ಬಲವಾನ ಗೋಪುರ. ನೀತಿವಂತಂವೊ ಅದ್‌ಂಡ ಒಳ್‌ಕ್‌ ಪೋಯಿತ್‌ ಸೌಕ್ಯತ್‌ ಇಪ್ಪ.

ಮತ್ತಾಯ 10:16

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ಮತ್ತಾಯ 5:48

ಆನಗುಂಡ್ ನಿಂಗಳ ಪ್ರೀತಿ ಮಾಡತಯಿಂಗಳ ಸಹ ನಿಂಗ ಪ್ರೀತಿ ಮಾಡಿತ್, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ಪೂರ್ತಿಯಾಯಿತುಳ್ಳನೆಕೆ ನಿಂಗಳು ಪೂರ್ತಿಯಾಯಿತಿರಿ.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 13:3

ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್:

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 16:28

ನಾನ್ ಈ ಲೋಕಕ್ ಅಪ್ಪಂಡಯಿಂಜ ಬಂದಿಯೆ, ಇಕ್ಕ ನಾನ್ ಈ ಲೋಕತ್‍ನ ಬುಟ್ಟಿತ್ ಅಪ್ಪಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 17:23

ಐಕ್ಯತ್‍ಲ್ ಈಂಗ ಪೂರ್ತಿಯಾಯಿತ್ ಇಪ್ಪಕಾಯಿತು, ನೀನ್ ನನ್ನ ಲೋಕಕ್ ಅಯಿಚದ್‍ನ ಪಿಂಞ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಪ್ಪನೆಕೆ ಅಯಿಂಗಡಲ್ಲಿ ಪ್ರೀತಿಯಾಯಿತ್ ಇಪ್ಪದ್‍ನ ಲೋಕತ್‍ರ ಜನ ಗೊತ್ತಾಪಕಾಯಿತು ನಾನ್ ಅಯಿಂಗಡಲ್ಲಿಯು ನೀನ್ ನಾಡಲ್ಲಿಯು ಇರಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 17:6

ನೀನ್ ಈ ಲೋಕತ್ಂಜ ಗೊತ್ತ್ ಮಾಡಿತ್, ನಾಕ್ ತಂದಯಿಂಗಕ್ ನೀಡ ಪೆದತ್‍ನ ನಾನ್ ಕಾಂಬ್‍ಚಿಟ್ಟಿಯೆ. ಅಯಿಂಗ ನೀಡ ಜನಳಾಯಿತ್ಂಜತ್; ಅಯಿಂಗಳ ನೀನ್ ನಾಕ್ ತಂದಿಯೆ; ಅಯಿಂಗ ನೀಡ ವಾಕ್ಯ ಎಣ್ಣುವನೆಕೆ ಮಾಡ್‍ಚಿ.

ಯೋಹಾನ 7:33

ಯೇಸು ಅಯಿಂಗಳ ನೋಟಿತ್: ನಾನ್ ನಿಂಗಡ ಕೂಡೆ ಇಂಞು ಚೆನ್ನ ಕಾಲ ಇಪ್ಪಿ, ಅಲ್ಲಿಂಜ ನನ್ನ ದಾರ್ ಅಯಿಚತೋ, ಅಂವೊಂಡ ಪಕ್ಕ ಪೋಪಿ.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ರೋಮ್ 12:5

ಅನ್ನನೆ ದುಂಬ ಜನಳಾಯಿತುಳ್ಳ ನಂಗಳು, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒರೇ ತಡಿಯಾಯಿತುಂಡ್. ನಂಗೆಲ್ಲಾರು ಒಬ್ಬೊಬ್ಬಂಡ ಕೂಡೆ ಒಬ್ಬ ಕೂಡಿತ್ ತಡೀರ ಬೋರೆ ಬೋರೆ ಬಾಗವಾಯಿತುಂಡ್.

ರೋಮ್ 9:17

ಅದಲ್ಲತೆ, ನಾಡ ಶಕ್ತಿನ ನೀಡಲ್ಲಿ ಕಾಂಬಿಚಿಡುವಕ್ ಪಿಂಞ ನಾಡ ಪೆದ ಇಡೀ ಲೋಕತ್‍ಲ್ ಪಬ್ಬ್‌ಚಿಡ್‌ವಕಾಯಿತ್ ನಿನ್ನ ನಾನ್ ರಾಜನಾಯಿತ್ ನೇಮಿಚಿಟ್ಟಿಯೇಂದ್ ದೇವ ಐಗುಪ್ತಂಡ ರಾಜನಾನ ಫರೋಹನಂಡ ಪಕ್ಕ ಎಣ್ಣ್‌ನದಾಯಿತ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಎಫೆಸ 4:4

ಒರೇ ನಿರೀಕ್ಷೆಕಾಯಿತ್ ದೇವ ನಿಂಗಳ ಕಾಕಿತ್ ಕೂಟ್‍ನನೆಕೆ, ಒರೇ ತಡಿಯು, ಒರೇ ಪವಿತ್ರಾತ್ಮವು ಉಂಡ್.

ಫಿಲಿಪ್ಪಿ 2:9

ಅದ್ಂಗಾಯಿತ್ ದೇವ ಯೇಸುಕ್ ಎಲ್ಲಾಕಿಂಜ ಬಲ್ಯ ಸ್ತಾನ ಕೊಡ್‌ತಿತ್, ಎಲ್ಲಾ ಪೆದಕಿಂಜ ಬಲ್ಯ ಪೆದತ್‍ನ ಕೊಡ್‍ತತ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

ಯಾಕೋಬ 4:4

ನಿಯತಿ ಇಲ್ಲತ ಜನಳೇ, ಈ ಬೂಲೋಕತ್‌ರ ಕೂಡೆ ಕೂಟ್ ಉಂಡೇಂಗಿ ದೇವನ ಅಲ್ಲಗೆಳೆದಿತ್, ದೂರ ಮಾಡ್‌ನನೆಕೇಂದ್ ಗೊತ್ತ್‌ಲ್ಲೆಯ? ಆನಗುಂಡ್ ಈ ಬೂಲೋಕತ್‌ರ ಕೂಡೆ ಕೂಟ್ ಬೆಪ್ಪಕ್ ಕುಶಿ ಉಳ್ಳಯಿಂಗ ದೇವಕ್ ಶತ್ರು ಆಯಿಪೋಪ.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 15:4

ಒಡೆಯನೇ, ನೀಕ್ ಬೊತ್ತತೆ, ನೀಡ ಪೆದಕ್ ಮಹಿಮೆ ತರತೆ ಇಪ್ಪಕ್ ದಾರ್‌ಕ್ ಕಯ್ಯು? ನೀನ್ ಒಬ್ಬನೇ ಪವಿತ್ರವಾನ ದೇವ, ನೀಡ ನೀತಿಯಾಯಿತುಳ್ಳ ತೀರ್ಪ್‌ರಗುಂಡ್ ಎಲ್ಲಾ ಜಾತಿಯಳು ಬಂದಿತ್, ನೀಡ ಮಿಂಞ ಆರಾದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 19:12

ಅಂವೊಂಡ ಕಣ್ಣ್ ಚುಟ್ಟ್ ಪೋಪ ತಿತ್ತ್‌ರ ಜ್ವಾಲತ್‌ರನೆಕೆ ಇಂಜತ್, ಅಂವೊಂಡ ಮಂಡೆರ ಮೇಲೆ ದುಂಬ ಕಿರೀಟ ಇಂಜತ್; ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತಿಲ್ಲತ ಒರ್ ಪೆದ ಅಂವೊಂಡ ಮೇಲೆ ಒಳ್‍ದಿತ್ಂಜತ್.

ಪ್ರಕಟನೆ 4:8

ಆ ನಾಲ್ ಜೀವ ಪ್ರಾಣಿಯ ಒಂದೊಂದಂಗು ಆರ್ ಆರ್ ರೆಕ್ಕೆ ಇಂಜತ್. ರೆಕ್ಕೆರ ಸುತ್ತ್‌ಲ್ ಪಿಂಞ ಒಳ್‍ಕ್ ಕಣ್ಣ್ ದುಂಬಿತ್ಂಜತ್. ಆ ಜೀವ ಪ್ರಾಣಿಯ: ಇಂಜಂವೊನು, ಇಪ್ಪಂವೊನು ಬಪ್ಪಂವೊನು ಆಯಿತುಳ್ಳ ಸರ್ವ ಶಕ್ತಿ ಉಳ್ಳ ದೇವನಾನ ಒಡೆಯ, ಪವಿತ್ರವಾನಂವೊ, ಪವಿತ್ರವಾನಂವೊ, ಪವಿತ್ರವಾನಂವೋಂದ್ ಎಡೆಬುಡತೆ ಬಯಿಟ್ ಪೋಲು ಎಣ್ಣಿಯಂಡೇ ಇಂಜತ್.